ꤚꤥꤗꤢꤩ꤬ 9:17 - Eastern Kayah Shadaw Dialect

¹⁷ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤘꤢꤦ꤬ ꤋꤝꤤꤖꤢ꤬ꤚꤥ꤬ ꤔꤢꤧ, “ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤚꤣꤧ ꤘꤤ꤭ꤒ꤫ꤢꤦ꤬ ꤠꤢꤧ꤭ ꤒꤣꤧ꤬ꤚꤣꤧ꤭ꤖꤚꤥ꤬ꤖꤚꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤔꤢꤧ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤠꤢꤧ꤭ꤗꤝꤤ꤭ ꤊ꤫ꤢꤦ꤬ ꤜꤥ꤭ꤓꤣꤧ꤭ꤜꤥ꤭ꤊ꤫ꤢꤩ꤬ ꤜꤢꤪ꤭ ꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤔꤢꤪ꤭ꤓꤢꤧ꤬ꤓꤝꤢ꤭ ꤔꤢꤧ꤬ ꤔꤢꤧ ꤋꤝꤤ ꤖꤢꤧ,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁷ เมเตเฮ๊เรอ ลีเทส่อพ๊ากู เฮ๊ดื่อ คุ๊ยฟาโรห์ เน๊อ, “แซ่ฮู๊ แว เก่ เด๊อะโล หนิ แฮเง แว เตอเรอฉว่าชอ เต๊เห่ เร๊อ เน, โท๊โต่ แซ่ฮู๊ แวมุย เก่ โลเทอโลเก่ ลอ เด๊อ เห่ขุต๊าบ่า เออเนอเร๊อ, แว นอทวาแถ่ เน เร๊อ คุ๊ย แพ๊,” อา เฮ๊ ลู ฮู๊เนอ.

ꤚꤥꤗꤢꤩ꤬ 9:17 ပူးပေါင်းရင်းမြစ်များ

ꤛꤥ꤭ꤟꤢ꤬ 17:26

ꤞꤢꤧꤟꤢꤨ ꤔꤢꤧ꤬ ꤒꤢꤩ꤬ꤗꤥ꤬ ꤠꤢꤧ꤭ꤣꤧ꤭ ꤊ꤫ꤢꤦ꤬ ꤥ꤬ ꤘꤣ ꤛꤢꤩ꤬ꤞꤤ꤭ ꤢ꤬ꤊꤢꤨ꤭, ꤓꤥ꤭ꤒꤥ꤬ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤥ꤬ꤊꤣꤧ꤭ ꤘꤣ ꤛꤢꤩ꤬ꤞꤤ꤭ ꤢ꤬ꤊꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤔꤢꤧ꤬, ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤞꤤꤑꤢꤩ꤭ ꤟꤢꤧ꤭ꤑꤢꤩ꤭ ꤕ꤫ꤢꤩ꤬ ꤕ꤫ꤥ꤬ ꤛꤢꤩ꤬ꤞꤤ꤭ ꤔꤢꤧ ꤔꤢꤧ꤬ ꤕꤢ꤭,” ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊꤝꤤ꤭ꤡꤢꤪꤙꤢꤩ꤭ ꤚꤣꤧ꤬ ꤢ꤬ ꤟꤢꤩ ꤟꤢꤨꤔꤣꤧ꤬꤯

ꤊꤢ꤬ꤜꤢ꤬ꤒꤤ 3:22

ꤗꤢ꤬ꤔꤢꤧꤚꤣꤧ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤙꤢ꤬ ꤜꤢꤪ꤭ꤔꤣꤧ꤬, ꤢ꤬ ꤥ꤬ ꤜꤢꤪ꤭ ꤘꤣ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ ꤒꤢꤩ꤬ꤕꤣꤢ꤬ꤜꤢꤩ꤭ ꤖꤢꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤏꤢꤪ꤭ꤚꤤ꤬ ꤣꤧ꤭ꤔꤣꤧ꤬ ꤢ꤬ ꤢꤪꤜꤢꤧ꤬ ꤔꤢꤧ ꤕꤢꤩ꤬ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨ ꤒꤢꤦꤗꤢ꤬ ꤢ꤬ ꤘꤣꤧ ꤕꤢꤩ꤬ ꤕꤢ꤭ ꤖꤢꤧ꤯ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤢ꤬ ꤘꤣꤧꤒꤢꤦꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ꤊꤢ꤬ꤜꤢ꤬ꤒꤤ 4:30

ꤗꤢ꤬ꤔꤢꤧꤚꤣꤧ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤡ꤫ꤢꤦ꤬ꤖꤚꤢꤩ꤬ꤗꤢꤪ꤬ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡ꤫ꤢꤦ꤬ꤖꤚꤢꤩ꤬ꤗꤢꤪ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒ꤫ꤣ꤬ꤊꤣꤧ꤭ ꤖꤢꤨꤢꤨ꤬ꤡꤢꤩ꤭ꤣꤧ꤭ ꤔꤢꤧ ꤡ꤫ꤢꤦ꤬ꤖꤚꤢꤩ꤬ꤗꤢꤪ꤬ ꤗ꤫ꤢ꤬ꤒꤥ꤬ ꤣꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤒꤥ꤬꤯”

ꤊꤢ꤬ꤜꤢ꤬ꤒꤤ 3:8

ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤟꤢꤩꤥ꤬ꤔꤢꤩ꤬ ꤓꤥ꤭ꤘꤢꤦ꤬ ꤟꤣꤧ ꤗꤢꤨꤔꤢꤨ꤬ꤗꤢꤨꤞꤢ꤬ꤋꤢꤩ꤭ ꤕꤢ꤬ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤛꤢ꤭ ꤕꤢ꤭, ꤢ꤬ ꤟꤢꤩꤥ꤬ꤔꤢꤩ꤬ ꤟꤢꤨꤔꤣꤧ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣꤧ ꤞꤤꤑꤢꤩ꤭ꤚ꤫ꤣꤧ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤘꤣ ꤔꤢꤧ꤬ꤋꤝꤢ꤬ꤔꤢꤧ꤬ꤋꤛꤢ꤭ ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤏꤢꤪ꤭ꤚꤤ꤬ꤒꤢ꤭ ꤘꤤ꤭ꤒ꤫ꤢꤦ꤬ ꤜꤢꤪ꤭ ꤜꤢꤪ꤭ ꤗꤤ꤭ꤡꤣ꤬ ꤒꤣꤧ꤬ꤟꤢꤩ꤬ ꤔꤢꤧ ꤔꤢꤧ꤬ ꤕꤢ꤭,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤚꤥꤗꤢꤩ꤬ 11:4

ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤜꤢꤨ꤭ ꤟꤢꤨꤒꤢꤩ꤭? ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤔꤢꤧ꤬ ꤥ꤬ꤊꤢꤧ꤭ ꤒꤢꤦꤘꤢꤦ꤬ ꤒꤣ꤬ꤖꤚꤢꤩ꤬ ꤗ꤫ꤢ꤬ꤒꤥ꤬, ꤠꤢꤧ꤭ ꤘꤢꤧ꤬ꤥ꤬ꤊꤢꤧ꤭ ꤊꤣꤧ꤭ꤕꤢ꤬ ꤊꤣꤧ꤬ꤛꤢꤧ꤭ ꤞꤥ꤭ꤞꤝꤢꤒꤣ꤬ꤚꤤ꤯ ꤖꤚꤢꤩ꤬ꤛꤥ꤬ ꤘꤣ ꤢꤨ꤭ ꤢꤩ ꤔꤢꤧ ꤙꤢ꤬ꤜꤢ꤬ ꤣꤧ꤭ꤔꤣꤧ꤬, ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤢꤧꤍꤢꤦ꤬ ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤭ꤢꤨ꤭ ꤒꤥ꤬꤯”