Lucas 18:32 - Eibangeilhos en Mirandês

³² Bai a ser antregue als gentius, ban a fazer caçuada del, bai a ser maltratado i cubierto de sgárrios;

Lucas 18:32 ပူးပေါင်းရင်းမြစ်များ

Mateus 16:21

Zdende, Jasus ampeçou a fazer ber als sous deciplos que era neçairo que fura a Jarusalen i padecira muito de ls ancianos, de ls príncepes de ls saçardotes i de ls scribas, que fura muorto i rucecitara al treceiro die.

Mateus 20:19

i ban-lo a antregar als gentius para que fágan caçuada del, lo ínchan de baradas i lo curcefíquen, mas al treceiro die rucecitará.»

Mateus 22:6

mas ls outros botórun-le la manos als criados i matórun-los cun mui malos tratos.

Mateus 26:67

Adepuis, cuçpírun-le na cara i dórun-le muito çupapo,

Mateus 27:2

Lhebórun-lo atado i antregórun-se-lo al gobernador Pilatos.

Marcos 14:65

Alguns ampeçórun-le a cuçpir, a tapá-le la cara, a dá-le punhadas i a dezir-le: «Porfetiza!» I ls criados recebien-lo a lhambada.

Marcos 15:1

Lhougo pula manhana cedo ls xefes de ls saçardotes fazírun l cunceilho culs mais bielhos i ls scribas, quier dezir, cun todo l Cunceilho, atórun a Jasus, lhebórun-lo i antregórun-se-lo a Pilatos.

Lucas 18:33

i apuis de le habéren dado cun un çurriago, ban a matá-lo. Mas al treceiro die rucecitará.»

Lucas 23:1

Toda la giente se alhebantou i lhebórun-lo a Pilatos.

Lucas 23:11

Harodes, culs sous suldados, tratou-lo cun çprézio i, por caçuada, mandou-le bestir ũa capa branca i mandou-se-lo a Pilatos.

Lucas 23:35

L pobo staba eilhi a mirar. Ls xefes fazien caçuada del i dezien: «Salbou ls outros; que se salbe a el mesmo, se ye l Cristo de Dius, l scolhido.»

Juan 18:22

Quando acabou de falar, un de ls criados que stában eilhi dou-le ũa lhambada a Jasus, dezindo: «Ye assi que le respondes al sumo saçardote?»

Juan 18:28

Apuis lhebórun a Jasus de la casa de Caifás pa l palácio de gobernador romano. Ampeçaba a rumper l die. Mas nun antrórun ne l palácio para nun quedáren puorcos i assi podéren quemer la Páscoa.

Juan 18:30

Eilhes respundírun-le, dezindo: «Se nun fura un malfeitor, nun te l antregariemos.»

Juan 18:32

Para que se cumprira la palabra que Jasus habie dezido, para amostrar la muorte de que habie de se morrer.

Juan 18:35

Pilatos respundiu-le: «Cuidas que you sou judiu? La giente de l tou pobo i ls xefes de ls saçardotes antregórun-te a mi: l que fui que faziste?»