१ युहन्‍ना 2:10 - पुर्वीय मगर

¹⁰ टर सुये लहो डाजेभाइको र डै बहीनीकोलाक माया जाट्‍ले, होसे ज्‍योतियाङ छान्‍ले र लाहाकी बाँढा छान्‍च हीर कुरा होसे खाटा माछान्‍ले।

१ युहन्‍ना 2:10 ပူးပေါင်းရင်းမြစ်များ

मत्ती 13:21

टर होच्‍यो लहो लुप्‍म जरा मानुङ्‍चबाटै होसे ठोरै समय मट्‍टै ङुले। जब परमेश्‍वरौ वचनाङ विश्‍वास जाट्‍च कारनै कष्‍ट र खेडो आइपर्‌न राछ बीट्‍टीकै होसे विश्‍वासीङ हटडीस्‍ले।

मत्ती 18:7

भर्मीकोलाक पाप जाट्‍की लैडीच कुराकुङ लागी इसे संसारकी धिक्‍कार! याङ्‍च कुराको च राखी न पर्‌ले, टर धिक्‍कार होसे भर्मीकी सुलकीङ पाप जाट्‍की लैडीच कुराको राल्‍हे!

युहन्‍ना 11:9

येशूये होखुरीककी डेया, “कायाकाङ बार्‍ह घन्‍टा छान्‍ने होइन र? होटबाटै नाम्‍सीन व्‍हाच भर्मीकी चहीँ ठेस मालक्‍डीस्‍ले, हीजैडेनाङ होचे संसारौ ज्‍योतिये डाङ्‍ले।

युहन्‍ना 12:35

येशूये होखुरीककी डेया, “अझै कालाप बेर ज्‍योति नाखुरीक खाटा ङुले। ज्‍योति नाखुरीक खाटा लेठर लहो लामाङ व्‍हानी, नभा च छुम्‍छये नाखुरीककी हुप्‍ले। छुम्‍ठाङ व्‍हाचये लाहा कुलाक नुङ्‍ङन ले डेच थाहा माडीन्‍ल्‍हे।

युहन्‍ना 8:31

येशूये लाहा मीटाक विश्‍वास जाट्‍च यहूदीकोलाक डेया, “ङौ शिक्षाकी मन्‍डीम ङुवा डेनाङ नाखुरीक साँच्‍ची न ङौ चेला हो।

२ पट्‍रुस 1:10

होटबाटै विश्‍वासी डाजेभाइको र डै बहीनीको, परमेश्‍वरै नाखुरीककी आर्‌घाच र चुन्‍डीच कुराकी नीस्‍चीट जाट्‍कीयो लागी झन जोसीलो छान्‍नी। हीजैडेनाङ इसे कुराको जाटा डेनाङ, नाखुरीक सेन्‍र परमेश्‍वर लकीङ लोस माछान्‍ले।

१ युहन्‍ना 2:11

टर लहो डाजेभाइको र डै बहीनीकोलाक हेला जाट्‍च चहीँ छुम्‍ठाङ छान्‍ले। अनी छुम्‍ठाङ व्‍हानाङ कुलाक नुङ्‍ङन ले, डेच कुरा होसकी थाहा माछान्‍ले, हीजैडेनाङ छुम्‍छये जाट्‍नाङ होसकी डाङ्‍की माय्‍होक्‍च खास्‍न भ्‍याच छान्‍ने।

१ युहन्‍ना 3:14

कानकी थाहा ले, काल्‍हाको च मृत्‍युलकीङ जीवनाङ सरीस्‍न भ्‍यामने, हीजैडेनाङ कानुङ विश्‍वासी डाजेभाइको र डै बहीनीकोलाक कान प्रेम जाट्‍ले। सुये प्रेम माजाट्‍ले होसे मृत्‍युओ बन्‍धनाङ न छान्‍ले।