Mateus 4:3 - Eibangeilhos en Mirandês

³ Ende, l atentador achegou-se al pie de Jasus i dixo-Le: «Se sós l filho de Dius diç-le a estas piedras que se fágan an pan.»

Mateus 4:3 ပူးပေါင်းရင်းမြစ်များ

Mateus 14:33

Anton, ls que stában ne l barquito adorórun-lo dezindo: «Sós de berdade l Filho de Dius!»

Mateus 16:16

Respundendo Simon Pedro, dixo-le: «Tu sós l Cristo, l Filho de Dius bibo.»

Mateus 26:63

Mas Jasus quedaba calhado. L xefe de ls saçardotes dixo-le: «Pido-te, pul Dius bibo, que mos digas se sós Cristo, l Filho de Dius.»

Mateus 3:17

Anton, ũa boç de l cielo dixo: «Este ye l miu mui amado Filho i tengo muita proua cun el.»

Marcos 1:1

Ampeço de l Eibangeilho de Jasus Cristo, Filho de Dius. Cunsante stá screbido ne l porfeta Eisaías:

Marcos 3:11

I ls spritos malos, quando l bien, botában-se-le als pies i boziában, dezindo: «Tu sós l filho de Dius!»

Marcos 5:7

i boziando cun ũa boç mui alta, dixo: «Que tenes tu a ber cumigo, á Jasus, filho de l Dius Altíssemo? Por Dius te pido que nun m’atermentes.»

Lucas 1:35

L anjo respundiu-le: «L Sprito Santo benirá subre ti i la fuorça de l Altíssemo bai-te a acubrir cula sue selombra. Ye por essa rezon que l santo que bai a nacer de ti será chamado Filho de Dius.

Lucas 22:70

Preguntórun-le todos: «Anton, tu sós l Filho de Dius?» El respundiu-le: «Bós ye que dezis que you sou.»

Lucas 4:3

Ende, dixo-le l diabro: «Se sós l Filho de Dius, diç-le a esta piedra que se faga an pan.»

Lucas 4:41

D’andrento de muita giente salien demonhos que boziában, dezindo: «Tu sós l Filho de Dius.» Mas el renhie-le i nun los deixaba falar, puis sabien que el era l Cristo.

Lucas 4:9

Lhebou-lo apuis a Jarusalen, puso-lo anriba la cucruta de l templo i dixo-le: «Se sós l Filho de Dius, bota-te deiqui abaixo.

Juan 1:34

I you bi i dei teçtemunho de que el ye l Filho de Dius.»

Juan 1:49

Natanael respundiu-le, dezindo: «Rabi, tu sós l Filho de Dius, tu sós l rei d’Eisrael.»

Juan 20:31

Mas estes fúrun screbidos para que acradítedes que Jasus ye l Cristo, l Filho de Dius, i para que, acraditando, téngades la bida an nome del.

Juan 9:35

Jasus oubiu dezir que lo habien botado para fuora i quando ancarou cun el, dixo-le: «Tu acraditas ne l Filho de Dius?»