Mateus 18:17 - Eibangeilhos en Mirandês

¹⁷ Anton, se el nun las quejir oubir, diç-le al cunceilho; mas se nien al cunceilho quejir dar oubidos, que seia para ti cumo l gentiu i l quebrador de la décima.

Mateus 18:17 ပူးပေါင်းရင်းမြစ်များ

Mateus 10:3

Tiago, filho de Zebedeu, i Juan, armano del; Felipe i Burtelameu; Tomé i Mateus, quebrador de la décima; Tiago, filho de Alfeu, i Tadeu;

Mateus 11:19

Bieno l Filho de l Home, que come i bebe, i dízen: “Mirai, ye un home que come bien i bebe melhor, amigo de ls quebradores de la décima i de ls pecadores.” Mas la sabedorie amostrou-se puls feitos del.»

Mateus 5:46

Porque se amardes ls que bos áman a bós, que bantaige tenereis? Nun son tamien essas las cousas que fáien ls arrecolhedores de la décima?

Mateus 6:7

Quando rezardes, nun quérgades falar muito cumo fázen ls gentius, puis cúidan que por muito faláren seran oubidos.

Lucas 15:1

Achegában-se a el todos ls arrecolhedores de la décima i ls pecadores pa lo oubíren.

Lucas 18:11

L fariseu staba de pies i rezaba assi, alhá cun el: “Á Dius, dou-te grácias por nun ser cumo ls outros homes, que son lhadrones, anjustos i fázen adultério, nien cumo este recebidor de ampuostos;