Mateus 26:39 - Eibangeilhos en Mirandês

³⁹ I dou uns passicos al palantre i stendiu-se cula cara por tierra, rezando i dezindo: «Á Pai, se fur possible, aparta de mi este cálece; mas nun se faga cumo you quiero, mas cumo tu quieres.»

Mateus 26:39 ပူးပေါင်းရင်းမြစ်များ

Mateus 20:22

Jasus respundiu-le, dezindo-le: «Nun sabeis l que stais a pedir; podeis buer l cálece que you tengo de buer?» Eilhes respónden-le: «Podemos.»

Mateus 24:24

Porque ban a aparecer muito falso Cristo i muito falso porfeta i fazeran grandes sinales i milagres, de modo a anganhar, se fur possible, tamien als scolhidos.

Mateus 26:42

Tornou outra beç a salir d’an pie deilhes i rezou, dezindo: «Á Pai, se nun puodes fazer passar este cálece, sien que you lo beba, que se faga cumo tu quieres.»

Marcos 13:22

puis ban a aparecer falsos cristos i falsos porfetas i ban a fazer milagres i sinales milagrosos para anganhar, se esso fur possible, até als scolhidos.

Lucas 17:16

Atirou-se als pies del, cula cara acontra la tierra, agradecendo-le. El era samaritano.

Juan 11:41

Tirórun la piedra. Jasus, adepuis, alhebantando ls uolhos al parriba dixo: «Pai, dou-te grácias porque me oubiste.

Juan 14:31

mas ye para que l mundo saba que amo l Pai i, assi cumo l Pai me mandou, assi you fago. Alhebantai-bos, bamos ambora deiqui.»

Juan 18:11

Mas Jasus dixo-le a Pedro: «Mete la tue spada na baina; nun tengo de buer l cálece que miu Pai me dou?»

Juan 5:19

Mas Jasus respundiu-le assi: «Quedai bien ciertos de l que bos digo: L Filho, por el mesmo, nun puode fazer nada se nun bir l Pai a fazé-lo, puis todo l que este faç, tamien l Filho l faç de la mesma maneira.

Juan 5:30

You nun puodo fazer nada por mi mesmo; julgo cunsante oubo i l miu juízo ye justo, porque nun busco l que me dá la gana, mas la buntade daquel que me ambiou.

Juan 6:38

porque abaixei de l cielo, nó para fazer l que you quiero, mas la buntade daquel que me ambiou.