१ युहन्‍ना 2:1 - पुर्वीय मगर

¹ ङौ मार्‌जा बालखको, नाखुरीकै पाप माजाट्‍नी डेयार ङा इसे कुराको नाखुरीककी रीक्‍ङन ले। टर इडीक सुयेर पाप जाट्‍की क्‍योटा डेनाङ र कानुङ पक्षाङ परमेश्‍वर बोइ खाटा बिन्‍ती जाट्‍न याछ काट जना धार्मिक येशू ख्रीष्‍ट कानखाटा ले।

१ युहन्‍ना 2:1 ပူးပေါင်းရင်းမြစ်များ

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

युहन्‍ना 10:15

कुटजाट्‍न बोये ङाकी सेम्‍हजा चीन्‍डीले ङा र बोइकी सेम्‍हजा चीन्‍डीले। अनी ङा भेडाकुङ लागी ङाल्‍हौ प्राण र याल्‍हे।

युहन्‍ना 13:33

“ए ङौ मीजाको, ङा नाखुरीकखाटा कालाप बेर मट्‍टै ङुले। नाखुरीकै ङाकी पाले टर ङै यहूदी अगुवाकोलाक डेनाङ लेखा न नाखुरीककी र डेले, ‘ङा कुला नुङ्‍ङन ले, होला नाखुरीक राखी माय्‍होक्‍ले।’

युहन्‍ना 14:16

अनी ङा बोइखाटा बिन्‍ती जाट्‍ले, र होसकै नाखुरीकुङ लागी अर्‌को काट जना सल्‍हाकार बीर्‌न्‍हकाले, र होसको चहीँ नाखुरीक खाटा सढैँ भरी ङुले।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 21:5

टब येशूये होखुरीककी गीना, “ए डाजे-भाइको, नाखुरीक खाटा डीस्‍या ले?” होखुरीकै डेया, “अहँ काट र माघोमने।”

युहन्‍ना 5:14

होटै न्‍हुइङ येशूये होसे गेप्‍च भर्मीकी परमेश्‍वरौ मन्‍दिराङ डुपार डेया, “ङोस्‍नी, अब नाको गेप्‍मने। फेरी पाप माजाट्‍की, नभा च नाको मीटाक झन मासेछ डसा आइपर्‌ले।”

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

युहन्‍ना 6:27

नास छानार नुङ्‍च ज्‍याच ठोकौ लागी काम माजाट्‍नी, टर सेन्‍र मासीच जीवन याछ ज्‍याच ठोकौ लागी काम जाट्‍नी। इसे सेन्‍र मासीच जीवन याछ ज्‍याच ठोक नाखुरीककी भर्मीयो मीजै याल्‍हे हीजैडेनाङ परमेश्‍वर बोये इसे कामौ लागी होसकोकी अधिकार याम्‍हने।”

युहन्‍ना 8:11

होसे मास्‍टोये डेया, “माय्‍हा हजुर।” येशूये डेया, “होटडेनाङ ङा र नाङ्‍की दण्‍ड माय्‍हाले। अब नाङ नुङ्‍ना, टर फेरी पाप माजाटो।”]

प्रेरित 7:52

र अगमवक्‍ताको मढ्‍याङ कुसे चहीँकी नाखुरीकुङ बोइ-बाज्‍युकै मासटडीम्‍या र? होखुरीकै परमेश्‍वरौ पवित्र जन राम्‍हन ले डेम अघीलकीङ न घोसना जाट्‍च अगमवक्‍ताकोलाक समेट साटा। अनी नाखुरीकै राछ पवित्र जनकी ढोका याहार साटा। अब नाखुरीक चहीँ होसकुङ ज्‍यानमारा छान्‍ले।

१ टीमोठी 2:5

हीजैडेनाङ परमेश्‍वर काट मट्‍टै ले। अनी परमेश्‍वर र भर्मीयो मीघ्‍युङ सम्‍बन्‍ध खाटाक्‍च र काट मट्‍टै ले। इसे खाटाक्‍च भर्मी चहीँ ख्रीष्‍ट येशू हो।

१ टीमोठी 3:14

ङा नाको लेठाङ छीटो न राछ आशा डानाङ र चाहाँ इसे चीठी नाकोकी रीक्‍ङन ले।

याकुब 1:27

परमेश्‍वर बोइकी जाक्‍ङ सेच शुद्ध र पवित्र धर्म चहीँ डुखाङ पर्च टुहुरा-टुहुरीकोलाक र बीढुवाकोलाक सहायता जाट्‍की, र लाहाकी संसारुङ मासेछ कुराकोलकीङ जोगडीयार शुद्ध डाकी हो।

याकुब 3:9

अनी काल्‍है काल्‍हौ प्रभु परमेश्‍वर बोइकी इसे न मेलेटै प्रंशसा जाट्‍ले, र इसे न मेलेटै फेरी परमेश्‍वरौ सोरुपाङ खास्‍च भर्मीकोलाक सराप याल्‍हे।

१ पट्‍रुस 2:22

होसकै हीर पाप माजाटा, र होसकुङ मेङेरीङ काट र झुटो कुरा ङाक्‍च मासेया।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 3:18

बालखको, कानै मेङेर अठबा कुरै मट्‍टै प्रेम माजाटीङ, टर काम लकीङ अनी सत्‍यताङ प्रेम जाटीङ।

१ युहन्‍ना 3:5

नाखुरीककी थाहा ले की कानुङ पाप मेट्‍डीकीयो लागी न ख्रीष्‍ट संसाराङ राहा। होसको खाटा पाप न माले।

१ युहन्‍ना 3:7

मार्‌जा बालखको, सुयेर नाखुरीककी ढाट्‌डीकी माडीन्‍ख्‍यौ! ठीक काम जाट्‍च भर्मी न ख्रीष्‍ट ल्‍याक्‍च धर्मी ठहरीस्‍ले।

१ युहन्‍ना 4:4

ए ङौ मार्‌जा बालखको, नाखुरीक च परमेश्‍वरौ सन्‍टानको हो र नाखुरीकै झुटो अगमवक्‍ताकोलाक जुमने हीजैडेनाङ नाखुरीकखाटा लेच पवित्र आत्‍मा चहीँ संसारुङ भर्मीकोखाटा लेच आत्‍मा डेनाङ शक्‍तिसाली ले।

१ युहन्‍ना 5:17

पट्‍ट न मास्‍च काम जटी पाप हो, टर पट्‍ट न पापै मृत्‍युवाङ चहीँ माटाहाक्‍ले।

१ युहन्‍ना 5:21

मार्‌जा बालखको, नाखुरीक लहे लाहाकी मूर्तिको लकीङ लोस ङुनी।

३ युहन्‍ना 1:4

लहो मीजाको सत्‍यताङ व्‍हामने डेच कुरा सेकी डीन्‍खी डेनाङ अरु बाड्‍को आनन्‍द ङौ लागी ही छान्‍की य्‍होक्‍ले र?