Lucas 9:45 - Eibangeilhos en Mirandês

⁴⁵ Mas eilhes nun sabien aquel dito, puis staba scundido para eilhes, para que nun lo antendíran. Mas tenien miedo de le preguntar l que querie dezir l dito.

Lucas 9:45 ပူးပေါင်းရင်းမြစ်များ

Mateus 16:22

I chamando-lo daparte, Pedro ampeçou a renher cun el, dezindo-le: «Dius te libre, Senhor, essas cousas nunca te ban a passar!»

Mateus 17:22

Andando eilhes pula Galileia, dixo-le Jasus: «L Filho de l Home bai a ser antregue nas manos de ls homes

Marcos 9:10

Eilhes guardórun l que bírun solo par’eilhes, mas preguntában uns als outros l que quererie dezir cun «rucecitar de ls muortos».

Marcos 9:32

Mas eilhes nun antendien aqueilha palabra i tenien miedo de le preguntar.

Lucas 18:34

Eilhes nun antendírun nada destas cousas, puis esta palabra era stranha para eilhes i nun antendien l que le dezie.

Lucas 2:50

Mas eilhes nun antendírun l que el le dixo.

Lucas 9:46

Ende, eilhes armórun un çcutimiento para saber quien era l mais grande de todos.

Juan 12:16

Ls deciplos del nun antendírun estas cousas na purmeira, mas quando Jasus fui glorficado dórun-se de cuonta que estas cousas stában screbidas a respeito del i que adepuis assi le fazírun.

Juan 12:34

Respundiu-le la giente que eilhi staba: «Nós hemos oubido, de la Lei, que l Cristo quedará para siempre; anton, cumo ye que tu dizes: “Cumben que l Filho de l Home seia alhebantado?” Quien ye esse Filho de l Home?»

Juan 14:5

Dixo-Le Tomé: «Senhor, nun sabemos para donde bás; cumo podemos coincer l camino?»

Juan 4:33

Ls deciplos dezien-le uns als outros: «Acauso alguien le haberá traído de quemer?»