Marcos 3:9 - Eibangeilhos en Mirandês

⁹ Abisou ls sous deciplos pa que le tubíran ũa barca purparada para que aqueilha giente toda nun l ambarrasse.

Marcos 3:9 ပူးပေါင်းရင်းမြစ်များ

Mateus 15:39

Apuis de mandar ambora aquel juntouro de giente, chubiu-se nun barquito i fui-se pa l termo de Magadan.

Marcos 4:1

Jasus ampeçou outra beç a ansinar a la borda de l mar. Ajuntou-se alredror del un grande juntouro de pessonas, de modo que tubo de se chubir para ũa barca i ende se sentou, ne l mar, anquanto todo mundo quedaba an tierra, na borda de l mar.

Marcos 4:36

I deixando aqueilha giente toda, lhebórun-lo cun eilhes, na barca adonde staba; i outras barcas fúrun cun el.

Marcos 5:2

Mal apenas se abaixou de la barca, lhougo bieno a correr para el un home, salido dũa sepultura, que tenie un sprito malo;

Marcos 5:30

Jasus, al sentir ũa fuorça que salira del, buolto pa l juntouro de pessonas, preguntou: «Quien topou na mie roupa?»

Marcos 6:32

Scapórun-se, anton, eilhes solicos nun barco para un sítio sien naide.

Lucas 5:1

Dou-se l causo que ũa beç, staba el ne l lhago de Genezaré, un grande juntouro de pessonas apertaba-lo alredror para oubir la palabra de Dius

Lucas 5:3

Anton, chubiu-se anriba dun barco, que era de Simon, i pediu-le que lo zbiasse un cachico de la borda; i sentando-se, ansinaba d’anriba l barco a todo aquel juntouro de pessonas.

Juan 6:15

Jasus, al saber que l íban a agarrar pa l fazéren rei, tornou a salir deilhi, el solico, pa l cabeço.