Lucas 8:35 - Eibangeilhos en Mirandês

³⁵ Todos salírun a ber l que s’habie passado i benírun a tener cun Jasus i achórun l home, d’adonde habien salido ls demonhos, bestido, an sou purfeito juízo, sentado als pies de Jasus, i tubírun miedo.

Lucas 8:35 ပူးပေါင်းရင်းမြစ်များ

Mateus 4:24

La fama del spalhou-se por toda la Síria i tráien-le todos ls que sufrien de malinas, ls que padecien de achaques i termientos, ls que tenien l demonho cun eilhes, ls lhunáticos i ls coixos, i sanou-los.

Marcos 5:15

Anton, benírun a tener cun Jasus i bírun l que tenie andrento l demonho chamado Lhegion, sentado, bestido i an sou juízo i tubírun miedo.

Lucas 10:39

Eilha tenie ũa armana, que le chamában Marie. Esta, sentando-se als pies de Jasus, oubie la palabra del.

Lucas 15:17

Un die, botou-se de cuontas i dixo: “Quanto oubreiro de miu pai ten pan a la farta i you eiqui a morrer a la fame!

Lucas 2:46

Trés dies apuis, achórun-lo ne l Templo, sentado ne l meio de ls doutores, a oubi-los i a poné-le preguntas.

Lucas 8:27

Assi que chegórun a tierra, bieno a tener cun eilhes un home de la cidade que tenie demonhos andrento i yá muitá que andaba znudo, nien moraba nũa casa mas nũa sepultura.

Lucas 8:34

Quando bírun l que se passou, ls que ls stában a guardar, scapórun-se i fúrun a cuntar todo pula cidade i puls lhugaricos.