१ युहन्‍ना 1:6 - पुर्वीय मगर

⁶ इडीक परमेश्‍वर खाटा कानुङ सङ्‍गटी ले डेयार चहीँ डेले टर छुम्‍ठाङ न व्‍हाले डेनाङ, कानै झुट ङाक्‍ले र सत्‍य कुराङ माव्‍हाले।

१ युहन्‍ना 1:6 ပူးပေါင်းရင်းမြစ်များ

मत्ती 7:22

न्‍यायौ डीनाङ ङाकी वास्‍टै जनै डेले, ‘प्रभु, ए प्रभु, ही कानै नाकुङ म्‍यार्‌मीनाङ अगमवाणी माङाका र? नाकुङ म्‍यार्‌मीनाङ भूतको माखेट्‍डीया र? कानै नाकुङ म्‍यार्‌मीनाङ वास्‍टै अचम्‍मौ कामको माजाटा र?’

युहन्‍ना 11:10

टर नाबीक व्‍हाच भर्मीकी चहीँ ठेस लक्‍डीस्‍ले, हीजैडेनाङ नाबीक च होसे खाटा ज्‍योति माछान्‍ले।”

युहन्‍ना 12:35

येशूये होखुरीककी डेया, “अझै कालाप बेर ज्‍योति नाखुरीक खाटा ङुले। ज्‍योति नाखुरीक खाटा लेठर लहो लामाङ व्‍हानी, नभा च छुम्‍छये नाखुरीककी हुप्‍ले। छुम्‍ठाङ व्‍हाचये लाहा कुलाक नुङ्‍ङन ले डेच थाहा माडीन्‍ल्‍हे।

युहन्‍ना 12:46

ङा मीटाक विश्‍वास जाट्‍चको सुर छुम्‍ठाङ ङुकी मापर्‌ख्‍यौ डेयार ङा इसे संसाराङ ज्‍योति छानार राछ हो।

युहन्‍ना 8:12

येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

युहन्‍ना 8:55

नाखुरीकै होसकोकी माचीन्‍डीमने, टर ङा चहीँ होसकोकी चीन्‍डीले। इडीक ङै होसकोकी माचीन्‍डीले डेले डेनाङ ङा र नाखुरीक लेखा न झुटो ठहरीस्‍ले। टर ङा होसकोकी चीन्‍डीले, र होसकै डेच कुरा मन्‍डीले।

१ टीमोठी 4:2

याङ्‍च शिक्षाको चहीँ झुटो ङाक्‍च र कपटी भर्मीकोलकीङ राल्‍हे, होखुरीकुङ बीबेक खान्‍छ फालामै नाप्‍च ल्‍याक्‍च हीर ठाहा माडीन्‍छ छान्‍ले।

याकुब 2:14

ङौ विश्‍वासी डाजेभाइको र डै बहीनीको, इडीक कुसेर भर्मीये “ङा विश्‍वास जाट्‍ले” च डेले, टर कुसे कामै र लहौ विश्‍वास टान्‍हाक्‍की माय्‍होक्‍ले डेनाङ ही फाइडा छानार? ही याङ्‍च विश्‍वासै होसकी जीवाक्‍की य्‍होक्‍ले र?

याकुब 2:16

टर नाखुरीक मढ्‍याङ सुयेर होसकी “शान्‍तिखाटा नुङ्‍नी, जाल्‍न्‍हजा ङुनी, र्‍हास्‍ठर ज्‍यानी” मट्‍टै डेले टर होच्‍यौ शरीरकी खाँचो पर्च कुराको चहीँ हीर माय्‍हाले डेनाङ, ही होसे सेम्‍ह छानार?

याकुब 2:18

टर सुयेर आडेइ, “नाङ विश्‍वास जाट्‍ले, ङा च काम जाट्‍ले।” काम बीनुङ नुओ विश्‍वास ङाकी टान्‍हाको, र ङै जाट्‍च काम लकीङ ङा लहौ विश्‍वास नाङ्‍की टान्‍हाक्‍ले।

१ युहन्‍ना 1:10

इडीक कानै पाप माजाट्‍ने डेले डेनाङ कानै परमेश्‍वरकी झुटो ठहरीले, र होसकुङ बचन कानखाटा माछान्‍ले।

१ युहन्‍ना 1:3

नाखुरीक र कान खाटा सङ्‍गटी जाट्‍नी डेयार कानै ही डाङने र सेमने, होसे नाखुरीककी सेटाक्‍ले। कानुङ सङ्‍गटी चहीँ परमेश्‍वर बोइ र होसकुङ मीजा येशू ख्रीष्‍ट खाटा ले।

१ युहन्‍ना 1:8

इडीक कान खाटा हीर पाप माले डेले डेनाङ कानै लाहाकी न ढोका याल्‍हे, र कान खाटा सत्‍य माछान्‍ने।

१ युहन्‍ना 2:4

सुये “ङा परमेश्‍वरकी चीन्‍डीले” डेले, टर होसकुङ आज्ञाको मामन्‍डीले डेनाङ होसे झुटो हो, र होसे खाटा सत्‍य माछान्‍ले।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?