१ युहन्‍ना 2:22 - पुर्वीय मगर

²² अनी झुटो सु हो ट? येशू न मुक्‍ति याछ ख्रीष्‍ट हो डेच कुरा इन्‍कार जाट्‍च भर्मी न झुटो हो। होङ्‍च भर्मी न मुक्‍ति याछ ख्रीष्‍टौ विरोधी हो। होचे परमेश्‍वर बोइ र मीजा नीसकी न इन्‍कार जाट्‍ले।

१ युहन्‍ना 2:22 ပူးပေါင်းရင်းမြစ်များ

मत्ती 24:24

हीजैडेनाङ याङ्‍च झुटो ख्रीष्‍टको र झुट्‍टा अगमवक्‍ताको राल्‍हे। होखुरीकै बाड्‍सो-बाड्‍सो चीन्‍ह र अचम्‍मौ कामको टान्‍हाकार य्‍होक्‍ठर परमेश्‍वरै चुन्‍डीचकोलाक र भड्‍कडीले।

मत्ती 24:5

हीजैडेनाङ वास्‍टै जना ङौ म्‍यार्‌मीनाङ ‘ङा न मुक्‍ति याछ ख्रीष्‍ट हो’ डेचै राल्‍हे र वास्‍टै भर्मीकोलाक ढाँट्‍डीले।

युहन्‍ना 8:44

नाखुरीक च नाखुरीकुङ बोइ शैतानौ सन्‍टानको हो, र नाखुरीकुङ बोयो इच्‍छा पुरा जाट्‍च नाखुरीकुङ मीमन ले। होसे च सुरुलकीङ न ज्‍यानमारा हो। र होचे सत्‍यकी घृणा जाट्‍ले, हीजैडेनाङ होसखाटा हीर सत्‍य माले। होचे मेन न स्‍वभाव अनुसार झुटो ङाक्‍ले। होसे झुटो हो र झुटौ न बोइ हो।

१ युहन्‍ना 1:6

इडीक परमेश्‍वर खाटा कानुङ सङ्‍गटी ले डेयार चहीँ डेले टर छुम्‍ठाङ न व्‍हाले डेनाङ, कानै झुट ङाक्‍ले र सत्‍य कुराङ माव्‍हाले।

१ युहन्‍ना 2:18

ङौ मार्‌जा बालखको, इसे अन्‍टीम समय हो। ख्रीष्‍टौ विरोधी राम्‍हन ले डेच कुरा नाखुरीकै सेमने। ख्रीष्‍टौ धेरै विरोधीको च अघी न राम्‍हने। होटबाटै इटै न कान वार्‌ल्‍हे, की इसे अन्‍टीम समय हो।

१ युहन्‍ना 2:23

मीजाकी इन्‍कार जाट्‍च कुसेर भर्मी खाटा परमेश्‍वर बोइ माङुले। सुये मीजाकी सुइकार जाट्‍ले, होसे खाटा परमेश्‍वर बोइ र ङुले।

१ युहन्‍ना 2:4

सुये “ङा परमेश्‍वरकी चीन्‍डीले” डेले, टर होसकुङ आज्ञाको मामन्‍डीले डेनाङ होसे झुटो हो, र होसे खाटा सत्‍य माछान्‍ले।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?

१ युहन्‍ना 4:3

येशू भर्मी छानार राछ हो डेच कुराकी सुइकार माजाट्‍च आत्‍माको चहीँ परमेश्‍वर लकीङ राछ होइन। होखुरीक चहीँ ख्रीष्‍टौ विरोधी आत्‍माको हो। होसे राल्‍हे डेच कुरा नाखुरीकै सेमने र होसे चाहाँ न इसे संसाराङ राम्‍हभ्‍यामने।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।

२ युहन्‍ना 1:7

“येशू ख्रीष्‍ट भर्मी छानार शरीराङ राछ होइन” डेयार वास्‍टै जना झुटो ङाक्‍चको संसाराङ राम्‍हने। याङ्‍च भर्मी न झुटो अनी येशू ख्रीष्‍टौ विरोधीको हो।

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।