Lucas 20:21 - Eibangeilhos en Mirandês

²¹ Preguntórun-le assi: «Mestre, sabemos que falas i ansinas l que ye dreito i que nun aceitas la aparecéncia, mas ansinas l camino de Dius cun berdade.

Lucas 20:21 ပူးပေါင်းရင်းမြစ်များ

Mateus 22:16

I mandórun-le ls deciplos deilhes cun alguns de l partido de Harodes, dezindo-le: «Mestre, sabemos que sós berdadoso i ansinas de berdade l camino de Dius, nun te deixas lhebar por naide nien miras ũa pessona pul que parece.

Marcos 12:14

Mal apenas chégan al pie del, dízen-le: «Mestre, sabemos que sós berdadoso i que nun te metes cun naide, nien çtingues las pessonas pula cara, mas ansinas cun berdade l camino de Dius. Ye bien pagar la décima a César ou nó? Bamos ou nun bamos a pagar?»

Lucas 20:20

Andában cun el debaixo de uolho, mandando-le spiones, que se fazien passar por justos, para ber se lo agarrában nũa palabra que fusse i assi lo antregáren al poder i a l’outeridade de l gobernador.

Lucas 20:22

Achas que nós debemos de pagar la décima a César ou nó?»

Juan 3:2

Fui-se a tener cun Jasus de nuite i dixo-le: «Rabi, sabemos que beniste de la parte de Dius, cumo mestre, puis naide puode fazer ls milagres que tu fazes se Dius nun stubir cun el.»