Mateus 4:24 - Eibangeilhos en Mirandês

²⁴ La fama del spalhou-se por toda la Síria i tráien-le todos ls que sufrien de malinas, ls que padecien de achaques i termientos, ls que tenien l demonho cun eilhes, ls lhunáticos i ls coixos, i sanou-los.

Mateus 4:24 ပူးပေါင်းရင်းမြစ်များ

Mateus 12:22

Apuis, traírun-le ũa pessona que tenie l diabro i era ciega i tata i sanou-la, de modo que l tato quedou a falar i a ber.

Mateus 14:1

Naquel tiempo, l tetrarca Harodes oubiu falar de la fama de Jasus

Mateus 15:22

Anton, ũa mulhier cananeia, benida daquel termo, ampeçou a boziar dezindo: «Tenei piadade de mi, Senhor, Filho de Dabide: la mie filha stá mui mal, atermentada por un demonho.»

Mateus 17:15

«Senhor, ten pena de l miu filho, que ye lhunático i stá mui mal, puis muita beç se cai al lhume i outras bezes a l’auga.

Mateus 17:18

Jasus dou-le orde i l demonho saliu d’andrento del i, naquel sfergante, l rapazico quedou sano.

Mateus 4:23

Jasus andaba por to la Galileia, a ansinar nas sinagogas deilhes, pregando l Eibangeilho de l Reino i sanando todos ls achaques i males de l pobo.

Mateus 8:28

Quando chegou al outro lhado, al termo de ls gadarenos, salírun-le al camino dous que tenien diabros andrento, salidos de las sepulturas i tan albrotados que naide s’astrebie a passar por aquel camino.

Mateus 8:33

Ls guardadores de ls cochinos scapórun-se i, mal apenas chegórun a la cidade, cuntórun l que se habie passado i tamien subre ls que tenien ls demonhos andrento.

Mateus 8:6

dezindo: «Senhor, l miu criado stá coixo an casa i cun delores que nun ye capaç de aguantar.»

Mateus 9:26

I la fama deste feito corriu-se por toda aqueilha tierra.

Mateus 9:35

I Jasus andaba por todas aqueilhas cidades i lhugaricos, a ansinar nas sinagogas deilhes i a apregonar l Eibangeilho de l Reino i a sanar todos ls males i todos ls achaques.

Marcos 1:28

I la fama del corriu-se por to la parte, an toda la region de la Galileia.

Marcos 1:32

A la nuitica, yá apuis de l sol se haber çpuosto, traírun-le todos ls que tenien algun mal i ls que tenien demonhos andrento,

Marcos 2:3

Anton, chegórun uns que le traien ũa pessona tolhida, lhebada por quatro.

Marcos 2:4

Cumo nun fúrun capazes de la poner delantre del por bias de la muita giente, çtelhórun l telhado ne l sítio adonde el staba i, por un buraco, passórun la xerga adonde l tolhido staba stendido.

Marcos 2:9

L quei ye mais fácele, dezir-le al que stá tolhido “ls tous pecados quédan perdonados” ou dezir-le “alhebanta-te, agarra la tue xerga i camina”?»

Lucas 2:2

Este purmeiro registro fui feito quando Quirino era gobernador de la Síria.

Lucas 4:14

Jasus tornou pa la Galileia lhebado pula fuorça de l Sprito Santo. I la sue fama spalhou-se por toda aqueilha region.

Lucas 4:38

Apuis, salindo de la Sinagoga, antrou an casa de Simon. La suogra de Simon staba cun un febron mi grande i pedírun-le por eilha.

Lucas 5:15

Mas inda mais se spalhaba la fama del i ajuntában-se grandes juntouros de pessonas pa lo oubíren i para séren sanadas de ls sous males.

Lucas 5:24

Anton, para que sábades que l Filho de l Home ten, na tierra, l poder de perdonar ls pecados» – dixo-le al que staba tolhido –: «A ti te digo: Alhebanta-te, agarra l tou catre i bai-te pa tue casa.»

Lucas 7:17

I la fama del corriu-se por toda la Judeia i por aqueilhas tierras eilhi alredror.

Juan 10:21

Outros dezien: «Estas palabras nun son de quien ten un demonho cun el! Algũa beç un demonho le puode abrir ls uolhos als ciegos?»