Marcos 10:1 - Eibangeilhos en Mirandês

¹ Apuis de salir deilhi, fui-se pa la marra de la Judeia i par’alhá de l Jordan. Bieno outra beç a tener cun el un grande juntouro de pessonas i, cumo era la questume del, puso-se outra beç a ansiná-los.

Marcos 10:1 ပူးပေါင်းရင်းမြစ်များ

Mateus 26:55

Naqueilha hora, dixo-le Jasus a toda aqueilha giente: «Cumo se you fura un lhadron, benistes-me a prender cun spadas i stadulhos? Staba to ls dies sentado ne l templo i nun me prendistes.

Mateus 4:23

Jasus andaba por to la Galileia, a ansinar nas sinagogas deilhes, pregando l Eibangeilho de l Reino i sanando todos ls achaques i males de l pobo.

Marcos 1:21

Apuis antrórun an Cafarnaún. Ne l sábado alantre antrou na sinagoga a ansinar.

Marcos 10:2

Benírun a tener cun el ls fariseus i preguntában-le, pa lo atentáren, se staba cierto un home mandar ambora la sue mulhier.

Marcos 12:35

Jasus cuntinaba a ansinar ne l templo, preguntando: «Cumo dízen ls scribas que l Cristo ye Filho de Dabide?

Marcos 14:49

Staba to ls dies an pie de bós a ansinar ne l templo i nun me prendistes. Mas que se cúmpran las Scrituras.»

Marcos 2:13

Apuis, saliu outra beç pa la borda de l mar. Todo mundo benie a tener cun el i el ansinaba-los.

Marcos 4:2

Ansinaba-los ousando muita parábola i dezie-le na sue prática:

Marcos 6:2

Quando chegou l sábado, ampeçou a ansinar na sinagoga. Muitos que stában a oubir quedában mui admirados, dezindo: «De adonde le benírun estas cousas todas i que sabedorie ye esta que le dórun? Cumo tan grandes marabilhas son feitas pulas manos del?

Marcos 6:34

Al abaixá-se de l barco, biu un grande juntouro de giente i tubo pena deilha, porque éran cumo canhonas que nun tenien pastor, i ampeçou-le a ansinar muita cousa.

Marcos 6:6

Quedaba mui admirado cula falta de fé deilhes. Andaba, anton, a ansinar pulas terricas alredror.

Juan 10:40

Saliu outra beç pa l outro lhado de l Jordan, ne l sítio adonde Juan andaba datrás a batizar, i quedou puli.

Juan 11:7

Apuis, dixo-le assi als sous deciplos: «Bamos-mos outra beç pa la Judeia.»

Juan 18:20

Jasus respundiu-le: «You falei-le çclaradamente al mundo; you siempre ansinei na sinagoga i ne l templo, adonde todos ls judius s’ajúntan, i nun dixe nada a las scundidas.