Juan 17:24 - Eibangeilhos en Mirandês

²⁴ Pai! Quiero que aqueilhes que me deste stéian cumigo adonde you stubir, para que béian la glória que me deste, porque me ameste zde muito antes de l mundo ser criado.

Juan 17:24 ပူးပေါင်းရင်းမြစ်များ

Mateus 25:21

Dixo-le l amo del: “Baliente! Criado buono i fiél. Fuste fiél an cousas poucas, ponerei-te a gobernar muitas cousas; ben a fazer parte de la felcidade de l tou amo.”

Mateus 25:23

Dixo-le l amo: “Baliente! Criado buono i fiél. Fuste fiél an cousas poucas, ponerei-te a gobernar muitas cousas; ben a fazer parte de la felcidade de l tou amo.”

Mateus 25:34

Adepuis, l Rei dezirá a aqueilhes que stubíren a la sue mano dreita: “Beni acá, benditos de miu Pai, agarrai l’ardança de l Reino que stá purparado para bós zde l ampeço de l mundo.

Mateus 26:29

Digo-bos que nun tornarei a buer deste preduto de la cepa até al die an que buberei l bino nuobo cun bós ne l reino de miu Pai.»

Lucas 12:37

Felizes aqueilhes criados que l amo, quando benir, ls achar bien spiertos! Digo-bos you que se ponerá al modo, sentará-los a la mesa i ponerá-se a serbi-los.

Lucas 23:43

El respundiu-le: «Queda bien cierto de l que te digo: Hoije starás cumigo ne l paraíso.»

Juan 1:14

I la Palabra ancarnou i bieno a morar cun nós i nós bimos la sue glória, la glória de Filho morgado de l Pai, cheno de grácia i de berdade.

Juan 12:26

Se hai quien me quier serbir, que benga cumigo i, adonde you stubir, eilhi stará tamien l que me sirbe. I a quien me serbir, miu Pai ha de lo hounrar.

Juan 14:3

I quando you tubir ido i purparado un sítio para bós, benirei outra beç i lhebarei-bos cumigo para que adonde you stubir bós stéiades tamien.

Juan 15:9

Tal i qual cumo l Pai me amou, tamien you bos amei a bós; deixai-bos star ne l miu amor.

Juan 17:2

assi cumo le deste l poder subre toda la giente, para que le deia la bida eiterna a todos ls que le antregueste.

Juan 17:22

You dei-le la glória que tu me deste a mi, para que séian un, tal i qual cumo nós somos un.

Juan 17:5

agora, á Pai, dá-me tu la glória que you tenie an pie de ti, inda antes de l mundo eisistir.

Juan 6:37

Todo l que l Pai me dá benirá a mi i nun botarei pa la rue l que ben a tener cumigo,

Juan 6:39

Esta ye la buntade daquel que me ambiou, que naide, de todos ls que el me dou, se perda, mas que lo rucecite ne l redadeiro die.

Juan 8:58

Jasus dixo-le: «Tomai bien tento ne l que bos digo: Antes de Abraan nacer, yá you era l que sou.»