Marcos 11:23 - Eibangeilhos en Mirandês

²³ Quedai bien ciertos de l que bos digo: Qualquiera pessona que le dezir a este cabeço, “sal dende i bota-te al mar” i nun dubidar ne l sou coraçon, mas acraditar que l que dezir se fazerá, assi se passará.

Marcos 11:23 ပူးပေါင်းရင်းမြစ်များ

Mateus 14:13

Jasus, quando oubiu l que se passara, saliu deilhi nun barquito para un sítio zerto i apartado. Mas, quando l soubírun, las multidones fúrun-se atrás del a pie zde las cidades.

Mateus 17:20

El dixo-le, anton: «Por bias de la buossa pouca fé. Quedai bien ciertos de l que bos digo: Se tubirdes fé cumo un grano de mostarda, dezireis-le a este monte: “Muda-te deiqui pali” i el mudará-se, i nada será ampossible para bós.

Mateus 21:21

Jasus respundiu-le, dezindo: «Quedai bien ciertos de l que bos digo: Se tubirdes fé i nun dubidardes, nun fazereis solo l que le passou a la figueira, mas tamien se le dezirdes a este monte, “Sal dende i bota-te al mar”, assi se passará.

Lucas 17:6

I l Senhor dixo-le: «Se tubirdes fé cumo un grano de mostarda, dezireis a esta moreira “arrinca-te deiqui i pon-te ne l mar” i eilha oubedecerá-bos.

Juan 14:13

Todo l que pedirdes an miu nome you fazerei-lo para que l Pai seia glorficado ne l Filho.

Juan 15:7

Se bós stubirdes an mi i las mies palabras stubíren an bós, podeis pedir todo l que quejirdes, que bos será dado.