Juan 18:37 - Eibangeilhos en Mirandês

³⁷ Dixo-le Pilatos: «Anton, tu sós rei?» Jasus respundiu-le: «Tu ye que dizes que you sou rei. Fui para esso que you naci i que you bin al mundo, para dar teçtemunho de la berdade. Quien ye de la berdade, oube la mie boç.»

Juan 18:37 ပူးပေါင်းရင်းမြစ်များ

Mateus 26:64

Jasus respundiu-le: «Tu mesmo l deziste. Inda bos digo mais: Un die bereis l Filho de l Home sentado a la mano dreita de l poder i a benir porriba las nubres de l cielo.»

Mateus 27:11

Adepuis, Jasus fui puosto de pies, delantre l gobernador que le preguntou: «Tu sós l rei de ls judius?» I Jasus dixo-le: «Sós tu que l dizes.»

Marcos 14:62

Jasus, anton, dixo-le: «You sou, i bereis l Filho de l Home sentado a la mano dreita de l Poder i a benir culas nubres de l cielo.»

Marcos 15:2

Pilatos anterrogou-lo: «Tu sós l rei de ls judius?» El respundiu-le, dezindo: «Sós tu que l dizes.»

Lucas 22:70

Preguntórun-le todos: «Anton, tu sós l Filho de Dius?» El respundiu-le: «Bós ye que dezis que you sou.»

Lucas 23:3

Pilatos anterrogou-lo, preguntando-le: «Tu sós l rei de ls Judius?» El respundiu-le: «Sós tu que l dizes.»

Juan 1:14

I la Palabra ancarnou i bieno a morar cun nós i nós bimos la sue glória, la glória de Filho morgado de l Pai, cheno de grácia i de berdade.

Juan 1:17

Porque la lei fui-mos dada por Moisés, mas la grácia i la berdade fúrun feitas por Jasus Cristo.

Juan 14:6

Jasus dixo-le: «You sou l camino, la berdade i la bida. Naide ben al Pai a nun ser por mi.

Juan 3:32

i dá teçtemunho de l que biu i oubiu, mas naide aceita l sou teçtemunho.

Juan 7:17

Se houbir quien querga fazer la buntade del, saberá se la doutrina ben de Dius, ou se falo solo por mi.

Juan 8:14

Jasus respundiu-le: «Anque you fale de mi mesmo, l miu teçtemunho ye berdadeiro, porque sei de adonde bin i para adonde bou, mas bós nien sabeis de adonde bin nien para adonde bou.

Juan 8:45

Mas you digo-bos la berdade i por essa rezon nun acraditais an mi.

Juan 8:46

Qual de bós puode probar que you tengo pecado? Se bos digo la berdade, porque nun acraditais an mi?

Juan 8:47

Quien ye de Dius, scuita las palabras de Dius; bós nun las scuitais porque nun sodes de Dius.»