Juan 6:38 - Eibangeilhos en Mirandês

³⁸ porque abaixei de l cielo, nó para fazer l que you quiero, mas la buntade daquel que me ambiou.

Juan 6:38 ပူးပေါင်းရင်းမြစ်များ

Mateus 20:28

De l mesmo modo, l Filho de l Home nun bieno para ser serbido, mas para serbir i dar la sue bida pa la salbaçon de muitos.»

Juan 3:13

Naide chubiu al cielo a nun ser l que abaixou de l cielo, l Filho de l Home.

Juan 3:17

Porque Dius nun mandou l sou Filho al mundo para cundanar l mundo, mas para que l mundo seia salbo por el.

Juan 3:31

L que ben de riba, stá porriba de todos; l que ben de la tierra ye de la tierra i fala de la tierra. L que ben de l cielo, stá porriba de todos;

Juan 4:34

Jasus dixo-le: «L miu quemido ye fazer la buntade de l que me mandou a fazer la obra del.

Juan 5:19

Mas Jasus respundiu-le assi: «Quedai bien ciertos de l que bos digo: L Filho, por el mesmo, nun puode fazer nada se nun bir l Pai a fazé-lo, puis todo l que este faç, tamien l Filho l faç de la mesma maneira.

Juan 5:30

You nun puodo fazer nada por mi mesmo; julgo cunsante oubo i l miu juízo ye justo, porque nun busco l que me dá la gana, mas la buntade daquel que me ambiou.

Juan 6:29

Jasus respundiu-le: «La obra de Dius ye esta: que acradítedes naquel que el ambiou.»

Juan 6:33

l pan de Dius ye l que ben de l cielo i dá la bida al mundo.»

Juan 6:42

i dezien: «Este nun ye Jasus, filho de Jesé, de quien nós coincemos l pai i la mai? Cumo ye que agora diç: Abaixei de l cielo?»

Juan 6:57

Assi cumo l Pai, que bibe, me mandou i you bibo pul Pai, assi l que me come tamien bibirá por mi.