Mateus 25:41 - Eibangeilhos en Mirandês

⁴¹ Apuis dezirá-le tamien als que stan a la mano squierda: “Ide-bos ambora d’an pie de mi, malditos, pa l fuogo eiterno, que stá purparado pa l Diabro i pa ls anjos del.

Mateus 25:41 ပူးပေါင်းရင်းမြစ်များ

Mateus 13:40

Tal cumo l jólio ye arrecolhido i queimado pul fuogo, assi será na fin de l mundo:

Mateus 13:42

i botaran-los na fornalha de fuogo. Ende haberá choro i terrincar de dientes.

Mateus 13:50

i atiraran cun eilhes pa la fornalha de fuogo. Ende haberá choro i terrincar de dientes.»

Mateus 18:8

Se la tue mano ou l tou pie dan scándalo, corta-lo i atira cun el para bien loinge de ti: ye melhor para ti que entres na bida coto ou manco do que seias botado al fuogo eiterno tenendo las dues manos i ls dous pies.

Mateus 25:42

Porque tube fame i nun me destes a quemer; tube sede i nun me destes auga;

Mateus 25:46

I estes eiran pa l suplício eiterno, mas ls justos eiran pa la bida eiterna.»

Mateus 3:12

El tenerá na sue mano ũa pala de lhimpar i lhimpará las sues eiras i arrecadará l sou trigo ne l celeiro, mas queimará la palha nun fuogo que naide ye capaç de apagar.»

Mateus 4:10

Ende, Jasus dixo-le: «Bai-te ambora Satanás, puis stá screbido: Al Senhor tou Dius adorarás i solo a el serbirás.»

Mateus 5:22

Mas you digo-bos: Quien renhir cul armano del, será réu an tribunal; quien le chamar a sou armano “stúpido”, será réu ne l cunceilho; quien le chamar a sou armano “boubo”, será réu nas perfundas de ls einfiernos.

Mateus 7:23

Ende, you dezirei-le: “Nunca soube quien érades; sali d’an pie de mi, bós que solo sabeis fazer mal.”»

Lucas 13:27

I el respunderá-bos: “Digo-bos que nun sei d’adonde sodes bós: Sali d’an pie de mi, bós todos ls que fazeis l mal.”

Lucas 16:24

Anton, boziou-le, dezindo: “Pai Abraan, ten mezericórdia de mi i manda a Lházaro cula puntica de l dedo molhado n’auga para me refrescar la lhéngua, porque stou mi atermentado neste fuogo.”

Juan 8:44

Bós teneis al diabro por pai i quereis fazer l que le agrada al buosso pai. El fui un creminal matador zde siempre i nunca stubo cula berdade, porque nel nun hai berdade. Quando diç mintiras, fala de l que ye del, porque ye mintiroso i ye l pai de la mintira.