Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꤚꤥꤗꤢꤩ꤬ 7:7 - Eastern Kayah Shadaw Dialect

7 ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤒꤢꤩ꤭? ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤗꤢ꤬ ꤢ꤬ꤞꤢꤦ ꤖꤢꤧ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤔꤣꤧ꤬ ꤟꤢꤧ꤭? ꤕꤢꤩ꤬ ꤟꤢꤩ ꤟꤢꤨꤔꤣꤧ꤬ꤗꤢ꤬ ꤢ꤬ ꤒꤥ꤭ꤒꤥ꤬꤯ ꤔꤢꤧ꤬ ꤗꤢꤩ꤬ ꤟꤢꤨꤔꤣꤧ꤬ꤗꤢ꤬ ꤢ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤊꤢꤩ꤬ ꤤ꤬ꤛꤢꤨ꤭ꤜꤥ꤭ ꤒꤥ꤬ ꤟꤢꤩꤔꤣꤧ꤬, ꤒꤢꤩ꤬ ꤘꤣ ꤠꤢꤧ꤭ ꤗꤢꤩ꤬ꤞꤢꤦ ꤓꤥ꤭ꤟꤣꤧ ꤋꤚꤢꤧ꤮ ꤤ꤬ꤒꤢꤩ꤭ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤊꤢ꤬ꤋꤛꤢ꤭ ꤚꤣꤧꤘꤢꤦ꤬ ꤔꤤꤔꤢꤧ꤬ꤒꤥ꤬꤯ ꤟꤢꤩꤊꤥꤚꤣꤧ, “ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒ꤫ꤢꤧ꤬ ꤢꤨ꤭ ꤒꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ,” ꤊꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤚꤢ꤭ꤜꤥ꤭ ꤟꤢꤨꤣꤧ꤭ ꤒꤥ꤬ ꤟꤢꤩꤚꤣꤧ꤬, ꤞꤤꤛ꤫ꤢꤦ꤬ꤞꤤꤜꤢꤪ꤭ ꤢꤨ꤭ꤒꤢꤩ꤬ ꤔꤣꤧ꤬ꤗꤢ꤬ ꤢ꤬ ꤓꤝꤢ꤭ ꤒꤢꤩ꤬ꤞꤢꤦ ꤟꤣꤧ ꤔꤣꤧ꤬, ꤠꤢꤧ꤭ ꤞꤤꤑꤢꤩ꤭ ꤒꤥ꤬꤯

အခန်းကိုကြည့်ပါ။ ကော်ပီ

ลีเทส่อพ๊าอาเซ เร๊อ เห่ขุทวาลู๊

7 เมฮู๊เนอเรอ เป เก่ เฮ๊ ฮู๊เต? เตซว๊าเตแส่ หม่า อาซื๊อ แพ๊ เป เก่ เฮ๊ ฮู๊เนอ แอ? เป เฮ๊ ฮู๊เนอหม่า อา โตโต่. เน เม ฮู๊เนอหม่า อาซื๊อ เตซว๊าเตแส่ เก่ ยูโล โต่ เฮ๊เนอ, เต เด๊อ แว เมซื๊อ โทเฮ๊อ แคร๋ อิเตเนอ แว ซิเง กาคยา เกอเร๊อ หม่าแหน่โต่. เฮ๊โก๊หลื่อ, “ซิหยื่อซิลอ แต่ อู เต แต่เหม่ นี๋,” เก่ เตซว๊าเตแส่ ราโล ฮู๊เออ โต่ เฮ๊เรอ, ซิหยื่อซิลอ อูเต เนอหม่า อา ทวา เตซื๊อ เฮ๊อ เนอ, แว ซิเง โต่.

အခန်းကိုကြည့်ပါ။ ကော်ပီ




ꤚꤥꤗꤢꤩ꤬ 7:7
30 ပူးပေါင်းရင်းမြစ်များ  

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤘꤣ ꤢꤨ꤭ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢꤨ꤭ ꤓꤝꤢ꤭ꤓꤢꤧ꤬ꤡ꤫ꤢꤧ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤚꤣꤧꤘꤢꤦ꤬ ꤕꤢꤩ꤬ ꤒꤢꤩ꤬ꤞꤢꤦ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕꤢꤩ꤬ ꤖꤢꤧ꤯


ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤗꤢ꤬ ꤢ꤬ ꤗꤢꤩ꤬ ꤘꤢꤨ꤬ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬꤯ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤜꤢꤦ꤬ꤙꤢꤩ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤕꤝꤢ꤭꤮ ꤒꤣ꤬ꤖꤥ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤘꤢꤨ꤬ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭꤯ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤊꤢꤩ꤬ ꤥ꤬ꤒꤥ꤬ ꤔꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬꤮ ꤗꤢ꤬ ꤢ꤬ ꤡꤝꤢꤒꤣꤧ꤬ꤜꤝꤢ ꤋꤢꤩ꤭ꤒꤣꤧ꤬ꤕꤜꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤥ꤬꤯


ꤒꤢꤩ꤬ꤞꤣꤧ꤭ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤕ꤫ꤢꤧ꤬ꤗꤢꤩ꤬ꤏꤢꤩ꤭ ꤢꤨ꤭ ꤔꤣꤧ꤬ꤗꤢ꤬ ꤢ꤬ ꤔ꤫ꤤ꤬ꤙꤢꤩ꤬ ꤘꤣ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ꤜꤥ꤬ ꤚꤣꤧ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤔ꤫ꤤ꤬ꤙꤢꤩ꤬ ꤘꤣ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤜꤥ꤬ ꤖꤢꤧ꤯


ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤒꤣꤧ꤬ꤟꤢꤩ꤬ ꤟꤢꤩ ꤔꤢꤧ, “ꤡꤝꤢꤞꤢꤦ ꤒ꤫ꤢꤧ꤬ ꤢꤨ꤭ꤖꤢꤨꤢꤨ꤭ꤗꤢꤩ꤭ ꤒ꤫ꤢꤧ꤬ꤗꤢꤩ꤬ ꤔꤤ,” “ꤗꤢꤩ꤬ꤞꤣꤧ꤭ ꤒ꤫ꤢꤧ꤬ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ,” “ꤢꤩ꤬ꤟꤥ꤬ ꤒ꤫ꤢꤧ꤬ ꤢꤨ꤭ꤒꤢꤩ꤬ ꤒ꤫ꤢꤧ꤬ꤗꤢꤩ꤬,” “ꤞꤤꤛ꤫ꤢꤦ꤬ꤞꤤꤜꤢꤪ꤭ ꤊꤣꤧ꤭ ꤒ꤫ꤢꤧ꤬ ꤢꤨ꤭ꤒꤢꤩ꤬ ꤒ꤫ꤢꤧ꤬ꤗꤢꤩ꤬,” ꤜꤢꤪ꤭ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬, ꤔꤢꤧ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤘꤢꤧ꤬ꤒ꤫ꤣ꤬ꤜꤢꤪ꤭ ꤖꤢꤧ ꤜꤢꤨ꤭ ꤒꤣ꤬ꤗꤢꤦ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤗꤥ꤬ꤚꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤖꤢꤦ꤬ ꤔꤢꤧ꤬ ꤊꤢꤧ꤭ꤏꤢꤪ꤭ꤊꤢꤧ꤭ꤏꤢ ꤒꤣꤧ꤬ꤟꤢꤩ꤬ ꤟꤢꤨ ꤔꤢꤧ꤬ ꤗꤥ꤬ꤜꤢꤧ꤬ ꤚꤣꤧꤘꤢꤦ꤬ ꤔꤢꤧ꤬ꤔ꤫ꤢꤩ꤬ ꤔꤣꤧ꤬ ꤔꤤ꤮꤯”


ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤜꤢ꤭ ꤓꤝꤢ꤭ ꤖꤚꤢꤩ꤬ꤥ꤬ꤚꤢ꤬ꤖꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩ ꤠꤢꤧ꤭ ꤔꤢꤧ ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒ꤫ꤢꤧ꤬ ꤢꤨ꤭ꤒꤢꤩ꤬ ꤒ꤫ꤢꤧ꤬ꤗꤢꤩ꤬ ꤢ꤬ ꤟꤢꤩꤚꤣꤧ꤬, ꤠꤢꤧ꤭ ꤜꤢꤦ ꤞꤤꤛ꤫ꤢꤦ꤬ꤞꤤꤜꤢꤪ꤭ ꤏꤝꤢ꤬ꤏꤝꤢ꤬꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤊꤢꤩ꤬ ꤥ꤬ꤒꤥ꤬ ꤟꤢꤩꤔꤣꤧ꤬, ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤥ꤬ ꤒꤥ꤬, ꤢ꤬ ꤞꤣꤧ꤭ ꤖꤢꤧ꤯


ꤔꤢꤪ꤭ꤕꤣ ꤜꤢꤧ꤬ꤚꤣꤧ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤔꤢꤧ ꤒꤢꤩ꤬ꤜꤢꤦ꤬ꤗꤢꤩ꤬ꤗꤥ꤬ꤚꤣꤧ ꤔ꤫ꤢꤩ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤕꤣꤧ꤬ꤒꤤ꤭ꤕꤣꤧ꤬ꤒꤢ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯


ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤛꤢꤨꤘꤢ꤬ꤖꤢꤨ ꤢ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊꤢꤩ꤬ ꤘꤣꤧꤜꤥ꤭ ꤜꤤ꤭ꤖꤥ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤊꤢꤩ꤬ꤟꤢꤩꤚꤣꤧ꤬ ꤕꤢꤩ꤬ ꤊ꤫ꤢꤦ꤬ꤚꤢꤩ꤭ ꤟꤢꤩꤚꤣꤧ ꤢ꤬ ꤟꤢꤨꤒꤢꤩ꤭? ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤘꤢꤨ꤬ ꤚꤣꤧ꤬ ꤢ꤬ ꤘꤣꤧꤡꤢ꤭ ꤕꤢꤩ꤬ꤣꤧ꤭ ꤔꤣꤧ꤬ꤗꤢ꤬ ꤢ꤬ꤞꤢꤦ ꤖꤢꤧ, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤔꤣꤧ꤬ ꤟꤢꤧ꤭? (ꤠꤢꤧ꤭ ꤟꤢꤩꤙꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤜ꤫ꤢꤩ꤬ꤊꤜꤥ꤭ ꤟꤢꤩꤔꤣꤧ꤬ ꤖꤢꤧ꤯)


ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤤ꤭ꤊꤢꤧ꤭ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤜꤣꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗ꤫ꤢ꤬ꤘꤢꤦ꤬, ꤒꤢꤩ꤬ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭, ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ ꤕꤜꤤ꤭ꤖꤥ ꤒꤥ꤬ ꤒꤣꤧ꤬ꤟꤢꤩ꤬, ꤞꤤꤕꤜꤢꤪ꤬ ꤕꤣꤧ꤬ꤒꤤ꤭ꤕꤣꤧ꤬ꤒꤢ, ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬, ꤔꤢꤧ ꤞꤤꤛ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤢꤩꤓꤢꤧ꤬ ꤕ꤫ꤥ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤒꤣꤧ꤬ꤟꤢꤩ꤬꤯ ꤒꤢꤩ꤬ꤞꤤꤛ꤫ꤢꤦ꤬ꤔ꤫ꤤ꤬ꤙꤢꤩ꤬ ꤢꤩꤓꤢꤧ꤬ꤕ꤫ꤥ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤗꤢ꤬ ꤢ꤬ꤞꤢꤧꤔꤢꤧ ꤡꤢꤪꤙꤢꤩ꤭ ꤖꤚꤢꤩ꤬ꤛꤥ꤬ ꤟꤣꤧ꤯


ꤞꤤ꤭ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭, ꤒꤢꤩ꤬ꤗꤢꤩ꤬ ꤞꤤꤒꤣꤧ꤬ꤚꤢꤩ꤭ ꤚꤣꤧꤘꤢꤦ꤬ꤔ꤫ꤢꤩ꤬ ꤔꤢꤧ ꤞꤝꤤ꤬ꤓꤣꤧ꤭ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤝꤢ꤭꤮ ꤒꤣ꤬ꤡꤣ꤬, ꤒꤥ꤬ꤗꤢ꤬ꤔꤢꤧ ꤒꤢꤩ꤬ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ ꤚꤣꤧꤘꤢꤦ꤬ ꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤊꤤ꤬꤮ ꤒꤥ꤬꤯


ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤒꤢꤩ꤬ ꤢ꤬ꤒꤝ꤫ꤢ꤬ꤢ꤬ꤚꤢꤧ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗꤢꤩ꤬ ꤞꤣꤧ꤭ꤊꤢꤧ꤭ ꤠꤢꤧ꤭ ꤟꤢꤧ꤭? ꤢ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤠꤢꤧ꤭ ꤗ꤫ꤢ꤬ꤒꤥ꤬꤯ ꤢ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤠꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤖꤢꤧ꤯ ꤢ꤬ ꤔꤢꤪ꤭ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤘꤣ ꤢ꤬ꤚꤢꤧ ꤣꤧ꤭ ꤚꤣꤧ꤬ ꤢ꤬ ꤢꤩꤜꤢ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤠꤢꤧ꤭ ꤖꤢꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤔꤢꤧ ꤒꤢꤩ꤬ ꤘꤣ ꤠꤢꤧ꤭ ꤗꤢꤩ꤬ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤞꤢꤦꤟꤣꤧ ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤘꤣ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ꤟꤢꤧ꤭ ꤔꤢꤧ ꤒꤢꤩ꤬ꤞꤢꤦꤣꤧ꤭ ꤢ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤢꤧ꤬ꤡꤣꤧ꤯


ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤒꤢꤩ꤬ꤞꤢꤦ ꤗꤢꤧꤓ꤫ꤣꤧ꤬ꤚꤣꤧ ꤢ꤬ ꤜ꤫ꤢꤩ꤬ꤥ꤬ꤚꤢꤧ ꤘꤣ ꤢ꤬ ꤊ꤫ꤢꤦ꤬ ꤒꤣꤧ꤬ꤒꤢꤩ꤬ ꤓꤢꤧ꤬ꤚꤣꤧ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤖꤢꤧ ꤠꤢꤧ꤭, ꤓꤥ꤭ꤚꤣꤧ꤬ ꤢ꤬ ꤔꤢꤪ꤭ꤢꤩ꤬ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ꤣꤧ꤭ ꤚꤣꤧ꤬ ꤢ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤠꤢꤧ꤭ ꤖꤢꤧ꤯


ꤗꤢꤩ꤬ꤒꤢꤩ꤭ꤟꤢꤩꤔꤣꤧ꤬ꤚꤣꤧ꤬ ꤕꤢꤩ꤬ ꤜꤢ꤭ ꤞꤤꤑꤢꤩ꤭ꤟꤢꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩ ꤕꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤙꤣꤧ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤢ꤬ ꤞꤝꤤ꤬ꤓꤣꤧ꤭ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤥ꤬ꤢꤩꤟꤢꤧ꤭ ꤔꤢꤧ ꤥ꤬ꤢꤩꤟꤢꤧ꤭꤯ ꤚꤣꤧ꤬ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤢꤨ꤭ꤡꤝꤢ ꤕꤢꤩ꤬ ꤘꤣ ꤍꤢ꤬ꤚꤢ꤬ꤊꤢꤨ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤖꤢꤧ꤯


ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊꤢꤩ꤬ ꤥ꤬ꤕꤢ꤬ ꤘꤣ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤜꤢꤩ꤭ ꤒꤥ꤬ ꤟꤣꤧ, ꤕꤢꤩ꤬ ꤥ꤬ꤟꤣꤧ ꤘꤣ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤢ꤬ꤜꤢꤩ꤭ ꤟꤣꤧ ꤊꤢꤩ꤬ꤟꤢꤩꤚꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤗꤢꤩ꤬ꤒꤢꤩ꤬ꤞꤢꤦ ꤗꤢ꤬ ꤢ꤬ꤔ꤫ꤤ꤬ ꤖꤢꤧ ꤊꤢꤪ꤭? ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯


ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤣꤧ꤭ꤔꤣꤧ꤬ꤜꤢꤩ꤭, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤚꤣꤧꤘꤢꤦ꤬ ꤜꤢꤨ꤭ ꤟꤢꤨꤒꤢꤩ꤭? ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤖꤢꤧ ꤟꤢꤨꤔꤣꤧ꤬ꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤡꤝꤢꤗꤢꤧꤓ꤫ꤣꤧ꤬ ꤞꤤꤑꤢꤩ꤭ ꤔꤢꤪ ꤊꤣꤧ꤭ꤢꤨ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤟꤢꤨꤒꤢꤩ꤭?


ꤚꤢꤦ꤭ ꤙꤢꤩ꤬ꤙꤢꤩ꤬, ꤓꤢꤩ꤭ ꤙꤢꤩ꤬ꤙꤢꤩ꤬, ꤟꤣꤧ꤬ꤡꤢ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤙꤢꤩ꤬ꤙꤢꤩ꤬, ꤠꤢꤧ꤭ ꤞꤤꤛ꤫ꤢꤦ꤬ꤞꤤꤜꤢꤪ꤭ ꤔꤢꤪꤊꤣꤧ꤭ ꤔꤢꤧ ꤢꤨ꤭ꤒꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯


ꤓꤥ꤭ꤚꤣꤧ꤬ ꤢ꤬ ꤟꤢꤩ ꤕ꤫ꤥ꤬ ꤛꤢꤩ꤬ꤞꤤ꤭ ꤔꤢꤧ, “ꤥ꤬ꤚꤢꤪ꤬ꤥ꤬ꤚꤢꤩ꤭ ꤜꤢ꤭ꤋꤢꤧ꤭, ꤡꤝꤢꤠꤢꤪ꤬ ꤋꤢꤩ꤭ꤠꤢꤪ꤬ꤊꤢꤧ꤭ ꤜꤢ꤭ꤋꤢꤧ꤭ ꤒꤢꤩ꤬ꤗꤢꤧꤕꤢꤨ꤭ ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ ꤡꤣꤧ ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤡꤣꤧꤙꤢꤒꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤣꤧ꤭ꤔꤣꤧ꤬ ꤢ꤬ ꤗꤢꤩ꤬ꤚꤢꤧ ꤡꤝ꤫ꤢ꤬ꤡ꤫ꤢꤧ꤬ ꤜꤢꤨ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯”


ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤟꤢꤩ ꤞꤤ꤭, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤗꤢꤧ ꤖꤚꤢꤩ꤬ꤗꤢꤪ꤬ ꤚꤣꤧ꤬ ꤢ꤬ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤢꤔꤣꤧ꤬, ꤢ꤬ ꤡꤝꤢꤞꤢꤦꤟꤣꤧ ꤔꤢꤧ ꤖꤚꤢꤩ꤬ꤗꤢꤪ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤘꤣ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤟꤣꤧ꤯


ꤢ꤬ ꤊ꤫ꤢꤦ꤬ ꤟꤢꤧ꤭ ꤗꤢꤩ꤬ꤞꤣꤧ꤭ꤊꤢꤧ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤕꤜꤝꤢ꤭ꤋꤢꤧ꤭ꤢꤩ꤬ ꤒꤣꤧ꤬ꤕꤜꤢꤩ꤬ꤜꤢ꤭ꤒꤢꤩ꤬ ꤎꤢ꤬ꤕꤛꤤꤖꤢꤩ꤬ ꤣꤧ꤭ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤕꤢ꤭꤯” ꤙꤣꤧ ꤊꤣꤧ꤬ꤛꤢꤧ꤭ ꤢꤩꤖꤚꤢꤩ꤬ ꤔ꤫ꤤ꤬ꤟꤥ꤭ ꤒꤢꤩ꤬ꤟꤢꤩꤙꤢꤩ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤕꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤢ꤬ ꤟꤢꤨꤔꤣꤧ꤬ ꤒꤥ꤬!”


ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤔꤢꤧ ꤛꤢꤩ꤬ꤞꤤ꤭ ꤗꤢꤩ꤬ꤞꤢꤦ ꤢꤩꤔꤢꤧ꤬ꤡꤣꤧ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ꤕ꤫ꤢꤩ꤬ ꤟꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤗꤢꤩ꤬ꤒꤢꤩ꤬ꤞꤢꤦ ꤢꤩꤓꤢꤧ꤬ ꤔꤢꤧ ꤢꤩꤓꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤣꤧ꤭ ꤢ꤬ ꤜꤢꤦ ꤥ꤬ꤢꤩꤓꤢꤧ꤬ ꤔꤢꤧ ꤥ꤬ꤢꤩꤓꤢꤧ꤬ꤓꤢꤧ꤬ ꤡꤣꤧ꤯


ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤣꤧ꤬ ꤢ꤬ ꤗꤢꤩ꤬ꤡꤢꤪꤗꤢꤩ꤬ꤒꤢꤩ꤬ ꤡ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤊꤜꤢꤧ ꤢ꤬ꤞꤢꤩ꤭ ꤒꤣ꤬ꤙꤥ꤭ ꤘꤣ ꤢ꤬ꤚꤢꤧꤜꤣ ꤕꤢ꤬ ꤡꤣꤧ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤢ꤬ ꤥ꤬ ꤟꤣꤧ꤯ ꤚꤣꤧ꤬ ꤕꤢꤩ꤬ ꤟꤢꤧ꤭ꤔꤥ꤭ꤖꤢꤦ꤬ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤔꤢꤧ ꤊꤜꤢꤧ ꤢ꤬ꤞꤢꤩ꤭ ꤣꤧ꤭ꤒꤣ꤬ꤙꤥ꤭ ꤗꤢ꤬ ꤢ꤬ꤔ꤫ꤤ꤬ ꤟꤣꤧ꤯


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ