Juan 20:31 - Eibangeilhos en Mirandês

³¹ Mas estes fúrun screbidos para que acradítedes que Jasus ye l Cristo, l Filho de Dius, i para que, acraditando, téngades la bida an nome del.

Juan 20:31 ပူးပေါင်းရင်းမြစ်များ

Mateus 16:16

Respundendo Simon Pedro, dixo-le: «Tu sós l Cristo, l Filho de Dius bibo.»

Mateus 27:54

L centurion i todos ls que cun el stában a guardar a Jasus, al ber la tierra a abanar i todo l que se staba a passar, quedórun chenos de miedo i dezien: «El era mesmo l Filho de Dius.»

Mateus 4:3

Ende, l atentador achegou-se al pie de Jasus i dixo-Le: «Se sós l filho de Dius diç-le a estas piedras que se fágan an pan.»

Marcos 16:16

Quien acraditar i fur batizado, salbará-se; mas quien nun acraditar, cundanará-se.

Lucas 1:35

L anjo respundiu-le: «L Sprito Santo benirá subre ti i la fuorça de l Altíssemo bai-te a acubrir cula sue selombra. Ye por essa rezon que l santo que bai a nacer de ti será chamado Filho de Dius.

Lucas 1:4

para que beias la fortaleza de l ansino que recebiste.

Lucas 24:47

i que se habie de pregar, an sou nome, l arrependimiento para perdon de ls pecados de todo mundo, a ampeçar por Jarusalen.

Juan 1:49

Natanael respundiu-le, dezindo: «Rabi, tu sós l Filho de Dius, tu sós l rei d’Eisrael.»

Juan 10:10

L lhadron ben solo para roubar, para matar i para çtruir. You bin para que téngan bida i la téngan cun fartura.»

Juan 19:35

Aquel que biu estas cousas assi las cuntou i l sou teçtemunho ye berdadeiro i sabe que ye berdade l que diç, para que tamien acradítedes.

Juan 20:28

Tomé respundiu-Le, dezindo: «Miu Senhor i miu Dius.»

Juan 3:18

Quien acradita nel nun ye cundanado, mas quien nun acradita yá stá cundanado porque nun acraditou ne l nome de l Filho morgado de Dius.

Juan 3:36

Quien acradita ne l Filho, ten la bida eiterna, mas l que nun acradita ne l Filho, nun berá la bida, mas la rábia de Dius andará anriba del.»

Juan 5:24

Quedai bien ciertos de l que bos digo: Quien oube la mie palabra i acradita naquel que me ambiou, ten la bida aterna i nun ye cundanado, mas passou de la muorte pa la bida.

Juan 6:40

Esta ye la buntade de miu Pai, que todo l que bei al Filho i acradita nel, tenga la bida eiterna i you rucecitarei-lo ne l redadeiro die.»