Mateus 10:41 - Eibangeilhos en Mirandês

⁴¹ Quien recibe un porfeta por bias de ser porfeta, recebirá l galardon de porfeta, i quien recibe un justo por bias de ser justo, recebirá l galardon de justo.

Mateus 10:41 ပူးပေါင်းရင်းမြစ်များ

Mateus 16:27

Mirai que l Filho de l Home ha de benir na glória de sou Pai, culs sous Anjos, i ende recumpensará a cada un cunsante las sues obras.

Mateus 25:44

Anton, respunderan-le tamien eilhes, dezindo: “Senhor, quando fui que te bimos cheno de fame ou cheno de sede ou pelegrino ou znudo, malo ou na cadena i nun quejimos saber de ti?”

Mateus 25:45

Adepuis respunderá-le a eilhes, dezindo: “Atentai bien ne que bos digo: Qualquiera cousa que nun le fazistes a un destes mais pequerricos, fui a mi que nun la fazistes.”

Mateus 6:1

«Mirai bien, que nun fágades la buossa justícia delantre las pessonas para que séiades bistos por eilhas; senó nun tenereis niũa paga de l buosso Pai que stá ne ls cielos.

Mateus 6:18

pa que nun le amostres a las pessonas que stás a ayunar, mas a tou Pai que stá an sítio scundido; i tou Pai, que bei an sítios scundidos, te dará la paga.»

Mateus 6:4

pa que la tue smola quede an segredo i tou Pai, que bei an sítios scundidos, te dará la paga.»

Mateus 6:6

Mas tu, quando rezares, entra an tou quarto i, apuis de cerrar la puorta, reza-le a tou Pai, que stá nun sítio scundido; i tou Pai, que bei an sítios scundidos, te dará la paga.

Mateus 7:8

Porque todo l que pide, recibe, l que busca, acha i al que bate le abriran la puorta.