Mateus 18:10 - Eibangeilhos en Mirandês

¹⁰ Mirai bien, nun zpréziedes un solo destes pequerricos; digo-bos que ls anjos deilhes stan siempre ne l cielo a ber la cara de miu Pai que stá ne ls cielos.

Mateus 18:10 ပူးပေါင်းရင်းမြစ်များ

Mateus 1:20

Andaba el cun esta matacion i apareciu-le un anjo de l Senhor an suonhos, dezindo-le: «Jesé, filho de Dabide, nun tengas miedo de recebir a Marie, tue mulhier, puis l que neilha se girou ye cousa de l Sprito Santo.

Mateus 12:20

Nun scachará ũa canha rachada nien apagará ũa trocida inda cun murron, até que faga cun que la justícia binça;

Mateus 18:14

Assi, tamien, la buntade de buosso Pai que stá ne ls cielos ye que nun se perda niun destes pequerricos.»

Mateus 18:6

«Mas quien scandelizar un destes pequerricos que acradítan an mi, mais le balira que le çpindurássen ũa piedra de molino al cachaço i l botássen al fondo de l mar.

Mateus 2:13

Apuis de eilhes se habéren ido ambora, un anjo de l Senhor apareciu-le a Jesé nun suonho i dixo-le: «Alhebanta-te, agarra l nino i la mai del, scapa-te pa l Eigito i queda alhá até que you te diga, puis Harodes ha de ir a saber de l nino pa l matar.»

Mateus 2:19

Apuis de se morrer Harodes, l anjo de l Senhor apareciu-le a Jesé, nun suonho, ne l Eigito,

Mateus 24:31

I mandará ls sous anjos cun ũa grande corneta i ajuntaran ls scolhidos por el de ls quatro aires, dũa punta de l cielo até la outra.»

Lucas 1:19

L anjo respundiu-le: «You sou Grabiel, que stou siempre delantre de Dius i fui mandado para que te falara i dira esta buona notícia.

Lucas 10:16

Quien bos oube a bós, oube-me a mi; quien nun bos quier, ye a mi que nun me quier; i quien nun me quier a mi, nun quier aquel que m’ambiou.»

Lucas 16:22

Un die, l pedinte morriu-se i fui lhebado puls anjos pa l cuolho d’Abraan; morriu-se tamien l rico i anterrórun-lo.