Juan 20:17 - Eibangeilhos en Mirandês

¹⁷ Jasus dixo-le: «Nun me detengas, puis inda nun chubi para miu Pai; bai-te a tener culs mius armanos i diç-le: “Bou-me a chubir para miu Pai i buosso Pai, miu Dius i buosso Dius.”»

Juan 20:17 ပူးပေါင်းရင်းမြစ်များ

Mateus 12:50

Porque quien fazir la buntade de miu Pai que stá ne ls cielos, esse ye miu armano, mie armana i mie mai.»

Mateus 25:40

Anton, l Rei dezirá-le: “Atentai bien ne que bos digo: Qualquiera cousa que fazistes a un destes mius armanicos, fui a mi que me la fazistes.”

Mateus 28:7

Ide debrebe i dezi-le als deciplos del: “Rucecitou de ls muortos i bai alantre de bós pa la Galileia; alhá l bereis.” Ponei bien tento ne l que bos dixe.»

Marcos 12:26

Subre la rucerreiçon de ls muortos, nun listes ne l lhibro de Moisés, quando Dius le falou de l meio las silbas dezindo-le: You sou l Dius de Abraan i l Dius de Eisaac i l Dius de Jacó?

Marcos 16:19

Apuis de haber falado cun eilhes, l Senhor Jasus fui lhebado pa l cielo i sentou-se a la mano dreita de Dius.

Lucas 10:4

Nun lhebeis fardela, nien alforjas, nien alparagatas i, pul camino, nun saludeis a naide.

Juan 13:1

L die atrás la fiesta de la Páscoa, sabendo Jasus que habie chegado la sue hora de passar deste mundo pa l Pai, cumo habie amado ls sous, que stában ne l mundo, amou-los até al fin.

Juan 13:3

sabendo Jasus que l Pai habie puosto na sue mano todas las cousas, que habie salido de Dius i tornaba para Dius,

Juan 14:2

Na casa de miu pai hai muita morada. S’assi nun fura haberie-bos dezido, puis bou-bos a purparar un campo.

Juan 14:28

Oubistes l que you bos dixe: Bou-me, mas tornarei para bós. Se me amárades, quedariedes cuntentos por you me ir pa l Pai, porque l Pai ye mais grande do que you.

Juan 14:6

Jasus dixo-le: «You sou l camino, la berdade i la bida. Naide ben al Pai a nun ser por mi.

Juan 16:28

You sali de l Pai i bin al mundo; agora deixo l mundo i bou-me pa l Pai.»

Juan 17:11

You yá nun stou ne l mundo, mas eilhes stan ne l mundo i you bou-me para an pie de ti. Pai santo, guarda, an tou nome, ls que me deste, para que séian un solo tal i qual cumo nós.

Juan 17:25

Pai justo, l mundo nun te coinciu; mas you coinci-te i estes soubírun que tu me ambieste a mi.

Juan 17:5

agora, á Pai, dá-me tu la glória que you tenie an pie de ti, inda antes de l mundo eisistir.

Juan 20:27

Apuis dixo-le a Tomé: «Achega eiqui l tou dedo, bei las mies manos, trai acá la tue mano i mete-la ne l miu peito i nun me seias ancrédelo mas criente.»

Juan 7:33

Jasus, anton, dixo-le: «Inda bou a quedar cun bós mais un tempico i apuis bou-me para aquel que me ambiou.