१ युहन्‍ना 2:11 - पुर्वीय मगर

¹¹ टर लहो डाजेभाइको र डै बहीनीकोलाक हेला जाट्‍च चहीँ छुम्‍ठाङ छान्‍ले। अनी छुम्‍ठाङ व्‍हानाङ कुलाक नुङ्‍ङन ले, डेच कुरा होसकी थाहा माछान्‍ले, हीजैडेनाङ छुम्‍छये जाट्‍नाङ होसकी डाङ्‍की माय्‍होक्‍च खास्‍न भ्‍याच छान्‍ने।

१ युहन्‍ना 2:11 ပူးပေါင်းရင်းမြစ်များ

युहन्‍ना 12:35

येशूये होखुरीककी डेया, “अझै कालाप बेर ज्‍योति नाखुरीक खाटा ङुले। ज्‍योति नाखुरीक खाटा लेठर लहो लामाङ व्‍हानी, नभा च छुम्‍छये नाखुरीककी हुप्‍ले। छुम्‍ठाङ व्‍हाचये लाहा कुलाक नुङ्‍ङन ले डेच थाहा माडीन्‍ल्‍हे।

युहन्‍ना 12:40

“परमेश्‍वरै होखुरीकुङ मीमीक माडाङ्‍च खास्‍न याम्‍हने र होखुरीकुङ मीमन कठोर खास्‍न याम्‍हने। होटबाटै होखुरीकुङ मीमीकै माडाङ्‍ले, मीमनै माबुझडीस्‍ले र ङा लेठाङ ल्‍हेस्‍न मार्‍हाले। नभा च होखुरीक ङा लेठाङ ल्‍हेस्‍च लेया र ङै होखुरीककी गेपाक्‍की पर्च लेया।”

टीटस 3:3

हीजैडेनाङ कान र पहीला होङ्‍च न मुर्‌ख, डेच मागन्‍डीच र बरालीस्‍च लेया। मासेछ बीचारकै र पट्‍ट खालुङ मोज मज्‍जाकै कानकी कमारा खास्‍नन्‍या। कानकी र फोको भर्मीकै झीर्‌नन्‍या र कान र होखुरीककी झीर्‌च जाट्‍नन्‍या।

२ पट्‍रुस 1:9

इसे भर्मीको याङ्‍चको हो की खेरेपुङ कुराको र डाङ्‍की माय्‍होक्‍च अन्‍ढाको ल्‍याक्‍च न हो। होखुरीकै लहो पुरानो पाप लकीङ शुद्ध छान्‍च कुराको म्‍य्‍हाक्‍ङ भ्‍याच छान्‍ले।

१ युहन्‍ना 1:6

इडीक परमेश्‍वर खाटा कानुङ सङ्‍गटी ले डेयार चहीँ डेले टर छुम्‍ठाङ न व्‍हाले डेनाङ, कानै झुट ङाक्‍ले र सत्‍य कुराङ माव्‍हाले।

१ युहन्‍ना 2:10

टर सुये लहो डाजेभाइको र डै बहीनीकोलाक माया जाट्‍ले, होसे ज्‍योतियाङ छान्‍ले र लाहाकी बाँढा छान्‍च हीर कुरा होसे खाटा माछान्‍ले।

१ युहन्‍ना 2:9

इडीक सुये “ङा ज्‍योतियाङ ले” डेले टर होचे लहो डाजेभाइको र डै बहीनीकोलाक हेला जाट्‍ले डेनाङ होसे अझै र छुम्‍ठाङ न ले।

१ युहन्‍ना 3:15

लहो विश्‍वासी डाजेभाइको र डै बहीनीकोलाक हेला जाट्‍च चहीँ ज्‍यानमारा हो, अनी कुसेर ज्‍यानमारा खाटा सेन्‍र मासीच जीवन माङुले डेच कुरा च नाखुरीककी थाहा ले।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?