Marcos 3:20 - Eibangeilhos en Mirandês

²⁰ Apuis tornou para casa. Ende, bieno outra beç tanta giente a tener cun el que nien l deixában quemer un cachico de pan.

Marcos 3:20 ပူးပေါင်းရင်းမြစ်များ

Marcos 1:45

Mas el, mal apenas saliu deilhi, ampeçou a apregonar mui alto i a spalhar la nobidade, de modo que yá nien podie antrar a las claras na cidade. Por bias dessas cousas, quedaba fuora an sítios sien naide i íban a tener cun el de todas las partes.

Marcos 2:1

Uns dies apuis, antrou outra beç an Cafarnaún i corriu-se que el staba an casa.

Marcos 3:19

i a Judas Scariotes, que fui quien lo atraiçonou.

Marcos 3:7

Jasus fui-se, culs sous deciplos, para an pie de l mar cun un grande juntouro de giente que benie atrás del zde la Judeia,

Marcos 3:9

Abisou ls sous deciplos pa que le tubíran ũa barca purparada para que aqueilha giente toda nun l ambarrasse.

Marcos 6:31

El dixo-le: «Beni bós solicos para un sítio sien naide i çcansai un cachico.» Porque era muita la giente que andaba para alhá i para acá, que eilhes nien tiempo para quemer tenien.

Marcos 7:17

Apuis d’antrar an casa, deixando aqueilha giente, ls deciplos preguntában-le l que querie dezir la parábola.

Marcos 9:28

Quando antrou andrento de casa, ls deciplos preguntában-le, d’aparte: «Porque ye que nun fumus capazes de l botar pa la rue?»

Lucas 6:17

Abaixando cun eilhes, parou nũa prainada cun muitos de ls sous deciplos i un grande juntouro de giente de l pobo, que habie benido de toda la Judeia, de Jarusalen, de Tiro i de Sidónia que quedában a la borda de l mar,