Marcos 8:38 - Eibangeilhos en Mirandês

³⁸ Aquel que tubir bergonha de mi i de las mies palabras delantre desta giraçon adúltara i pecadora, tamien l Filho de l Home s’ambergonhará del, quando benir na glória de sou Pai culs anjos santos.»

Marcos 8:38 ပူးပေါင်းရင်းမြစ်များ

Mateus 12:39

El respundiu-le, dezindo: «La giraçon mala i adúltara quier ũa seinha, mas la seinha nun le será dada a nun ser la seinha de l porfeta Jonas.

Mateus 13:41

l Filho de l Home ambiará ls sous anjos i arrecolheran de l sou reino todos ls scandalosos i ls que fáien l mal

Mateus 16:27

Mirai que l Filho de l Home ha de benir na glória de sou Pai, culs sous Anjos, i ende recumpensará a cada un cunsante las sues obras.

Mateus 16:28

Quedai bien ciertos de l que bos digo: Hai alguns de ls que stan eiqui que nun le tomaran l gusto a la muorte antes de béren l Filho de l Home a benir ne l sou reino.»

Mateus 16:4

La giraçon mala i adúltara pregunta por ũa seinha, mas la seinha nun le bai a ser dada, a nun ser la seinha de Jonas.» Apuis, bolbiu-le las cuostas i fui-se ambora.

Mateus 24:30

Adepuis aparecerá la seinha de l Filho de l Home ne l cielo i todas las naciones de la tierra ban a chorar i a ber l Filho de l Home a benir porriba las nubres de l cielo, cun muito poder i glória.

Mateus 25:31

«Quando benir l Filho de l Home na sue glória i, cun el, todos ls anjos, sentará-se ne l trono de la sue glória.

Mateus 26:64

Jasus respundiu-le: «Tu mesmo l deziste. Inda bos digo mais: Un die bereis l Filho de l Home sentado a la mano dreita de l poder i a benir porriba las nubres de l cielo.»

Mateus 8:20

I Jasus dixo-le: «Las raposas ténen madrigueiras i las abes de l cielo nius, mas l Filho de l Home nun ten adonde ancostar la cabeça.»

Marcos 13:26

Apuis bereis l Filho de l Home a benir anriba las nubres cun muito poder i glória.

Marcos 14:62

Jasus, anton, dixo-le: «You sou, i bereis l Filho de l Home sentado a la mano dreita de l Poder i a benir culas nubres de l cielo.»

Marcos 8:37

L que dará un home an troca de la sue alma?

Lucas 19:26

Digo-bos you: “Al que ten ha de se le dar, mas al que nun ten até l que ten le tiraran.

Lucas 9:26

Puis quien tubir bergonha de mi ou de las mies palabras, tamien del s’ambergonhará l Filho de l Home quando benir na sue glória i na de l Pai i de ls santos anjos.

Juan 1:14

I la Palabra ancarnou i bieno a morar cun nós i nós bimos la sue glória, la glória de Filho morgado de l Pai, cheno de grácia i de berdade.

Juan 1:51

I dixo-le inda: «Quedai bien ciertos de l que bos digo: Bereis l cielo abierto i ls anjos de Dius a chubir i a abaixar porriba l Filho de l Home.»

Juan 12:34

Respundiu-le la giente que eilhi staba: «Nós hemos oubido, de la Lei, que l Cristo quedará para siempre; anton, cumo ye que tu dizes: “Cumben que l Filho de l Home seia alhebantado?” Quien ye esse Filho de l Home?»

Juan 5:27

i dou-le l poder de julgar, porque ye Filho de l Home.