Mateus 7:14 - Eibangeilhos en Mirandês

¹⁴ Ye streita la puorta i apertado l camino que lhieba a la bida i son poucos ls que dan cun eilha.»

Mateus 7:14 ပူးပေါင်းရင်းမြစ်များ

Mateus 20:16

Assi, ls redadeiros seran purmeiros i ls purmeiros seran redadeiros, porque muitos son ls chamados, mas poucos ls scolhidos.»

Mateus 22:14

Porque muitos son ls chamados, mas poucos ls scolhidos.»

Mateus 7:13

«Antrai pula puorta streita, porque ye grande la puorta i ancho l camino que lhieban a la perdiçon i son muitos ls que éntran por alhá.

Mateus 7:15

«Lhibrai-bos de ls falsos porfetas, que bénen a tener cun bós bestidos de canhona, mas andrento son lhobos malos.

Marcos 8:34

Apuis chamou toda la giente i ls sous deciplos i dixo-le: «Se alguien quejir benir atrás de mi, çprézie-se a el mesmo, agarre la sue cruç i apuis benga atrás de mi.

Lucas 12:32

«Nun tengas miedo, pequeinho tagalho, porque al buosso Pai le dou la gana de bos dar l reino.

Juan 16:2

Botaran-bos para fuora de las sinagogas; mas ben ende la hora an que quien bos matar, cuidará que le stá a fazer un serbício a Dius.

Juan 16:33

Tengo-bos dezido estas cousas, para que téngades paç an mi; ne l mundo tenereis agonias, mas, tenei ánimo, you benci l mundo.»