Marcos 2:20 - Eibangeilhos en Mirandês

²⁰ Ha de benir un die an que l moço le bai a ser tirado i nesse die yá puoden ayunar.

Marcos 2:20 ပူးပေါင်းရင်းမြစ်များ

Mateus 26:31

Eilhi, dixo-le Jasus: «Esta nuite, todos bós ides a perder la fé por bias de mi, porque stá screbido: Darei porrada ne l pastor i las canhonas de l ganado ban-se a scapar cada ũa para sou lhado.

Mateus 9:15

I Jasus dixo-le: «Por acaso ls cumbidados de las bodas puoden andar tristes anquanto l moço stá cun eilhes? Ha de benir l tiempo an que le han de tirar l moço i nessa altura ayunaran.

Marcos 2:19

I Jasus dixo-le: «Será que puoden ayunar ls cumbidados dũa boda, anquanto l moço stá cun eilhes? Anquanto tubíren l moço cun eilhes, nun puoden ayunar.

Marcos 2:21

Naide bota un remendo de panho fuorte nũa roupa bielha, senó l remendo nuobo stica l panho bielho i l rasgon inda queda mais grande.

Lucas 17:22

I dixo-le als deciplos: «Ha de benir un tiempo an que heis de querer ber un de ls dies de l Filho de l Home i nun lo heis de ber.

Lucas 5:35

Mas ha de benir un die an que le tiraran l moço d’an pie deilhes i ye nesses dies que ayunaran.»

Juan 12:8

Als probes siempre ls heis de tener cun bós, mas a mi nun me heis de tener siempre.»

Juan 13:33

Mius felhicos, inda stou cun bós mais un ratico. Heis-de andar a saber de mi i, cumo le habie dezido als judius, “para adonde you bou, bós nun podeis ir”, tamien bos l digo agora a bós.

Juan 16:28

You sali de l Pai i bin al mundo; agora deixo l mundo i bou-me pa l Pai.»

Juan 16:7

Mas, digo-bos la berdade, cumben-bos que you me baia ambora, porque se you nun me fur ambora, l Sprito nun benirá a tener cun bós; mas se you me fur, mandarei-bos-lo.

Juan 17:11

You yá nun stou ne l mundo, mas eilhes stan ne l mundo i you bou-me para an pie de ti. Pai santo, guarda, an tou nome, ls que me deste, para que séian un solo tal i qual cumo nós.

Juan 17:13

Mas agora bou-me para an pie de ti i falo estas cousas ne l mundo, para que téngan l miu cuntentamiento andrento deilhes mesmos.

Juan 3:29

Quien ten la mulhier ye l home, mas l amigo de l home, que lo acumpanha i oube, queda mui cuntento al oubir la boç de l home. Assi, la mie alegrie yá stá cumprida.