Mateus 2:12 - Eibangeilhos en Mirandês

¹² Habendo sido abisados an suonhos pa que nun tornáran por casa de Harodes, eilhes bolbírun pa la sue tierra por outro camino.

Mateus 2:12 ပူးပေါင်းရင်းမြစ်များ

Mateus 1:20

Andaba el cun esta matacion i apareciu-le un anjo de l Senhor an suonhos, dezindo-le: «Jesé, filho de Dabide, nun tengas miedo de recebir a Marie, tue mulhier, puis l que neilha se girou ye cousa de l Sprito Santo.

Mateus 2:13

Apuis de eilhes se habéren ido ambora, un anjo de l Senhor apareciu-le a Jesé nun suonho i dixo-le: «Alhebanta-te, agarra l nino i la mai del, scapa-te pa l Eigito i queda alhá até que you te diga, puis Harodes ha de ir a saber de l nino pa l matar.»

Mateus 2:19

Apuis de se morrer Harodes, l anjo de l Senhor apareciu-le a Jesé, nun suonho, ne l Eigito,

Mateus 2:22

Mas al oubir dezir que era Arquelau que reinaba na Judeia apuis la muorte de l pai, Harodes, tubo miedo de tornar para alhá. Anton, nun suonho, recebiu nuobas ordes de Dius i fui-se pa la region de la Galileia.

Mateus 27:19

Stando el sentado delantre de l tribunal, la mulhier del mandou-le esta rezon: «Nun te metas cun esse justo, puis to la nuite me fartei de sonhar cousas malas por bias del.»

Lucas 2:26

L Sprito Santo habie-le rebelado a Simeon que nun s’iba a morrer sien purmeiro ber l Messias pormetido pul Senhor.