Mateus 2:13 - Eibangeilhos en Mirandês

¹³ Apuis de eilhes se habéren ido ambora, un anjo de l Senhor apareciu-le a Jesé nun suonho i dixo-le: «Alhebanta-te, agarra l nino i la mai del, scapa-te pa l Eigito i queda alhá até que you te diga, puis Harodes ha de ir a saber de l nino pa l matar.»

Mateus 2:13 ပူးပေါင်းရင်းမြစ်များ

Mateus 1:20

Andaba el cun esta matacion i apareciu-le un anjo de l Senhor an suonhos, dezindo-le: «Jesé, filho de Dabide, nun tengas miedo de recebir a Marie, tue mulhier, puis l que neilha se girou ye cousa de l Sprito Santo.

Mateus 10:23

Quando bos perseguíren nũa cidade, scapai-bos para outra; tan cierto cumo bos l digo que nun acabareis las cidades d’Eisrael até que benga l Filho de l Home.

Mateus 2:12

Habendo sido abisados an suonhos pa que nun tornáran por casa de Harodes, eilhes bolbírun pa la sue tierra por outro camino.

Mateus 2:14

El agarrou cul nino i la mai del i scapou-se pa l Eigito pul meio la nuite

Mateus 2:16

Harodes, al ber que habie sido anganhado puls magos, quedou mui anrabiado i mandou matar todos ls ninos, de dous anhos para baixo, que habie an Belen i an todo l sou termo, cunsante l tiempo que ousmara pula anformaçon de ls magos.

Mateus 2:22

Mas al oubir dezir que era Arquelau que reinaba na Judeia apuis la muorte de l pai, Harodes, tubo miedo de tornar para alhá. Anton, nun suonho, recebiu nuobas ordes de Dius i fui-se pa la region de la Galileia.