Marcos 9:9 - Eibangeilhos en Mirandês

⁹ Anquanto abaixában de l cabeço, dou-le orde para nun le cuntáren a naide l que habien bido, senó apuis que l Filho de l Home rucecitara de ls muortos.

Marcos 9:9 ပူးပေါင်းရင်းမြစ်များ

Mateus 12:19

Nun armará guerra nien boziará i naide oubirá la sue boç pulas rues.

Mateus 12:40

Tal i qual cumo Jonas stubo na barriga de l mostro de l mar trés dies i trés nuites, assi tamien l Filho de l Home stará trés dies i trés nuites ne l coraçon de la tierra.

Mateus 16:21

Zdende, Jasus ampeçou a fazer ber als sous deciplos que era neçairo que fura a Jarusalen i padecira muito de ls ancianos, de ls príncepes de ls saçardotes i de ls scribas, que fura muorto i rucecitara al treceiro die.

Mateus 27:63

i dezírun-le: «Senhor, lhembremos-mos que aquel aldrujon dixo, inda an bida: “Als trés dies rucecitarei.”

Mateus 8:4

Dixo-le, apuis, Jasus: «Mira, nun se lo digas a naide, mas bai-te i amostra-te als saçardotes i fai l’oufierta que Moisés mandou, para que sirba de teçtemunho para eilhes.»

Marcos 5:43

Pediu-le muito pa que naide soubira l que se passara i mandou-le dar de quemer a la rapazica.

Marcos 7:36

El mandou-le que nun le cuntáran a naide l que se passara, mas quanto mais el le mandaba, mais eilhes lo apregonában.

Marcos 9:10

Eilhes guardórun l que bírun solo par’eilhes, mas preguntában uns als outros l que quererie dezir cun «rucecitar de ls muortos».

Marcos 9:8

I nun sfergante, mirando alredror, nun bírun a mais naide, sien ser a Jasus, cun eilhes.

Lucas 24:46

i dixo-le: «Assi stá screbido, que l Cristo habie de sufrir i rucecitar de ls muortos al treceiro die,

Lucas 9:36

Mal apenas s’oubiu aqueilha boç, Jasus quedou el solico. Ls deciplos quedórun mui calhadicos i, por aqueilhes dies, nun le cuntórun a naide essas cousas que habien bido.