Mateus 16:13 - Eibangeilhos en Mirandês

¹³ Bieno, anton, Jasus pa ls lhados de Cesareia de Felipe i preguntou-le als sous deciplos: «Quien dízen ls homes que ye l Filho de l Home?»

Mateus 16:13 ပူးပေါင်းရင်းမြစ်များ

Mateus 12:32

I quien dezir ũa palabra contra l Filho de l Home, será-le perdonada; mas quien la dezir contra l Sprito Santo, nun le será perdonada, nien neste mundo nien ne l feturo.

Mateus 12:40

Tal i qual cumo Jonas stubo na barriga de l mostro de l mar trés dies i trés nuites, assi tamien l Filho de l Home stará trés dies i trés nuites ne l coraçon de la tierra.

Mateus 12:8

Porque l Filho de l Home ye senhor de l sábado.»

Mateus 13:37

Jasus respundiu-le, dezindo: «Quien sembra la buona semiente ye l Filho de l Home.

Mateus 13:41

l Filho de l Home ambiará ls sous anjos i arrecolheran de l sou reino todos ls scandalosos i ls que fáien l mal

Mateus 15:21

Jasus, salindo deilhi, fui-se pa ls lhados de Tiro i de Sidónia.

Mateus 16:27

Mirai que l Filho de l Home ha de benir na glória de sou Pai, culs sous Anjos, i ende recumpensará a cada un cunsante las sues obras.

Mateus 16:28

Quedai bien ciertos de l que bos digo: Hai alguns de ls que stan eiqui que nun le tomaran l gusto a la muorte antes de béren l Filho de l Home a benir ne l sou reino.»

Mateus 25:31

«Quando benir l Filho de l Home na sue glória i, cun el, todos ls anjos, sentará-se ne l trono de la sue glória.

Mateus 8:20

I Jasus dixo-le: «Las raposas ténen madrigueiras i las abes de l cielo nius, mas l Filho de l Home nun ten adonde ancostar la cabeça.»

Mateus 9:6

Anton, para que sábades que l Filho de l Home ten na tierra l poder de perdonar ls pecados», – ende diç-le al que staba tolhido –: «Pon-te de pies, agarra tou catre i bai-te pa tue casa.»

Marcos 10:45

porque l Filho de l Home nun bieno para ser serbido, mas para serbir i pa que dara la sue alma pa la salbacion de muito.»

Marcos 8:38

Aquel que tubir bergonha de mi i de las mies palabras delantre desta giraçon adúltara i pecadora, tamien l Filho de l Home s’ambergonhará del, quando benir na glória de sou Pai culs anjos santos.»

Juan 1:51

I dixo-le inda: «Quedai bien ciertos de l que bos digo: Bereis l cielo abierto i ls anjos de Dius a chubir i a abaixar porriba l Filho de l Home.»

Juan 12:34

Respundiu-le la giente que eilhi staba: «Nós hemos oubido, de la Lei, que l Cristo quedará para siempre; anton, cumo ye que tu dizes: “Cumben que l Filho de l Home seia alhebantado?” Quien ye esse Filho de l Home?»

Juan 3:14

Tal i qual cumo Moisés oupiu la serpiente ne l zerto, tamien ye perciso que l Filho de l Home seia oupido,

Juan 5:27

i dou-le l poder de julgar, porque ye Filho de l Home.