Marcos 1:45 - Eibangeilhos en Mirandês

⁴⁵ Mas el, mal apenas saliu deilhi, ampeçou a apregonar mui alto i a spalhar la nobidade, de modo que yá nien podie antrar a las claras na cidade. Por bias dessas cousas, quedaba fuora an sítios sien naide i íban a tener cun el de todas las partes.

Marcos 1:45 ပူးပေါင်းရင်းမြစ်များ

Mateus 28:15

Eilhes, mal apenas recebírun l denheiro, fazírun tal i qual cumo le habien ansinado. I esta cuonta spalhou-se antre ls judius até al die d’hoije.

Mateus 9:26

I la fama deste feito corriu-se por toda aqueilha tierra.

Mateus 9:31

Mas eilhes, mal apenas salírun deilhi, spalhórun la fama del por todos aqueilhes lhados.

Marcos 2:13

Apuis, saliu outra beç pa la borda de l mar. Todo mundo benie a tener cun el i el ansinaba-los.

Marcos 3:20

Apuis tornou para casa. Ende, bieno outra beç tanta giente a tener cun el que nien l deixában quemer un cachico de pan.

Marcos 3:7

Jasus fui-se, culs sous deciplos, para an pie de l mar cun un grande juntouro de giente que benie atrás del zde la Judeia,

Marcos 7:36

El mandou-le que nun le cuntáran a naide l que se passara, mas quanto mais el le mandaba, mais eilhes lo apregonában.

Juan 6:2

Iba atrás del un grande juntouro de pessonas, porque bie ls milagres que el fazie nas pessonas que stában malas.