Marcos 6:56 - Eibangeilhos en Mirandês

⁵⁶ Adondequiera que antrasse, fura cidade, aldé ou lhugarico, ponien ls que stában malos nas praças i pedien-le que al menos le deixasse topar na franja de la sue bestimienta; i todos ls que le topában, quedában sanos.

Marcos 6:56 ပူးပေါင်းရင်းမြစ်များ

Mateus 14:36

i pedien-le que ls deixara topar al menos la franja de l sou manto. I todos ls que alhá topórun, quedórun sanos.

Mateus 9:20

Antoce, ũa mulhier, que yá ũa dúzia d’anhos sufrie dũa perda de sangre, bieno por trás del i topou-le na franja de l manto.

Marcos 3:10

Cumo sanou a muita giente, ls que tenien algue malina atirában-se acontra el para le topáren.

Marcos 6:55

i correndo toda aqueilha region, ampeçórun a traier an padiuolas todos ls que tenien algun mal para adonde oubien dezir que el andaba.

Lucas 22:51

Mas Jasus respundiu-le, dezindo: «Deixai-los, yá chega!» I assi que le topou l’oureilha sanou.

Lucas 6:19

Toda la giente buscaba un modo de le topar, porque salie del ũa bertude que los sanaba a todos.

Lucas 8:44

achegou-se por trás del i topou-le na punta de l bestido del i lhougo le parou l sangradeiro.