ꤚꤥꤗꤢꤩ꤬ 8:34 - Eastern Kayah Shadaw Dialect

³⁴ ꤟꤢꤨꤔꤣꤧ꤬ꤚꤣꤧ꤬, ꤗꤢ꤬ꤢꤨ꤭ꤕꤢꤩ꤭ ꤊ꤫ꤢꤦ꤬ꤚꤢꤩ꤭ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢꤩ꤭? ꤒꤣ꤬ꤖꤚꤢꤩ꤬꤮ ꤗꤢ꤬ ꤢꤨ꤭ ꤘꤣꤧꤡꤢ꤭ ꤡ꤫ꤢꤧ꤬ꤚꤣꤧ ꤛꤢꤩ꤬ꤞꤤ꤭ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤛꤢꤩ꤬ꤏꤛꤢꤨꤋꤚꤤ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤣꤧ꤭ ꤘꤣ ꤕꤢꤩ꤬ ꤒꤢꤩ꤬ꤞꤢꤦ ꤢ꤬ꤑꤢꤩ꤭ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤒꤣ꤬ꤖꤚꤢꤩ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤜ꤫ꤢꤩ꤬ꤥ꤬ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕꤢꤩ꤬ ꤔꤣꤧ꤬ ꤛꤢꤩ꤬ꤏꤛꤢꤨ ꤔꤥ꤭ ꤊꤝꤤ꤭ꤞꤤꤛꤢꤪ꤬ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤜ꤫ꤢꤩ꤬ꤊꤜꤥ꤭ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

³⁴ ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

ꤚꤥꤗꤢꤩ꤬ 8:34 ပူးပေါင်းရင်းမြစ်များ

ꤟꤤꤙꤚꤢꤨ 7:25

ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤧ꤭ꤔꤥ꤭ ꤘꤤ꤭ꤒ꤫ꤢꤦ꤬ ꤘꤣ ꤛꤢꤩ꤬ꤏꤛꤢꤨ ꤢ꤬ ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤛꤢꤩ꤬ꤏꤛꤢꤨ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ꤙꤢꤩ ꤛꤢꤩ꤬ꤞꤤ꤭ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ ꤢ꤬ꤡꤢꤨ꤬ꤡꤢꤨ꤬ ꤢ꤬ꤓꤢꤦ꤭ꤓꤢꤦ꤭ ꤡꤣꤧ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤔꤥ꤭ ꤊꤝꤤ꤭ꤞꤤꤛꤢꤪ꤬ꤙꤢꤩ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤔꤣꤧ꤬, ꤢ꤬ ꤙꤢꤩ꤬ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬꤯

ꤚꤥꤗꤢꤩ꤬ 8:27

ꤓꤥ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤧꤕꤢꤨ꤭ ꤓꤢꤦꤡꤢꤩ꤭ꤗꤢꤧ ꤕꤢꤩ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤞꤤꤛ꤫ꤢꤦ꤬ ꤊꤝꤤ꤭ꤕ꤫ꤢꤩ꤬ ꤕꤢꤩ꤬ꤑꤢꤩ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊꤝꤤ꤭ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤥ꤬ ꤔꤣꤧ꤬ꤖꤢꤧ꤯

เปโตร อาเหร่อเล๊อ ต๊าบ่า 3:22

ꤛꤢꤩ꤬ꤏꤛꤢꤨꤋꤚꤤ ꤊꤢ꤬ ꤊꤣꤧ꤬ꤓꤢꤧ꤬ꤟꤣꤧ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤊꤢ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭ ꤟꤣꤧ, ꤚꤣꤧ꤬ ꤢ꤬ ꤕꤣꤒꤣꤧ꤬ꤚꤤ꤬ ꤜꤢꤪ꤭ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬, ꤔꤢꤧ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯

ꤟꤤꤙꤚꤢꤨ 9:24

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤚꤣꤧꤘꤢꤦ꤬ ꤘꤣ ꤢꤨ꤭ ꤗꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤊꤢꤨꤋꤢꤨ꤬ ꤚꤣꤧ꤬ ꤢꤨ꤭ ꤗꤢꤧꤙꤢꤦ꤭ ꤗꤢꤩ꤬ꤊꤣꤧ꤭ ꤖꤢꤧ ꤢ꤬ꤗ꤫ꤥ꤬ꤊꤜ꤫ꤢꤪ꤬ ꤗ꤫ꤢ꤬ꤔꤤꤔꤢꤧ꤬ ꤣꤧ꤭ꤒꤣ꤬ꤗꤢꤩ꤭ ꤢ꤬ꤊꤢꤨ꤭ ꤔꤣꤧ꤬, ꤋꤚꤤ ꤡꤝꤢꤔꤥ꤭ ꤙꤣꤧꤔꤣꤧ꤬ ꤗ꤫ꤢ꤬ꤒꤥ꤬꤯ ꤢ꤬ ꤡꤝꤢꤔꤥ꤭ ꤚꤣꤧꤘꤢꤦ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤊꤝꤤ꤭ꤞꤤꤛꤢꤪ꤬ ꤕ꤫ꤢꤩ꤬ ꤕꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭꤯

ꤚꤥꤗꤢꤩ꤬ 8:1

ꤟꤢꤨꤔꤣꤧ꤬ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤓꤢꤧ꤬ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤕꤢ꤬ ꤜꤢꤨ꤭ ꤒꤣꤧ꤬ꤋꤢꤧ꤮ ꤒꤥ꤬ ꤟꤣꤧ꤯

ꤗꤢ꤬ꤊꤢꤨ 16:19

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤙꤢꤩ꤬ꤓꤥ꤭ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢꤩꤊꤢ꤬ ꤊꤣꤧ꤬ꤓꤢꤧ꤬ꤊꤢꤧ꤭ ꤜꤢꤨ꤭ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤓꤢꤧ꤬ꤥ꤬ꤔꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭꤯

โคโลสี 3:1

ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤚꤤ ꤘꤣ ꤒꤢꤩ꤬ꤞꤣꤧ꤭ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤊꤣꤧ꤭ꤟꤣꤧ ꤞꤤ꤭ ꤘꤣ ꤒꤢꤩ꤬ꤞꤣꤧ꤭ ꤟꤣꤧ ꤚꤣꤧ꤬ ꤢ꤬ ꤘꤣꤧ ꤒ꤫ꤣ꤬ꤊꤣꤧ꤭ ꤟꤣꤧ ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ ꤔꤢꤧ ꤋꤚꤤ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤜꤢꤪ꤭ ꤞꤤ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤘꤢꤧ꤬ꤥ꤬ ꤜꤢ꤭ꤋꤢꤧ꤭ ꤘꤣ ꤗꤢꤪꤋꤢꤨ꤬ ꤙꤣꤧ ꤋꤚꤤ ꤜ꤫ꤢꤩ꤬ꤥ꤬ꤔꤢꤧ꤭ ꤚꤣꤧꤘꤢꤦ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤔꤤ꤮꤯

เตเด๊อะโลแถ่ 1:18

ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤞꤣꤧ꤭ ꤓꤥ꤭ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ꤯ ꤠꤢꤧ꤭ ꤥ꤬ꤔꤢꤧ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤢꤧ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤚꤣꤧ꤬ ꤠꤢꤧ꤭ ꤕꤣꤜꤢꤪ꤭ ꤒꤢꤩ꤬ꤞꤣꤧ꤭ ꤔꤢꤧ ꤜꤥ꤭ꤊ꤫ꤢꤩ꤬ꤔꤢꤩꤘꤢꤪ꤭ ꤒꤣꤧ꤬ꤟꤢꤩ꤬꤯

ꤚꤥꤗꤢꤩ꤬ 14:9

ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤢꤧꤟꤢꤨ ꤋꤚꤤ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤞꤣꤧ꤭ ꤒꤣꤧ꤬ꤟꤢꤩ꤬ ꤢ꤬ ꤙꤢꤧ꤬ꤡꤢꤩ꤬ ꤚꤣꤧ꤬, ꤢ꤬ ꤞꤣꤧ꤭ ꤓꤥ꤭ꤚꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤟꤣꤧ ꤘꤣ ꤒꤢꤩ꤬ꤞꤣꤧ꤭ ꤟꤣꤧ꤯

ꤚꤥꤗꤢꤩ꤬ 4:25

ꤘꤣ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤗꤢꤦ꤭ꤞꤣꤧ꤭ ꤢꤨ꤭ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤕꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤟꤣꤧ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤟꤣꤧ꤯

เปโตร อาเหร่อเล๊อ ต๊าบ่า 3:18

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤋꤚꤤ ꤋꤢꤧꤞꤣꤧ꤭ ꤕ꤫ꤢꤩ꤬ ꤖꤢꤧ ꤢ꤬ꤔ꤫ꤢꤩ꤬ ꤘꤣ ꤢꤨ꤭ ꤒꤢꤩ꤬ꤞꤢꤦ ꤢ꤬ꤑꤢꤩ꤭ ꤒꤣ꤬ꤖꤥꤖꤢꤧ ꤚꤣꤧ꤬ ꤢ꤬ꤓꤥ꤭ꤢ꤬ꤕꤜꤢꤦ ꤜꤢ꤭ ꤟꤣꤧ, ꤢ꤬ ꤜ꤫ꤥ꤬ ꤋꤢꤧꤞꤣꤧ꤭ ꤕꤢ꤬ꤔꤢꤧꤒꤥ꤬ ꤟꤣꤧ꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤞꤢꤨ꤭ꤡꤝꤢ ꤞꤤ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤚꤣꤧ꤬ ꤊꤣꤧ꤬ꤛꤢꤧ꤭ ꤡꤢꤪꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤧ꤭ ꤋꤢꤧꤞꤣꤧ꤭ ꤕ꤫ꤢꤩ꤬ꤓꤥ꤭ꤟꤣꤧ ꤊꤣꤧ꤬ꤛꤢꤧ꤭ ꤒꤢꤩ꤬ꤞꤢꤦꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤣꤧ, ꤢꤨ꤭ ꤗꤢꤩ꤬ꤞꤣꤧ꤭ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤊꤢꤨ꤭꤯

ꤟꤤꤙꤚꤢꤨ 1:3

ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤘꤤ꤭ꤒ꤫ꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ꤓꤢꤨ꤭ ꤘꤣ ꤢ꤬ꤊꤢꤨ꤭ ꤕꤢ꤭꤯ ꤢ꤬ ꤗꤢ꤬ ꤢ꤬ ꤞꤢꤧ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤡꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯ ꤞꤢꤧꤟꤢꤨ ꤟꤢꤩ꤬ꤋꤢꤨ꤬ ꤔꤢꤧ ꤗꤢꤪꤋꤢꤨ꤬ ꤔꤢꤧ ꤒꤢꤩ꤬ꤙꤢꤩ꤬ꤙꤢꤧ ꤜꤢꤪ꤭꤮ ꤕꤜꤤ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤕ꤫ꤥ꤬ ꤔꤣꤧ꤬, ꤢ꤬ ꤕ꤫ꤢꤦ꤬ꤗꤢ꤬ ꤡꤝ꤫ꤢ꤬ꤊꤣꤧ꤭ ꤒꤢꤩ꤬ꤙꤢꤩ꤬ꤙꤢꤧ ꤜꤢꤪ꤭꤮ ꤕꤜꤤ꤭ ꤣꤧ꤭ꤔꤣꤧ꤬ ꤔꤢꤧ ꤢ꤬ꤍ꤫ꤥ꤬ ꤘꤣ ꤢ꤬ꤖꤚꤥ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬꤯ ꤙꤣꤧ ꤢ꤬ ꤗꤢꤩ꤬ꤕꤜꤢꤦꤗꤢꤩ꤬ꤓꤥ꤭ ꤓꤥ꤭ꤟꤣꤧ ꤒꤢꤩ꤬ꤕꤜꤝꤢ꤭ꤊꤢꤧ꤭ ꤜꤢꤪ꤭ ꤜꤢꤪ꤭ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊꤢ꤬ ꤊꤣꤧ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤓꤢꤧ꤬ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤖꤚꤥ꤬ꤢ꤬ꤖꤚꤢꤧ꤬ ꤢ꤬ꤘꤢꤨ꤬ꤢ꤬ꤓꤢꤨ꤭ ꤒꤣꤧ꤬ꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭꤯

ꤚꤥꤗꤢꤩ꤬ 14:13

ꤟꤢꤨꤔꤣꤧ꤬ꤚꤣꤧ꤬, ꤘꤢꤧ꤬ ꤕꤢ꤬ ꤒ꤫ꤢꤧ꤬ ꤜꤢꤨ꤭ꤒꤢꤩ꤬ꤞꤢꤦ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤒꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤜꤣꤧ꤬ꤋꤢꤦꤜꤣꤧ꤬ꤜꤢꤪ꤭, ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤘꤣ ꤕ꤫ꤥ꤬ꤠ꤫ꤢꤧ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ꤑꤢꤩ꤭ ꤟꤢꤩꤔꤣꤧ꤬, ꤔꤢꤧ꤬ ꤙꤢꤩ꤬ ꤘꤢꤧ꤬ꤜꤢꤧ꤬ ꤋꤥꤊꤢꤧ꤭ ꤔꤢꤧ꤬ ꤞꤤꤕꤜꤢꤪ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤗꤢꤩ꤬ꤕꤢ꤬ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯

ꤛꤥ꤭ꤟꤢ꤬ 16:23

ꤙꤣꤧꤔꤣꤧ꤬ꤒꤣ꤬ꤔꤣꤧ꤭ ꤕꤢ꤭ꤔꤣꤧ꤬, ꤞꤤ꤭ ꤘꤣꤧꤟꤣꤧ꤭ ꤕꤢ꤬ ꤡꤣꤧ ꤠꤢꤧ꤭ ꤒꤣ꤬ꤡꤣ꤬꤮ ꤒꤥ꤬ ꤟꤣꤧ꤯ ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤞꤤ꤭ ꤊ꤫ꤢꤦ꤬ ꤊꤝꤤ꤭ ꤠꤢꤧ꤭ꤖꤢꤩ꤭ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤞꤤ꤭ ꤊꤢꤩ꤬ ꤊꤝꤤ꤭ ꤔꤢꤧ ꤠꤢꤧ꤭ꤗꤝꤤ꤭ ꤟꤢꤩꤔꤣꤧ꤬, ꤠꤢꤧ꤭ꤖꤢꤩ꤭ ꤊ꤫ꤢꤦ꤬ ꤘꤣꤧ ꤞꤤ꤭ ꤕꤢ꤭꤯

ꤛꤥ꤭ꤟꤢ꤬ 14:19

ꤒꤣꤧ꤬ꤕꤜꤣ꤬ꤟꤢꤨ ꤢ꤬ꤊꤢꤨ꤭ꤔꤣꤧ꤬, ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤕꤢ꤬ ꤠꤢꤧ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ꤚꤣꤧ꤬, ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤠꤢꤧ꤭ ꤕꤢ꤭꤯ ꤠꤢꤧ꤭ ꤞꤣꤧ꤭ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤊꤣꤧ꤭ ꤕꤢ꤭ꤕꤢ꤭꤯

มัทธิว 20:28

ꤗꤢꤧꤙꤢꤦ꤭ꤊꤣꤧ꤭ ꤠꤢꤧ꤭ ꤗ꤫ꤢ꤬ꤘꤢꤦ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭, ꤠꤢꤧ꤭ ꤟꤢꤧ꤭ ꤘꤣ ꤢꤨ꤭ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤠꤢꤧ꤭ꤑꤢꤩ꤭ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤟꤢꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤢꤨ꤭ꤑꤢꤩ꤭ ꤖꤢꤧ꤯ ꤚꤣꤧ꤬ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤤ꤬ꤓꤢ꤬ꤊꤢ꤬ꤔ꤫ꤤ꤬ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ ꤞꤤꤕꤜꤢꤪ꤬ ꤞꤣꤧ꤭ꤖꤚꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤢꤩꤖꤚꤢꤩ꤬ ꤢ꤬ꤑꤢꤩ꤭꤯”

เพรโด่แนพู๊ เต๊เห่ 2:24

ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤘꤣ ꤒꤢꤩ꤬ꤞꤣꤧ꤭, ꤚꤣꤧ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤢ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤢ꤬ꤜꤢꤩ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤞꤣꤧ꤭ ꤢ꤬ꤗ꤫ꤥ꤬ꤖꤢꤩ꤭ ꤕ꤫ꤢꤦ꤬ꤗꤢ꤬ꤡ꤫ꤢꤧ꤬ ꤕꤢ꤬ ꤜꤢꤨ꤭ ꤒꤥ꤬ ꤟꤣꤧ꤯