Juan 16:33 - Eibangeilhos en Mirandês

³³ Tengo-bos dezido estas cousas, para que téngades paç an mi; ne l mundo tenereis agonias, mas, tenei ánimo, you benci l mundo.»

Juan 16:33 ပူးပေါင်းရင်းမြစ်များ

Mateus 9:2

Ende, apersentórun-le ũa pessona tolhida de todo, stendida nun catre. Jasus, al ber la fé deilhes, dixo-le al que staba tolhido: «Ten cunfiança, filho; quédan-te perdonados ls tous pecados.»

Lucas 19:38

dezindo: «Bendito l Rei que ben an nome de l Senhor! Paç ne l cielo i glória nas alturas!»

Lucas 2:14

«Glória a Dius nas alturas i paç na tierra als homes, que el ama.»

Juan 12:31

Agora, ye l juízo deste mundo; agora l príncepe deste mundo bai a ser botado dacá para fuora.

Juan 14:1

«Nun se bos ambaralhe l buosso coraçon. Acraditais an Dius, acraditai tamien an mi.

Juan 14:27

Deixo-bos la paç, dou-bos la mie paç; mas nun bos la dou cumo l mundo la dá. Que l buosso coraçon nun se acobarde i nun tenga miedo.

Juan 16:11

i de l juízo, porque l príncepe deste mundo yá stá julgado.