Juan 3:15 - Eibangeilhos en Mirandês

¹⁵ para que todo l que acradita nel tenga la bida eiterna.

Juan 3:15 ပူးပေါင်းရင်းမြစ်များ

Mateus 18:10

Mirai bien, nun zpréziedes un solo destes pequerricos; digo-bos que ls anjos deilhes stan siempre ne l cielo a ber la cara de miu Pai que stá ne ls cielos.

Mateus 25:46

I estes eiran pa l suplício eiterno, mas ls justos eiran pa la bida eiterna.»

Marcos 16:16

Quien acraditar i fur batizado, salbará-se; mas quien nun acraditar, cundanará-se.

Lucas 19:10

porque l Filho de l Home bieno a salbar i a saber de l que staba perdido.»

Juan 1:12

Mas a todos aqueilhes que la recebírun, dou-le l poder de se tornáren filhos de Dius: a todos ls que acradítan ne l sou nome,

Juan 16:33

Tengo-bos dezido estas cousas, para que téngades paç an mi; ne l mundo tenereis agonias, mas, tenei ánimo, you benci l mundo.»

Juan 20:31

Mas estes fúrun screbidos para que acradítedes que Jasus ye l Cristo, l Filho de Dius, i para que, acraditando, téngades la bida an nome del.

Juan 3:16

Dius gustou tanto de l mundo que le dou l sou Filho morgado, para que toda la pessona que acradita nel nun se muorra mas tenga la bida eiterna.

Juan 3:36

Quien acradita ne l Filho, ten la bida eiterna, mas l que nun acradita ne l Filho, nun berá la bida, mas la rábia de Dius andará anriba del.»

Juan 5:24

Quedai bien ciertos de l que bos digo: Quien oube la mie palabra i acradita naquel que me ambiou, ten la bida aterna i nun ye cundanado, mas passou de la muorte pa la bida.

Juan 6:27

Trabalhai nó pul quemido que se acaba, mas pul quemido que dura até la bida eiterna i que l Filho de l Home bos dará; porque a este Dius Pai puso-le l selo!»

Juan 6:40

Esta ye la buntade de miu Pai, que todo l que bei al Filho i acradita nel, tenga la bida eiterna i you rucecitarei-lo ne l redadeiro die.»

Juan 6:47

Quedai bien ciertos de l que bos digo: Quien acradita, ten la bida eiterna.