Juan 18:38 - Eibangeilhos en Mirandês

³⁸ Dixo-le Pilatos: «L que ye la berdade?» I mal apenas acabou estas palabras, fui-se a tener outra beç culs judius i dixo-le: «Nun acho nel qualquiera crime.

Juan 18:38 ပူးပေါင်းရင်းမြစ်များ

Mateus 27:24

Bendo Pilatos que nun era capaç de fazer bida deilhes i que ls bózios inda crecien mais, mandou traier auga i lhabou las manos delantre de todo mundo, dezindo: «You stou einocente deste sangre. Agora ye cun bós.»

Marcos 15:14

Pilatos, anton, dezie-le: «Mas que mal fizo el?» Mas eilhes inda mais ouliában: «Curcefica-lo.»

Lucas 23:4

Anton, Pilatos dixo-le als príncepes de ls saçardotes i al juntouro de pessonas: «Nun acho culpa neste home.»

Juan 18:33

Pilatos tornou a antrar ne l palácio, chamou a Jasus i dixo-le: «Tu sós l rei de ls judius?»

Juan 19:4

Anton, Pilatos saliu outra beç para fuora i dixo-le a eilhes: «Mirai que bos l traio para fuora, para que sábades que nun acho nel niun crime.»

Juan 19:6

Mal apenas l bírun, ls xefes de ls saçardotes i ls criados boziórun, dezindo: Curcefica-lo, curcefica-lo. Pilatos dixo-le: «Lhebai-lo bós i curceficai-lo, porque you nun acho nel niun crime.»