Marcos 14:62 - Eibangeilhos en Mirandês

⁶² Jasus, anton, dixo-le: «You sou, i bereis l Filho de l Home sentado a la mano dreita de l Poder i a benir culas nubres de l cielo.»

Marcos 14:62 ပူးပေါင်းရင်းမြစ်များ

Mateus 24:30

Adepuis aparecerá la seinha de l Filho de l Home ne l cielo i todas las naciones de la tierra ban a chorar i a ber l Filho de l Home a benir porriba las nubres de l cielo, cun muito poder i glória.

Mateus 26:64

Jasus respundiu-le: «Tu mesmo l deziste. Inda bos digo mais: Un die bereis l Filho de l Home sentado a la mano dreita de l poder i a benir porriba las nubres de l cielo.»

Mateus 27:11

Adepuis, Jasus fui puosto de pies, delantre l gobernador que le preguntou: «Tu sós l rei de ls judius?» I Jasus dixo-le: «Sós tu que l dizes.»

Marcos 13:26

Apuis bereis l Filho de l Home a benir anriba las nubres cun muito poder i glória.

Marcos 15:2

Pilatos anterrogou-lo: «Tu sós l rei de ls judius?» El respundiu-le, dezindo: «Sós tu que l dizes.»

Marcos 16:19

Apuis de haber falado cun eilhes, l Senhor Jasus fui lhebado pa l cielo i sentou-se a la mano dreita de Dius.

Lucas 22:69

De hoije an delantre stará l Filho de l Home sentado a la mano dreita de l poder de Dius.»

Lucas 23:3

Pilatos anterrogou-lo, preguntando-le: «Tu sós l rei de ls Judius?» El respundiu-le: «Sós tu que l dizes.»