Marcos 14:20 - Eibangeilhos en Mirandês

²⁰ El dixo-le: «Un de ls doze, l que mete cumigo la mano ne l prato.

Marcos 14:20 ပူးပေါင်းရင်းမြစ်များ

Mateus 26:23

Mas el, respundendo-le, dixo: «L que mete la mano cumigo ne l prato ye esse que m’antregará.

Mateus 26:47

Antoce, inda staba el a falar, Judas, un de ls doze, bieno i trouxo cun el un grande juntouro de pessonas cun spadas i palos, mandado puls xefes de ls saçardotes i puls mais antigos de l pobo.

Marcos 14:19

Eilhes ampeçórun a quedar mui tristes i a preguntá-le un de cada beç: «Acauso sou you?»

Marcos 14:21

Porque l Filho de l Home bai por sou camino, cunsante stá screbido del, mas ai daquel home por quien l Filho de l Home bai a ser antregue. Melhor le fura a esse home que nunca houbira nacido.»

Marcos 14:43

Anquanto inda staba a falar, chega Judas, un de ls doze, i cun el muita giente cun spadas i palos, mandada puls xefes de ls saçardotes, ls scribas i ls mais bielhos.

Lucas 22:47

Inda el staba a falar quando apareciu muita giente i aquel que le chamában Judas, un de ls Doze, benie na delantreira i achegou-se a Jasus pa l beisar.

Juan 13:26

Jasus respundiu-le: «Ye aquel a quien you le dir l cacho de pan molhado.» I habendo molhado l cacho de pan, dá-se-lo a Judas Scariotes.

Juan 6:71

Amentaba an Judas Scariotes, filho de Simon: Este, anque fura un de ls Doze, habie de lo atraiçonar.