Mateus 21:26 - Eibangeilhos en Mirandês

²⁶ mas se le dezirmos, “de ls homes”, tenemos miedo de l pobo, pus todos ténen a Juan na cuonta de porfeta.»

Mateus 21:26 ပူးပေါင်းရင်းမြစ်များ

Mateus 11:9

Mas l quei, anton, fustes a ber? Un porfeta? Si, digo-bos-lo you que ye bien mais do que porfeta.

Mateus 14:5

El bien l querie matar, mas tubo miedo de l pobo que lo tenie na cuonta de porfeta.

Mateus 21:11

Mas la giente dezie: «Este ye Jasus, porfeta de Nazaré de la Galileia.»

Mateus 21:25

L batismo de Juan d’adonde era? De l cielo ou de ls homes?» Eilhes falában antre eilhes dezindo: «Se le dezirmos, “de l cielo”, el dezirá-mos, “anton porque nun acraditestes nel?”

Mateus 21:27

Anton, respundírun-le a Jasus: «Nun sabemos.» I el dixo-le tamien: «Anton, tamien you nun bos digo cun que outeridade fago estas cousas.»

Mateus 21:46

i tenien gana de l prender, mas tubírun miedo de l pobo porque l tenie na cuonta de porfeta.

Marcos 11:32

I se le dezirmos, “de ls homes” mete-mos miedo de l pobo» puis todos tenien a Juan na cuonta de berdadeiro porfeta.

Marcos 12:12

Eilhes buscában modo de lo prender, mas tenien miedo de l pobo, puis antendírun que tenie dezido la parábola para eilhes. Anton, deixórun-lo i fúrun-se ambora.

Marcos 6:20

porque Harodes tenie-le miedo a Juan, puis sabie que era un home justo i santo, i defendie-lo; apuis de lo oubir quedaba cheno de miedo, mas assi i todo gustaba muito de l oubir.

Lucas 20:19

Ls scribas i ls príncepes de ls saçardotes quejírun botá-le la mano lhougo eilhi, mas tubírun miedo de l pobo; todo porque habien antendido que la acumparaçon era para eilhes.

Lucas 20:6

mas se dezirmos: “De ls homes”, todo l pobo mos bai a apedrear, puis ten a Juan na cunta de porfeta.»

Lucas 22:2

Ls príncepes de ls saçardotes i ls scribas andában a saber dun modo de l matáren, mas tenien miedo de l pobo.

Juan 5:35

El era ũa candela que ardie i alhumbraba i bós, por un cachico, quejistes cuntentar-bos cula sue lhuç.

Juan 9:22

Ls pais dezírun estas cousas porque tenien miedo de ls judius, porque estes yá habien treminado que se alguien cunfessasse que Jasus era l Messias iba a ser ampuntado de la sinagoga.