ꤚꤥꤗꤢꤩ꤬ 9:22 - Eastern Kayah Shadaw Dialect

²² ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤗꤢꤩ꤬ ꤡꤢꤨ꤮ ꤘꤢꤦ꤬ ꤢ꤬ꤞꤤꤕꤜꤢꤪ꤬ ꤔꤣꤧ꤬, ꤢ꤬ꤔ꤫ꤤ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤢ꤬ ꤞꤤꤛ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤓꤥ꤭ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤒꤣꤧ꤬ꤟꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤙꤢꤩ꤬ ꤋꤢꤧꤙꤢꤩ꤬ ꤜꤢꤨ꤭ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤕꤢ꤭, ꤚꤣꤧ꤬ ꤢ꤬ ꤙꤢꤩ꤬ ꤒ꤫ꤥ꤬ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤕꤢ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤘꤣꤧꤜꤥ꤭ ꤒꤣꤧ꤬ꤕꤜꤢꤩ꤬ ꤋꤥꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤒꤢꤩ꤬ꤋꤢꤧꤞꤤꤘꤥ꤭, ꤢ꤬ ꤒꤢꤩ꤬ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤒꤣꤧ꤬ꤟꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

²² จอแปแหร่ ซิหยื่อ เม จู๋ ดื่อ อาซิปล่อ เนอ, อาหนิ ปว๋า โตโพ๊ เจ๊อ. อา ซิหยื่อ เด๊อะโล เป่ อู เร๊อ อา เตซิ ปล่อดุ โทเรอ อา ซิหยื่อ นอซิเง เกออู เร๊อ อา เตโพรเตเตอเรอ เต๊เห่. หม่าแน๊เรอ แกแย เด๊อ อา เบ่ ข่าเบ่ ลู เตซิปล่อดุ ปา, เร๊อ อา เบ่ โต่เด๊อ เตปย๊าเตหลู่ ปา เต๊เห่ อาเงเนอ, อา เด๊อะโล เต๊เปล่ โค๊เป่ เหย่ซี เร๊อ อา เตแด่ทูซิปล่อ, อา เตแด่ทูซิปล่อ เต๊เห่.

ꤚꤥꤗꤢꤩ꤬ 9:22 ပူးပေါင်းရင်းမြစ်များ

ꤛꤢꤨꤘꤢ꤬ 1:4

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤧ꤭ꤔꤥ꤭ꤟꤥ꤬ ꤟꤣꤧ ꤘꤣ ꤞꤤ꤭ꤊꤜꤢꤩ꤭ ꤟꤣꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤜꤣꤧ꤬ꤕꤜꤢꤩꤚꤣꤧ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤜꤣꤧ꤬ꤖꤚꤥꤜꤣꤧ꤬ꤖꤚꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ ꤕꤛꤢꤊꤢꤧ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤕꤢꤩ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤒꤥ꤬꤯ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤟꤢꤩꤏꤥ꤬ ꤥ꤬ꤔꤢꤩ꤬ ꤟꤣꤧ ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤕꤢ꤭꤯

เปโตร อาเหร่อเล๊อ ต๊าบ่า 2:8

“ꤜ꤫ꤢꤪ꤬ꤣꤧ꤭ ꤒꤣ꤬ꤗꤢꤩ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤗ꤫ꤢ꤬ꤘꤢꤦ꤬ ꤜ꤫ꤢꤪ꤬ ꤘꤣ ꤢꤨ꤭ ꤜ꤫ꤢꤩ꤬ꤒꤣꤧ꤬ꤖꤢꤪ꤭ ꤢ꤬ ꤢ꤬ꤑꤢꤩ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤋꤢꤦ ꤢꤨ꤭ ꤢ꤬ꤑꤢꤩ꤭꤯” ꤢ꤬ ꤜꤢ꤭ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤒꤣꤧ꤬ꤖꤢꤪ꤭ ꤜꤣꤧ꤬ꤋꤢꤦ ꤖꤢꤧ꤯ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕ꤫ꤢꤩ꤬ꤔꤢꤧ꤭ ꤛꤢꤩ꤬ꤞꤤ꤭ꤑꤢꤩ꤭ ꤟꤢꤨꤔꤣꤧ꤬ꤟꤣꤧ꤯

ꤚꤥꤗꤢꤩ꤬ 9:21

ꤕꤣꤧ꤬ꤢ ꤒꤣ꤬ꤕꤜꤢꤨ꤬ ꤣꤧ꤭ꤔꤣꤧ꤬, ꤢ꤬ ꤥ꤬ ꤘꤣ ꤖꤚꤢꤩ꤬ꤙꤢꤧꤘꤤ꤭ꤕꤢꤪ꤬ꤟꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤖꤢꤧ, ꤢ꤬ ꤊ꤫ꤢꤦ꤬ ꤙꤢꤧꤘꤤ꤭ꤕꤢꤪ꤭ ꤡꤢꤨ꤮ ꤘꤢꤦ꤬ ꤟꤢꤨ ꤢ꤬ ꤞꤤꤛ꤫ꤢꤦ꤬ ꤙꤢꤧꤔꤣꤧ꤬ ꤗꤢ꤬ ꤢ꤬ꤔ꤫ꤤ꤬ ꤖꤢꤧ꤯ ꤕꤣꤧ꤬ꤢ ꤒꤣ꤬ꤕꤜꤢꤨ꤬ ꤢ꤬ꤊꤢꤨ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤙꤢꤧꤘꤤ꤭ꤕꤢꤪ꤭ ꤘꤣ ꤢꤨ꤭ ꤔꤢꤪ꤭ꤢꤩ꤬ ꤋꤥꤋꤛꤢ꤬ꤘꤢꤦ꤬ ꤢ꤬ ꤙꤣꤧꤕꤝꤢꤩ꤬ꤙꤣꤧꤜꤢꤨ꤭ ꤢ꤬ꤋꤢꤩ꤭ ꤔꤣꤧ꤬ꤙꤢꤩ꤬ꤙꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤊ꤫ꤢꤦ꤬ ꤙꤢꤧꤘꤤ꤭ꤕꤢꤪ꤭ ꤘꤣ ꤢꤨ꤭ ꤊ꤫ꤢꤦ꤬ ꤔꤢꤪ꤭ꤢꤩ꤬ ꤢ꤬ ꤕꤝꤢ꤭ꤟꤢꤩꤕꤝꤢ꤭ꤚꤥ꤭ ꤢ꤬ꤑꤢꤩ꤭ ꤔꤣꤧ꤬ꤙꤢꤩ꤬ꤙꤢꤩ꤬, ꤢ꤬ ꤙꤢꤧ ꤡꤢꤨ꤮ ꤘꤢꤦ꤬ ꤢ꤬ꤞꤤꤕꤜꤢꤪ꤬ ꤞꤤꤛ꤫ꤢꤦ꤬ ꤙꤢꤧ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤖꤢꤧ꤯

ทิโมธี เนอบ่า ต๊าบ่า 2:20

ꤘꤣ ꤊꤣꤧ꤬ꤛꤢꤧ꤭ ꤘꤢꤨ꤬ꤛ꤫ꤢꤧ꤬ ꤟꤤ꤬ꤒꤣ꤬ꤗꤢꤩ꤭ ꤢ꤬ꤊꤢꤨ꤭ꤔꤣꤧ꤬ ꤘꤤ꤭ꤕꤢꤪ꤭ꤘꤤ꤭ꤘꤥ꤭ ꤥ꤬ ꤢ꤬ꤗꤤ꤭ꤗꤤ꤭ ꤢ꤬ꤡꤣ꤬ꤡꤣ꤬ ꤡꤣꤧ꤯ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢꤨ꤭ ꤗꤢꤩ꤬ ꤢ꤬ ꤔꤢꤧ ꤚꤢꤦ꤭ꤓꤢꤩ꤭, ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢꤨ꤭ ꤗꤢꤩ꤬ ꤢ꤬ ꤔꤢꤧ ꤞꤢꤪ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢꤨ꤭ ꤗꤢꤩ꤬ ꤢ꤬ ꤔꤢꤧ ꤟꤢꤩ꤬꤯ ꤒꤣꤧ꤬ꤟꤢꤩ꤬ꤟꤢꤩ꤬ ꤚꤣꤧ꤬ ꤢꤨ꤭ ꤔꤢꤪ꤭ꤢꤩ꤬ ꤢ꤬ ꤙꤣꤧ ꤢꤨ꤭ ꤜ꤫ꤥ꤬ꤘꤢꤨ꤬ ꤋꤥꤘꤢꤦ꤬ ꤢ꤬ ꤢ꤬ꤏꤣꤧꤋꤢꤩ꤭, ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢꤨ꤭ ꤘꤢꤧ꤬ ꤔꤢꤧ ꤜ꤫ꤢꤩ꤬ꤔꤢꤪ꤭ꤢꤩ꤬ ꤢ꤬ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤜꤤ꤭ ꤢ꤬ꤑꤢꤩ꤭ ꤖꤢꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:16

ꤞꤢꤧꤟꤢꤨ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ꤊꤣꤧ꤭ ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤟꤣꤧ꤯ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤧꤕꤢꤨ꤭ ꤗꤢꤩ꤬ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤕꤢꤩ꤬꤯ ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤗꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤢꤧ꤬ꤙꤢ꤭ꤓꤢꤧ꤬ꤒꤣꤧ꤬ꤗꤥ꤭ ꤚꤣꤧꤘꤢꤦ꤬ ꤜꤢꤪ꤭ꤕꤜꤤ꤭ ꤡꤣꤧ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤥ꤬ ꤡꤣꤧꤘꤣ ꤜ꤫ꤢꤩ꤬ꤘꤢꤧ꤬ꤓꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤥ꤬ꤕꤢ꤬ ꤡꤣꤧꤒꤥ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤢ꤬ ꤒꤢꤩ꤬ꤘꤣꤧꤡꤢ꤭ ꤘꤣ ꤋꤛꤢ꤭ꤜꤣ ꤣꤧ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤛꤢꤩ꤬ꤞꤤ꤭ ꤥ꤬ ꤟꤣꤧ꤯

ꤚꤥꤗꤢꤩ꤬ 9:17

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤘꤢꤦ꤬ ꤋꤝꤤꤖꤢ꤬ꤚꤥ꤬ ꤔꤢꤧ, “ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤚꤣꤧ ꤘꤤ꤭ꤒ꤫ꤢꤦ꤬ ꤠꤢꤧ꤭ ꤒꤣꤧ꤬ꤚꤣꤧ꤭ꤖꤚꤥ꤬ꤖꤚꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤔꤢꤧ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤠꤢꤧ꤭ꤗꤝꤤ꤭ ꤊ꤫ꤢꤦ꤬ ꤜꤥ꤭ꤓꤣꤧ꤭ꤜꤥ꤭ꤊ꤫ꤢꤩ꤬ ꤜꤢꤪ꤭ ꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤔꤢꤪ꤭ꤓꤢꤧ꤬ꤓꤝꤢ꤭ ꤔꤢꤧ꤬ ꤔꤢꤧ ꤋꤝꤤ ꤖꤢꤧ,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

เปโตร เนอบ่า ต๊าบ่า 2:3

ꤞꤢꤚꤢ ꤊꤜꤝꤢ꤬ꤜꤣꤧ꤬ꤟꤥ꤭ ꤢ꤬ꤔ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤘꤣ ꤢ꤬ ꤒꤢꤩ꤬ꤗꤢꤧꤕꤢꤨ꤭ ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ꤚꤣꤧꤘꤢꤦ꤬ ꤢ꤬ꤑꤢꤩ꤭ ꤔꤢꤧ ꤢ꤬ ꤘꤢꤧ ꤜꤣꤧ꤬ꤟꤥ꤭ꤡ꤫ꤢꤧ꤬ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤘꤥ꤬ꤔꤢꤧ꤭ ꤘꤣ ꤢꤨ꤭ ꤡ꤫ꤢꤧ꤬ꤘꤢꤧꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤚꤣꤧ꤬ ꤢ꤬ ꤗꤢꤧꤕꤢꤨ꤭ ꤗꤢꤩ꤬ꤢꤩ꤬ꤏꤢꤩ꤬ ꤘꤣ ꤞꤤ꤭ꤋꤢꤨ꤬ ꤕꤢ꤭꤯ ꤖꤚꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤔꤣꤧ꤬ ꤢ꤬ ꤥ꤬ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤢ꤬ꤔ꤫ꤢꤩ꤬ ꤑꤢ꤭ꤜꤥ꤬ꤟꤣꤧ, ꤓꤥ꤭ꤚꤣꤧ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤔꤣꤧ꤬ ꤢ꤬ ꤥ꤬ꤗꤣꤧ꤭ ꤒꤣꤧ꤬ꤕꤢ꤬ ꤒꤥ꤬꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤕꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤋꤢꤧꤙꤢꤩ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤢ꤬ ꤒꤢꤩ꤬ꤘꤣꤧꤡꤢ꤭ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤋꤝꤢ꤬ꤋꤛꤢ꤭ꤚꤣꤧ꤬, ꤢ꤬ ꤔꤝꤢꤓꤢꤧ꤬ ꤕꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤥ꤬ꤟꤣꤧ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤣꤧ꤭ꤔꤣꤧ꤬ꤖꤢꤧ꤯

เปโตร เนอบ่า ต๊าบ่า 3:15

ꤞꤤꤑꤢꤩ꤭ꤞꤤꤔ꤫ꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤣꤧ꤭ ꤢ꤬ ꤋꤢꤧꤞꤤꤘꤥ꤭ ꤖꤢꤧ, ꤢ꤬ ꤟꤢꤧ꤭ ꤕꤣꤧ꤬ꤛ꤫ꤢꤩ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤣꤧ꤭ꤔꤣꤧ꤬ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤘꤣꤧꤕ꤫ꤢꤩ꤬ꤕꤢ꤬ ꤛꤢꤩ꤬ꤞꤤ꤭ ꤢ꤬ꤏꤣꤧꤢ꤬ꤋꤢꤩ꤭ ꤟꤢꤨꤔꤣꤧ꤬ꤖꤢꤧ꤯ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤥ꤭ꤙꤢꤧꤞꤝꤢꤗꤥ꤬ ꤋꤢꤨ꤭ꤕꤢꤪꤜꤢꤨ ꤚꤢ꤭ ꤕ꤫ꤢꤩ꤬ꤊꤣꤧ꤭ ꤓꤥ꤭ꤟꤣꤧ ꤞꤤ꤭ ꤟꤢꤨ ꤠꤢꤧ꤭ ꤟꤢꤩ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤟꤣꤧ꤯ ꤢ꤬ ꤚꤢ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤒꤢꤩ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เปโตร เนอบ่า ต๊าบ่า 2:9

ꤟꤢꤨꤔꤣꤧ꤬ꤚꤣꤧ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤒꤥ꤭ ꤜꤢꤨ꤭ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤥ꤬ ꤘꤣ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤨꤒꤢꤩ꤭ ꤕꤢ꤭ꤔꤣꤧ꤬ ꤢ꤬ ꤞꤤꤑꤢꤩ꤭ ꤖꤢꤧ꤯ ꤓꤥ꤭ꤒꤥ꤬ ꤢ꤬ ꤕ꤫ꤢꤦ꤬ꤥ꤬ꤗꤢ꤬ꤚꤣꤧ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ꤜꤢꤪ꤭ ꤛꤢꤩ꤬ꤞꤤ꤭ ꤒ꤫ꤥ꤬ꤘꤣ ꤒꤢꤩ꤬ꤘꤣꤧꤡꤢ꤭ ꤢ꤬ꤗ꤫ꤢꤪ꤬ꤔꤣꤧ꤭ ꤔꤣꤧ꤬ꤒꤣ꤬ꤔꤣꤧ꤭ ꤕꤢ꤭꤯

เปโตร อาเหร่อเล๊อ ต๊าบ่า 3:20

ꤛ꤫ꤢꤧ꤬ꤛꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤙꤣꤧ ꤖꤢꤩ꤭ꤔꤥꤢ꤬ ꤤ꤬ꤏꤢꤪꤓꤢꤧ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤚꤣꤧ꤬ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤕ꤫ꤢꤪ꤬ ꤞꤤꤕꤜꤢꤪ꤬ꤓꤢꤨ꤭ꤚꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤡꤢꤨ꤭ꤢꤩ꤬ ꤊꤣꤧ꤭ ꤜꤢꤨ꤭ꤍ꤫ꤥ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤢ꤬ꤊꤢꤨ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤔꤥ꤭ꤔ꤫ꤤ꤬ ꤕꤣꤧ꤬ꤒꤤ ꤖꤢꤧ꤯ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤛꤢꤩ꤬ꤞꤤ꤭ ꤔꤢꤧ ꤓꤣꤧ꤭ ꤔꤣꤧ꤬ꤗꤢ꤬ ꤢ꤬ꤥ꤬ ꤖꤢꤧ ꤖꤚꤢꤩ꤬ꤜꤝꤤ꤭ꤞꤝꤢ ꤖꤢꤧ꤯

ꤚꤥꤗꤢꤩ꤬ 1:18

ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤥ꤬ꤜꤥ꤭ꤓꤢꤧ꤬ ꤘꤣ ꤗꤢꤪꤋꤢꤨ꤬꤯ ꤚꤣꤧ꤬ ꤢ꤬ ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤔꤢꤪ꤭ ꤞꤤꤑꤢꤩ꤭ ꤕꤢ꤬ ꤢꤨ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ ꤒꤥ꤬ ꤟꤣꤧ꤯

ꤚꤥꤗꤢꤩ꤬ 9:20

ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩ ꤔꤢꤧ꤬ ꤔꤢꤧ, ꤔꤢꤧ꤬ ꤗꤢ꤬ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤖꤢꤧ꤯ ꤔꤢꤧ꤬ ꤜ꤫ꤥ꤬ꤟꤢꤩ ꤕꤣꤧ꤬ꤡ꤫ꤣꤧ꤬ ꤊꤢ꤬ꤋꤛꤢ꤭ꤏꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤔꤣꤧ꤬ꤒꤥ꤬꤯ ꤘꤤ꤭ꤕꤢꤪ꤬ꤟꤢꤩ꤬ ꤒꤣ꤬ꤗꤢꤩ꤭ꤔꤣꤧ꤬, ꤊꤢꤩ꤬ ꤢ꤬ ꤟꤢꤩ ꤊꤢ꤬ꤋꤛꤢ꤭ꤏꤢꤦ꤬ ꤖꤚꤢꤩ꤬ꤙꤢꤧꤜꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ, “ꤔꤢꤧ꤬ ꤡꤝꤢꤙꤢꤧ ꤠꤢꤧ꤭ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭?” ꤢ꤬ ꤟꤢꤩ ꤊꤢ꤬ꤋꤛꤢ꤭ꤏꤢꤦ꤬ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤒꤥ꤬꤯