Mateus 24:39 - Eibangeilhos en Mirandês

³⁹ i nun dórun por nada até que bieno l delúbio i ls lhebou a todos, tamien assi será la benida de l Filho de l Home.

Mateus 24:39 ပူးပေါင်းရင်းမြစ်များ

Mateus 16:27

Mirai que l Filho de l Home ha de benir na glória de sou Pai, culs sous Anjos, i ende recumpensará a cada un cunsante las sues obras.

Mateus 24:3

Staba el sentado ne l Cabeço de las Oulibeiras i ls deciplos benírun a tener cun el d’aparte, dezindo-le: «Diç-mos a nós quando se daran essas cousas i qual será la seinha de la tue benida i de la fin de l mundo.»

Mateus 24:30

Adepuis aparecerá la seinha de l Filho de l Home ne l cielo i todas las naciones de la tierra ban a chorar i a ber l Filho de l Home a benir porriba las nubres de l cielo, cun muito poder i glória.

Mateus 24:37

Tal i qual cumo ne l tiempo de Noé, tamien assi será la benida de l Filho de l Home.

Mateus 24:40

Nessa altura, staran dues pessonas pul termo: ũa será lhebada i outra deixada;

Lucas 19:44

ban-te a sbarrulhar a ti i als tous filhos, que stan andrento de ti, i nun ban a deixar piedra anriba de piedra, porque nun coinciste l tiempo an que fuste bejitada.»

Juan 3:20

Puis l que faç cousas malas, ten-le rábia a la lhuç i nun s’achega a la lhuç pa que nun se çcúbran ls sous feitos;