Mateus 6:5 - Eibangeilhos en Mirandês

⁵ «Quando rezardes, nun séiades cumo ls falsos, que gústan de rezar de pies nas sinagogas i nas squinas de las praças, pa que séian bistos pulas pessonas. Quedai bien ciertos de l que bos digo: Yá recebírun la sue paga.

Mateus 6:5 ပူးပေါင်းရင်းမြစ်များ

Mateus 21:22

I alcançareis todo l que pedirdes cun fé na ouracion.»

Mateus 23:13

Cuitadicos de bós, scribas i fariseus falsos, porque cerrais l reino de ls cielos a las pessonas! Nien bós antrais nien deixais als outros antrar.

Mateus 23:5

Porque fáien todas las obras deilhes para que séian bistos pulas pessonas: pónen las sues fitas mais anchas i alhárgan las franjas;

Mateus 23:6

gústan de ls campos de la delantreira nas cenas i de ls purmeiros sentalhos nas sinagogas;

Mateus 6:1

«Mirai bien, que nun fágades la buossa justícia delantre las pessonas para que séiades bistos por eilhas; senó nun tenereis niũa paga de l buosso Pai que stá ne ls cielos.

Mateus 6:16

«Quando ayunais, nun bos quérgades poner tristes cumo ls falsos, puis zafigúran l rostro para le amostráren a las pessonas que stan a ayunar. Quedai bien ciertos de l que bos digo: Yá recebírun la sue paga.

Mateus 6:2

Quando dires smola, nun deixes tocar la corneta delantre de ti, cumo fázen ls falsos nas sinagogas i nas rues, para tenéren l galardon de las pessonas. Quedai bien ciertos de l que bos digo: Yá recebírun la sue paga.

Mateus 9:38

Pedi-le, anton, al duonho de l pan que mande mais segadores pa la sue segada.»

Marcos 11:25

I quando stubirdes a rezar, perdonai-le algo que téngades contra ũa pessona, para que tamien l buosso Pai, que stá ne l cielo, bos perdone ls buossos pecados.»

Marcos 12:38

I dezie-le ne l sou ansino: «Tenei cuidado culs scribas, que gústan de passear bien bestidos i de ser saludados na praça,

Lucas 11:43

Cuitadicos de bós, á fariseus, que gustais de ls sentalhos de la delantreira nas sinagogas i de las mesuras nas praças.

Lucas 18:1

Apuis cuntou-le ũa parábola subre l’oubrigaçon de rezar siempre, sien nunca parar,

Lucas 18:13

L recebidor de ampuostos puso-se loinge i nien sequiera tenie coraige de alhebantar ls uolhos pa l cielo, mas batie ne l peito, dezindo: “Á Dius, ten piadade de mi, que sou pecador.”

Lucas 20:47

eilhes que cómen todo nas casas de las biúdas, fazendo de cunta que rézan muito. Esses inda ban a tener un mais grande castigo.»

Lucas 6:24

Mas ai de bós, á ricos, porque yá teneis la buossa paga!

Juan 16:24

Até agora nun pedistes nada an miu nome; pedi i recebireis para que la buossa alegrie se cumpra.