Juan 1:51 - Eibangeilhos en Mirandês

⁵¹ I dixo-le inda: «Quedai bien ciertos de l que bos digo: Bereis l cielo abierto i ls anjos de Dius a chubir i a abaixar porriba l Filho de l Home.»

Juan 1:51 ပူးပေါင်းရင်းမြစ်များ

Mateus 25:31

«Quando benir l Filho de l Home na sue glória i, cun el, todos ls anjos, sentará-se ne l trono de la sue glória.

Mateus 26:24

L Filho de l Home sigue l sou camino, cumo stá screbido a respeito del. Mas zgraciado daquel por quien bai a ser antregue l Filho de l Home. Era melhor para esse home que nunca houbira nacido.»

Mateus 3:16

Mal apenas fui batizado, Jasus saliu de l’auga. Ende, l cielo abriu-se i el biu l Sprito de Dius a abaixar cumo ũa palomba i a pousar anriba del.

Mateus 4:11

Anton, l diabro deixou-lo. Lhougo a seguir, benírun ls anjos de l Cielo i serbírun-lo.

Mateus 8:20

I Jasus dixo-le: «Las raposas ténen madrigueiras i las abes de l cielo nius, mas l Filho de l Home nun ten adonde ancostar la cabeça.»

Mateus 9:6

Anton, para que sábades que l Filho de l Home ten na tierra l poder de perdonar ls pecados», – ende diç-le al que staba tolhido –: «Pon-te de pies, agarra tou catre i bai-te pa tue casa.»

Marcos 1:10

I lhougo al salir de l’auga biu ls cielos abiertos i l Sprito an figura de palomba a abaixar parriba del.

Marcos 14:62

Jasus, anton, dixo-le: «You sou, i bereis l Filho de l Home sentado a la mano dreita de l Poder i a benir culas nubres de l cielo.»

Lucas 2:13

Adepuis, ajuntou-se al anjo ũa multidon de l eisército de l cielo, lhoubando a Dius i dezindo:

Lucas 2:9

Anton, apareciu-le l anjo de l Senhor i la glória de Dius relhuziu alredror deilhes i quedórun chenos de miedo.

Lucas 22:43

Apareciu-le, anton, un anjo de l cielo a dá-le cunfuorto. El fui quedando mui agoniado i rezaba inda mais.

Lucas 22:69

De hoije an delantre stará l Filho de l Home sentado a la mano dreita de l poder de Dius.»

Lucas 24:4

Quando inda stában mui ambaralhadas cun estas cousas, aparecírun-le dous homes delantre deilhas cun roupas relhuzientes.

Lucas 3:21

Un die, apuis de haber batizado to la giente, de Jasus tamien se haber batizado i quando staba a rezar, abriu-se l cielo

Juan 1:50

Jasus respundiu-le, dezindo: «Porque te dixe que te bi ambaixo la figueira yá acraditas? Berás cousas inda mais grandes.»

Juan 10:1

«Quedai bien ciertos de l que bos digo: Quien nun entra pula puorta na corriça de las canhonas, mas chube por outro sítio, ye assaltante i lhadron.

Juan 10:7

Anton, Jasus dixo-le outra beç: «Quedai bien ciertos de l que bos digo: You sou la puorta de las canhonas.

Juan 13:16

Quedai bien ciertos de l que bos digo: L criado nun ye mais do que l sou amo, nien l ambiado ye mais do que aquel que lo ambiou.

Juan 13:38

Jasus respundiu-le: «Darás la tue bida por mi? Lhembra-te bien de l que te digo: Nun cantará l galho anquanto nun me tubires negado trés bezes.»

Juan 14:12

Quedai bien ciertos de l que bos digo: Quien acradita an mi fazerá tamien las obras que you fago. I fazerá-las mais grandes do que estas, porque you bou pa l Pai.

Juan 16:20

Lhembrai-bos bien de l que bos digo: Habeis de chorar i quedareis penerosos i l mundo adbertirá-se i bós stareis tristes; mas la buossa tristeza ha de se bolber an alegrie.

Juan 16:23

Nesse die, nada me preguntareis. Quedai bien ciertos de l que bos digo, que todo l que le pedirdes a miu Pai, an miu nome, el bos l ha de dar.

Juan 21:18

Lhembra-te bien de l que te digo: Quando eras mais moço, bestis-te a ti mesmo i andabas por adonde queries; mas quando yá fures bielho, stenderás las manos i outro te bestirá i te lhebará para adonde tu nun quieres.»

Juan 3:3

Jasus respundiu-le: «Queda bien cierto de l que te digo: L que nun tornar a nacer nun puode ber l reino de Dius.»

Juan 3:5

Jasus respundiu-le: «Queda bien cierto de l que te digo: Quien nun nacir de l’auga i de l Sprito, nun puode antrar ne l reino de Dius.

Juan 5:19

Mas Jasus respundiu-le assi: «Quedai bien ciertos de l que bos digo: L Filho, por el mesmo, nun puode fazer nada se nun bir l Pai a fazé-lo, puis todo l que este faç, tamien l Filho l faç de la mesma maneira.

Juan 5:27

i dou-le l poder de julgar, porque ye Filho de l Home.

Juan 6:26

Jasus respundiu-le: «Quedai bien ciertos de l que bos digo: Bós nun andais a saber de mi porque bistes ls milagres, mas porque quemistes de l pan i bos fartestes.

Juan 6:32

Jasus respundiu-le: «Quedai bien ciertos de l que bos digo: Nun fui Moisés que bos dou l pan de l cielo, mas miu Pai dá-bos l berdadeiro pan de l cielo:

Juan 6:47

Quedai bien ciertos de l que bos digo: Quien acradita, ten la bida eiterna.

Juan 6:53

Dixo-le anton Jasus: «Quedai bien ciertos de l que bos digo, se nun quemirdes la carne de l Filho de l Home i se nun buirdes l sou sangre, nun tenereis la bida an bós.

Juan 8:34

Jasus respundiu-le: «Quedai a saber: Toda la pessona que peca ye scrabo.

Juan 8:51

Tomai bien tento ne l que bos digo: Quien oubedecir a la mie palabra, nunca se ha de morrer.»

Juan 8:58

Jasus dixo-le: «Tomai bien tento ne l que bos digo: Antes de Abraan nacer, yá you era l que sou.»