ꤚꤥꤗꤢꤩ꤬ 7:4 - Eastern Kayah Shadaw Dialect

⁴ ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤙꤣꤧ ꤋꤚꤤ ꤞꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤞꤢꤧꤟꤣꤧ ꤔꤢꤧ ꤞꤤ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ꤟꤣꤧ ꤔꤢꤧ ꤜꤢꤨ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤥ꤬ꤕꤢ꤬ ꤘꤣ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ ꤒꤢꤩ꤬ꤕꤣꤒꤢꤩ꤬ꤞꤢꤨ꤭ ꤢ꤬ꤜꤢꤩ꤭ ꤒꤥ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤓꤝꤢ꤭ꤓꤢꤧ꤬ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯ ꤘꤣ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤟꤣꤧ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤧ꤬ꤖꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤢ꤬ꤚꤢꤧ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤓꤝꤢ꤭ꤙꤝꤤ ꤓꤝꤢ꤭ꤒꤣꤧ꤬ꤚꤣꤧ꤭ ꤕ꤫ꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭꤯

ลีเทส่อพ๊าอาเซ เร๊อ เห่ขุทวาลู๊

⁴ ฮู๊เนอเรอ, แว โป่แหว่ ซี๋, เบ๊อะครี๊ เซอ เด๊อ อี๊ถื่อดีเต่ลู เบ๊อะเนอ, อา แซ่เฮ๊อ เร๊อ ซี เซอ เต่อเกอเฮ๊อ เร๊อ ลู เฮ๊อ อาขว่าอาคยา, ซี โอ่ปา เด๊อ เตซว๊าเตแส่ อา เตเป๊อเตเบ่ อาเล โต่ เฮ๊อ. กู๊แหน่เออ ซี ทวาแถ่เฮ๊อ เต๊อเจ๋อโต เร๊อ อา เด๊อ จอแปแหร่ เมเซอเพร กาคยา ลู เด๊อ เตเซอ เออเนอ เตเพร เฮ๊อ. เด๊อ เตเมทวาแถ่ เฮ๊อ ฮู๊เออ อาขว่าอาคยา, ซี เก่ เส่เถ่โพเถ่ แลแค เต เด๊อ อาแร๊ เต๊เห่ เร๊อ อา ทวาบุ๊ย ทวาเตอเรอ เป่ เด๊อ จอแปแหร่ อาเง.

ꤚꤥꤗꤢꤩ꤬ 7:4 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 2:24

ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤡ꤫ꤢꤩ꤬ꤡꤢꤦ꤭ꤕꤢ꤬ ꤒ꤫ꤢꤧ꤬ ꤔꤢꤧ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ꤙꤢꤩ ꤊꤣꤧ꤭ ꤘꤣ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤕꤢ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤙꤣꤧ ꤢꤨ꤭ ꤗꤢꤦ꤭ꤞꤣꤧ꤭ꤓꤢꤧ꤬ ꤋꤚꤤ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤖꤛꤢꤓꤢꤧ꤬ꤊꤢꤧ꤭ꤟꤣꤧ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤢ꤬ꤔ꤫ꤢꤩ꤬ꤜꤥ꤬ ꤟꤣꤧ꤯ ꤘꤣ ꤢ꤬ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ꤊꤢꤧ꤭ ꤜꤢꤪ꤭ꤟꤣꤧ ꤞꤤ꤭ ꤟꤣꤧ꤯

ꤚꤥꤗꤢꤩ꤬ 8:2

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤕꤢꤩ꤬ ꤓꤝꤢ꤭ꤓꤢꤧ꤬ ꤟꤣꤧ ꤜꤢꤨ꤭ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ ꤕ꤫ꤢꤩ꤬ꤟꤣꤧ ꤕꤢꤩ꤬ꤊꤜꤢꤧ ꤘꤣ ꤢ꤬ꤞꤢꤩ꤭ ꤒꤣ꤬ꤙꤥ꤭ ꤟꤣꤧ꤯ ꤓꤥ꤭ꤚꤣꤧ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤠꤢꤧ꤭ ꤔꤢꤧ ꤒꤢꤩ꤬ꤞꤢꤦ ꤢ꤬ꤜ꤫ꤢꤩ꤬ꤊꤜꤥ꤭ ꤗꤢꤩ꤬ꤕꤣꤧ꤬ꤔ꤫ꤥ꤬ ꤘꤣ ꤢ꤬ ꤞꤢꤨ꤭ꤡꤝꤢꤟꤣꤧ ꤠꤢꤧ꤭ ꤘꤣ ꤒꤢꤩ꤬ꤥ꤬ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ꤟꤣꤧ꤯

เอเฟซัส 2:15

ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤊꤜꤢꤩ꤭ꤔꤣꤧ꤬ꤗꤢ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤖꤢꤨꤖꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤢꤩꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤋꤚꤤ ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ ꤒꤣꤧ꤬ꤘꤢꤦ꤬ ꤓꤥ꤭ꤊꤢꤧ꤭ ꤕꤜꤢꤦꤜꤢꤪ꤭ꤟꤣꤧ ꤛꤢꤩ꤬ꤞꤤ꤭ ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ, ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤣꤧ꤭ꤔꤣꤧ꤭ꤗꤢꤨ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ꤘꤢꤦ꤬ ꤊꤣꤧ꤬ꤛꤢꤧ꤭ ꤢ꤬ꤞꤢꤩ꤭ ꤒꤣ꤬ꤗꤢꤨ꤬ꤡꤢꤦ꤭ ꤘꤣ ꤋꤚꤤ ꤢ꤬ꤊꤢꤨ꤭ ꤚꤣꤧ꤬, ꤢ꤬ ꤗꤢꤩ꤬ ꤒꤣꤧ꤬ꤕꤜꤢꤩ꤬ ꤚꤣꤧꤘꤢꤦ꤬ ꤔꤢꤧ ꤢ꤬ꤔ꤫ꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤗꤢꤩ꤬ꤖꤚꤢꤩ꤭ꤗꤢꤩ꤬ꤘꤢꤦ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤟꤣꤧ꤯

ꤚꤥꤗꤢꤩ꤬ 7:6

ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩ ꤟꤣꤧ ꤕ꤫ꤢꤩ꤬ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤜꤢ꤭ ꤞꤣꤧ꤭ ꤒ꤫ꤣ꤬ꤟꤣꤧꤔꤢꤧ ꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ ꤡꤢꤪ꤭ꤊꤜꤢꤪ꤬ꤗꤢ꤬ ꤞꤢꤧꤊꤣꤧ꤭ ꤕꤢꤩ꤬ ꤟꤢꤨ ꤘꤣ ꤔꤣꤧ꤬ꤋꤢꤩ꤭ꤔꤣꤧ꤬ ꤢ꤬ ꤔ꤫ꤤ꤬ꤕꤢ꤬ꤒꤥ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤕ꤫ꤢꤩ꤬ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ꤡꤝ꤫ꤢ꤬ꤟꤣꤧ ꤕ꤫ꤢꤩ꤬ ꤔꤢꤧ ꤊꤜꤢꤧ ꤢ꤬ꤞꤢꤩ꤭ ꤣꤧ꤭ꤒꤣ꤬ꤙꤥ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤗꤢꤩ꤬ꤟꤣꤧ ꤢ꤬ꤒꤢꤩ꤬ꤗꤢꤩ꤬ ꤣꤧ꤭ꤟꤣꤧ꤯ ꤕꤢꤩ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤔꤢꤧ ꤘꤣ ꤕꤢꤩ꤬ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤊꤜꤢꤧ ꤜꤣꤧ꤬ ꤣꤧ꤭ꤒꤣ꤬ꤙꤥ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤣꤧ꤬ ꤗ꤫ꤢ꤬ ꤕꤢ꤬ꤒꤥ꤬ꤟꤣꤧ꤯

ꤊꤢ꤬ꤜꤢ꤬ꤒꤤ 5:18

ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊꤢꤩ꤬ ꤞꤢꤨ꤭ ꤞꤤ꤭ ꤟꤢꤩꤚꤣꤧ꤬, ꤞꤤ꤭ ꤥ꤬ ꤕꤢ꤬ ꤘꤣ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤜꤢꤩ꤭ ꤒꤥ꤬ ꤟꤣꤧ꤯

โคโลสี 1:22

ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭, ꤋꤚꤤ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤟꤢꤧ꤭ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤚꤢꤩ꤭ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤟꤣꤧ ꤞꤤ꤭ ꤔꤢꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤚꤣꤧꤘꤢꤦ꤬ ꤡꤣꤧ ꤟꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ꤖꤥꤢ꤬ꤏꤣꤧ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤜꤝꤢ ꤔꤢꤧ ꤒꤢꤩ꤬ꤞꤢꤦ, ꤓꤥ꤭ꤒꤥ꤬ ꤢꤨ꤭ ꤊ꤫ꤢꤦ꤬ ꤘꤢꤧ꤬ꤡ꤫ꤢꤧ꤬ ꤕꤢ꤭ ꤒ꤫ꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤚꤢꤩ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧꤟꤣꤧ ꤞꤤ꤭ ꤟꤢꤨꤔꤣꤧ꤬ ꤟꤣꤧ꤯

ꤚꤥꤗꤢꤩ꤬ 6:22

ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤏꤤ꤬ꤜꤥ ꤕꤜꤝꤢ꤭ꤓꤢꤩ꤬ꤡꤝꤢꤊꤢꤧ꤭ ꤟꤣꤧ ꤞꤤ꤭ ꤔꤢꤧ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ꤡ꤫ꤢꤦ꤬ ꤟꤣꤧ꤯ ꤚꤣꤧ꤬ ꤞꤤ꤭ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤡ꤫ꤢꤦ꤬ ꤘꤣ ꤢ꤬ꤞꤢꤩ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤤ꤭ ꤓꤝꤢ꤭ꤟꤣꤧ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤꤑꤢꤩ꤭ ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤞꤢꤨ꤭ꤡꤝꤢ ꤞꤤ꤭ ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤢ꤬ ꤊꤜꤢꤧꤘꤢꤩ꤭ꤊꤢꤨ꤭ ꤣꤧ꤭ꤔꤣꤧ꤬ ꤟꤣꤧ꤯ ꤚꤣꤧ꤬ ꤘꤣ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ꤋꤚꤝꤢ꤭ ꤜꤢꤨ꤭ ꤋꤛꤢ꤭ ꤔꤢꤧ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔ꤫ꤤ꤬ꤙꤝꤤ ꤟꤣꤧ ꤘꤣ ꤞꤤꤑꤢꤩ꤭ ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 3:13

ꤜꤢꤪ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤜꤢꤦ꤬ꤋꤚꤝꤢ꤭ ꤗꤢꤩ꤬ꤙꤢꤩ ꤒꤣ꤬ꤖꤚꤢꤩ꤬꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤢꤪ꤭ ꤢꤨ꤭ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤕꤢ꤭, ꤒꤣꤧ꤬ꤘꤢꤦꤚꤣꤧ꤬ ꤋꤚꤤ ꤤ꤬ꤓꤢ꤬ꤊꤢ꤬ ꤟꤣꤧ ꤕꤢꤩ꤬ ꤟꤣꤧ꤯ ꤘꤣ ꤢ꤬ ꤋꤢꤧꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤘꤣꤧꤡꤢ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤟꤢꤧ꤭ꤔꤥ꤭ ꤋꤢꤧ ꤕ꤫ꤢꤩ꤬ꤟꤣꤧ ꤕꤢꤩ꤬ ꤒꤢꤩ꤬ꤘꤣꤧꤡꤢ꤭ ꤘꤣ ꤢ꤬ ꤊ꤫ꤢꤦ꤬ ꤟꤢꤧ꤭ꤙꤢꤩ꤬ ꤕꤢꤩ꤬ ꤕꤢ꤭ ꤣꤧ꤭ꤔꤣꤧ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤟꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢꤨ꤭ ꤗꤢꤦ꤭ꤞꤣꤧ꤭ꤓꤢꤧ꤬ ꤢ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬ ꤔꤣꤧ꤬, ꤒꤢꤩ꤬ꤘꤣꤧꤡꤢ꤭ ꤙꤢꤩ꤬ꤟꤣꤧ ꤢ꤬ ꤟꤣꤧ,” ꤢ꤬ ꤟꤢꤩ ꤟꤢꤨꤔꤣꤧ꤬꤯

ꤚꤥꤗꤢꤩ꤬ 6:14

ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤜꤢꤩ꤭ ꤗ꤫ꤢ꤬ ꤕꤢ꤬ꤒꤥ꤬ꤟꤣꤧ, ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤜꤢꤩ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬ ꤢ꤬ ꤓꤝꤢ꤭ ꤕꤢ꤬ ꤞꤤ꤭ꤙꤢꤧ꤬ꤡꤢꤩ꤬ ꤗ꤫ꤢ꤬ꤕꤢ꤬ꤒꤥ꤬ꤟꤣꤧ꤯

โคโลสี 2:14

ꤢ꤬ ꤓꤢꤦꤕꤜꤤ꤭ꤊꤢꤧ꤭ ꤜꤢꤪ꤭ ꤟꤣꤧ ꤒꤢꤩ꤬ꤚꤢ꤭ꤗꤢꤚꤢ꤭ꤒꤢꤩ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤘꤣꤧꤡꤢ꤭ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤙꤣꤧ ꤢꤨ꤭ ꤗꤢꤦ꤭ꤞꤣꤧ꤭ꤓꤢꤧ꤬ ꤋꤚꤤ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤓꤢꤪꤛꤢ꤭ꤓꤢꤪꤗꤢꤦ꤬ꤊꤢꤧ꤭ ꤓꤥ꤭ ꤜꤢꤪ꤭ꤟꤣꤧ ꤒꤢꤩ꤬ꤚꤢ꤭ꤗꤢꤚꤢ꤭ꤒꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

โคโลสี 1:10

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤊ꤫ꤢꤦ꤬ꤊꤢꤪ꤬ ꤔꤢꤧ ꤙꤢꤧ꤬ꤡꤢꤩ꤬ ꤓꤥ꤭ꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤗꤥ꤬ ꤜꤢꤨ꤭ ꤞꤤꤕꤜꤢꤪ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤔꤣꤧ꤬꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤒꤢꤩ꤬ꤚꤢꤧ ꤕꤝꤢ꤭꤮ ꤒꤣ꤬ꤡꤣ꤬, ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤧ꤬ꤚꤢꤧ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ꤘꤢꤦ꤬ ꤘꤣ ꤒꤢꤩ꤬ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤕ꤫ꤥ꤬ ꤘꤣ ꤞꤤ꤭ꤑꤢꤩ꤭꤯

ฟีลิปปี 1:11

ꤓꤥ꤭ꤒꤥ꤬ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤘꤣ ꤞꤤ꤭ꤑꤢꤩ꤭ ꤔꤢꤧ, ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤋꤝꤢ꤬ꤋꤛꤢ꤭ꤚꤣꤧ꤬, ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤩ꤬ ꤘꤤ꤭ꤒ꤫ꤢꤦ꤬ ꤊꤣꤧ꤭ ꤜꤢ꤭ꤋꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤞꤢꤩ꤬ ꤒꤣꤧ꤬ꤟꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤢꤨ꤭ ꤗꤢꤧꤓ꤫ꤣꤧ꤬ ꤞꤤ꤭ ꤞꤢꤩ꤬ꤓꤢꤩ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤞꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬, ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ꤚꤣꤧ ꤜꤢꤨ꤭ ꤕꤢ꤭꤯

เตเด๊อะโลแถ่ 19:7

ꤕꤢꤩ꤬ ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ꤓꤢꤧ꤬ ꤚ꤫ꤥ꤬ꤜꤢꤨ꤭ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤕꤥ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤊ꤫ꤢꤦ꤬ ꤒꤥ꤭ꤙꤢꤩ꤬ ꤊꤢ꤬ꤏꤥ꤭ꤘꤢꤧ꤬ ꤏꤣꤧꤋꤢꤩ꤭ ꤒ꤫ꤥ꤬ꤟꤣꤧ꤯ ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕ꤫ꤢꤩ꤬ ꤟꤣꤧ ꤜꤢꤨ꤭ ꤟꤣꤧ꤯

ꤚꤥꤗꤢꤩ꤬ 6:2

ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤕꤢꤩ꤬ ꤗꤢ꤬ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤚꤣꤧ꤬ ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤡ꤫ꤢꤧ꤬ꤕꤢ꤬ ꤒꤢꤩ꤬ꤞꤢꤦ ꤒꤥ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤡꤝꤢ ꤥ꤬ꤞꤣꤧ꤭ꤖꤚꤢꤩ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤡ꤫ꤢꤧ꤬ꤕꤢ꤬ ꤒꤢꤩ꤬ꤞꤢꤦ ꤟꤢꤨꤒꤢꤩ꤭?

โคโลสี 2:20

ꤞꤤ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤟꤣꤧ ꤚꤣꤧ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤞꤤ꤭ ꤔꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤢ꤬ ꤕꤣꤚꤣꤧ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤟꤣꤧ꤯ ꤞꤤ꤭ ꤡꤝꤢ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ ꤜꤢ꤭ꤋꤢꤧ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤢꤧꤕꤢ꤬ ꤔꤢꤧ ꤟꤢꤩ꤬ꤋꤢꤨ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤟꤢꤨꤒꤢꤩ꤭? ꤚꤣꤧ꤬ ꤞꤤ꤭ ꤡꤝꤢ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤕꤢ꤬ ꤒꤢꤩ꤬ꤘꤥ꤬ ꤒꤣꤧ꤬ꤟꤢꤩ꤬ ꤗꤢꤩ꤬ꤒꤢꤩ꤭?

โคโลสี 1:6

ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤒꤢꤩ꤬ꤏꤢꤪ꤭ꤚꤤ꤬ ꤚꤣꤧ꤬ ꤢ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤜꤢꤪ꤭ꤟꤣꤧ ꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤟꤣꤧ꤯ ꤢ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤚꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤒꤢꤩ꤬ꤏꤢꤪ꤭ꤚꤤ꤬ ꤞꤢꤧꤔꤢꤧ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤕ꤫ꤢꤩ꤬ꤟꤣꤧ ꤞꤤ꤭ ꤙꤣꤧ ꤞꤤ꤭ ꤔ꤫ꤤ꤬ꤟꤥ꤭ ꤚꤣꤧ꤬ ꤞꤤ꤭ ꤞꤤꤑꤢꤩ꤭ꤕꤜꤥ꤭ꤟꤢꤧ꤭ ꤟꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤗ꤫ꤢ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤟꤣꤧ꤯

ฟีลิปปี 4:17

ꤠꤢꤧ꤭ ꤗꤢꤧꤕꤢꤨ꤭ ꤘꤣ ꤢꤨ꤭ ꤊ꤫ꤢꤦ꤬ ꤘꤣꤧꤋꤚꤢ꤭ ꤠꤢꤧ꤭ ꤏꤢ꤭ꤛ꤫ꤢꤨ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤔꤣꤧ꤬ꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤣꤒꤣꤧ꤬ꤕꤜꤢꤩ꤬꤮ ꤘꤣ ꤞꤤ꤭ ꤊ꤫ꤢꤦ꤬ ꤗꤢꤩ꤬ ꤢꤩꤓꤢꤧ꤬ꤕ꤫ꤥ꤬ ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤟꤢꤨ ꤞꤤ꤭ ꤗꤢꤩ꤬ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧꤒꤣꤧ꤬ꤕꤜꤢꤩ꤬꤮꤯

ꤛꤥ꤭ꤟꤢ꤬ 3:29

ꤠꤢꤧ꤭ ꤗꤢ꤬ ꤢ꤬ꤞꤢꤧꤔꤢꤧ ꤖꤚꤢꤩ꤬ꤋꤚꤝꤢ꤭ꤋꤚꤝꤥ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬꤯ ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤗꤢ꤬ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤢ꤬ꤒꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤋꤚꤝꤢ꤭ꤋꤚꤝꤥ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤊꤣꤧ꤬ꤓꤢꤪ꤬ ꤔ꤫ꤤ꤬ꤘꤢ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤟꤢꤩꤙꤢꤩ꤬꤯ ꤢ꤬ ꤔ꤫ꤤ꤬ꤟꤥ꤭ ꤜꤢꤨ꤭ꤍ꤫ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ꤯ ꤟꤢꤨꤔꤣꤧ꤬ꤟꤣꤧ ꤠꤢꤧ꤭ ꤒꤢꤩ꤬ꤞꤤꤋꤚꤢꤦ꤭ ꤣꤧ꤭ꤔꤣꤧ꤬ ꤢ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤟꤣꤧ꤯

มัทธิว 26:26

ꤙꤣꤧ ꤛꤢꤩ꤬ꤞꤤ꤭ ꤢꤩ꤬ꤏꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤖꤛꤢ ꤋꤢꤪꤗꤢꤨ꤭ ꤚꤣꤧ꤬ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬, ꤓꤥ꤭ꤚꤣꤧ꤬ ꤢ꤬ ꤙꤤ꤬ꤊꤛꤢ꤭ ꤚꤣꤧ꤬ ꤢ꤬ ꤘꤣꤧꤒꤢ꤭ ꤘꤣ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭, ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤖꤛꤢꤢꤩ꤬ꤗꤣꤧ꤭ ꤜꤢ꤭ꤋꤢꤧ꤭, ꤣꤧ꤭ꤗꤢ꤬ ꤠꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤟꤣꤧ꤯”

เตเด๊อะโลแถ่ 21:9

ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤞꤥ꤭ꤞꤝꤢꤒꤣ꤬ꤙꤢꤩ꤬ ꤘꤣ ꤢ꤬ ꤙꤢ꤭ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣꤋꤛꤢ꤭ꤜꤣ ꤞꤥ꤭ꤞꤝꤢꤒꤣ꤬ꤡꤣ꤬ ꤣꤧ꤭ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤘꤣ ꤠꤢꤧ꤭ ꤥ꤬ ꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤟꤢꤧ꤭ꤗꤣꤧ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤤ꤬ꤛꤢꤨ꤭ꤜꤥ꤭ ꤔꤢꤧ꤬ ꤔꤢꤧ ꤞꤤꤗꤤ꤬ꤖꤢꤨ ꤢ꤬ꤗꤢꤩ꤭ ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬꤯”

ꤟꤤꤙꤚꤢꤨ 10:10

ꤛꤢꤩ꤬ꤏꤛꤢꤨꤋꤚꤤ ꤜꤢ꤭ ꤗꤢꤩ꤬ ꤕ꤫ꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤥ꤬ꤔꤣꤧ꤬, ꤓꤥ꤭ꤒꤥ꤬ ꤘꤣ ꤢ꤬ ꤜꤢꤨ꤭ꤓꤢꤧ꤬ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤒꤣ꤬ꤖꤥꤖꤢꤧ ꤚꤣꤧ꤬ ꤢ꤬ ꤓꤥ꤭ꤕꤜꤢꤦ ꤜꤢ꤭ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤟꤣꤧ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊꤣꤧ꤬ꤛꤢꤧ꤭ ꤟꤣꤧ꤯

โครินธ์ เนอบ่า ต๊าบ่า 11:2

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤔꤢꤧ꤬ꤡꤣꤧ ꤘꤣ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤪ꤬ꤡꤢꤪ ꤒꤣꤧ꤬ꤘꤢꤦ꤬ ꤔꤢꤧ ꤋꤚꤤ꤯ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤢꤧꤡꤣꤧꤔꤢꤧ ꤖꤚꤢꤩ꤬ꤗꤢꤪ꤬ꤖꤢꤨꤞꤢꤩ꤬ ꤘꤣ ꤢ꤬ꤞꤤꤕꤜꤢꤪ꤬ ꤕꤜꤤ꤭ꤖꤥ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ ꤢꤪꤜꤢꤧ꤬ ꤓꤥ꤭ꤟꤣꤧ ꤠꤢꤧ꤭ꤍ꤫ꤥ꤬ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤘꤝꤢ ꤕ꤫ꤢꤩ꤬ ꤔꤢꤧ ꤖꤚꤢꤩ꤬ꤋꤢꤨ꤭ ꤕꤢ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗ꤫ꤢ꤬ꤟꤣꤧ ꤒꤢꤦ ꤋꤚꤤ ꤣꤧ꤭ ꤕꤢ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 10:16

ꤙꤣꤧ ꤕꤢꤩ꤬ ꤢꤩ꤬ꤥ꤭ ꤚ꤫ꤥ꤬ꤜꤢꤨ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤒꤢꤩ꤬ꤢꤩ꤬ꤥ꤭ ꤗ꤫ꤢꤪ꤬ꤟꤢꤩ ꤢ꤬ꤋꤢꤩ꤭ ꤚꤣꤧ꤬ ꤕꤢꤩ꤬ ꤊꤝꤤ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤏꤢꤪ꤭ꤚꤤ꤬ꤏꤢꤪ꤭ꤙꤢꤨ꤭ ꤎꤢ꤬ꤕꤛꤤꤓꤣꤧ꤭ꤙꤢꤩ꤭ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤜꤥ꤭ ꤟꤣꤧ ꤔꤢꤧ ꤘꤣ ꤋꤚꤤ ꤢ꤬ꤞꤝꤤ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤓꤝꤢ꤭ꤓꤢꤧ꤬ ꤒꤣ꤬ꤡꤣ꤬ꤡꤢꤦ꤭ ꤖꤢꤧ ꤜꤢꤨ꤭ ꤔꤢꤧ ꤢ꤬ ꤟꤣꤧ ꤗ꤫ꤢ꤬ꤒꤥ꤬ ꤟꤢꤧ꤭? ꤟꤢꤨꤔꤣꤧ꤬ꤟꤣꤧ ꤙꤣꤧ ꤕꤢꤩ꤬ ꤙꤤ꤬ꤊꤛꤢ꤭ ꤋꤢꤪꤗꤢꤨ꤭ ꤚꤣꤧ꤬ ꤕꤢꤩ꤬ ꤢꤩ꤬ ꤢ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤜꤥ꤭ ꤟꤣꤧ ꤔꤢꤧ ꤕꤢꤩ꤬ ꤓꤝꤢ꤭ꤓꤢꤧ꤬ ꤒꤣ꤬ꤡꤣ꤬ꤡꤣ꤬꤮ ꤟ꤫ꤢꤨ꤬ ꤖꤢꤧ ꤜꤢꤨ꤭ ꤔꤢꤧ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤟꤣꤧ, ꤗ꤫ꤢ꤬ꤒꤥ꤬ ꤟꤢꤧ꤭?

ꤛꤥ꤭ꤟꤢ꤬ 15:8

ꤘꤣ ꤞꤤ꤭ ꤞꤢꤩ꤬ꤓꤢꤧ꤬ꤖꤥ꤭ꤓꤢꤧ꤬ ꤢꤩ ꤞꤢꤪ꤬ꤞꤢꤩ꤬ ꤘꤣ ꤢ꤬ ꤗ꤫ꤢ꤬ꤟꤣꤧ ꤗꤢꤩ꤬ꤒꤢꤩ꤬ꤚꤢꤧ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ꤓꤢꤧ꤬ ꤠꤢꤧ꤭ꤖꤢꤩ꤭ ꤕꤢ꤭꤯ ꤘꤣ ꤞꤤ꤭ ꤞꤢꤩ꤬ꤓꤢꤧ꤬ꤢꤩ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤤ꤭ ꤘꤣꤧꤜꤥ꤭ꤟꤣꤧ ꤔꤢꤧ ꤞꤤ꤭ ꤓꤝꤢ꤭ ꤠꤢꤧ꤭ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 6:51

ꤠꤢꤧ꤭ ꤗꤢ꤬ ꤏꤢꤩ꤬ꤢꤩ꤬ ꤘꤣ ꤢ꤬ ꤘꤣꤧꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤜꤢꤧ꤬꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤢꤩ꤬ ꤏꤢꤩ꤬ꤢꤩ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯ ꤏꤢꤩ꤬ꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤠꤢꤧ꤭ꤛꤢ꤬ ꤣꤧ꤭ꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ ꤘꤣ ꤛꤢꤩ꤬ꤞꤤ꤭ꤑꤢꤩ꤭ ꤟꤣꤧ꤯”

ꤗꤢ꤬ꤊꤢꤨ 4:20

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ꤞꤢꤧꤔꤢꤧ ꤒꤢꤩ꤬ꤊꤜꤝꤤ꤭ ꤜꤣꤧ꤬ꤒꤢ꤭ꤒꤥ꤭ ꤘꤣ ꤟꤢꤩ꤬ꤛꤢ꤬ꤚꤤ꤬ꤛꤢ꤬ꤚꤢꤧꤋꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ꤟꤣꤧ꤯ ꤛꤢꤩ꤬ꤞꤤ꤭ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤚꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤚꤣꤧ꤬ ꤢ꤬ꤞꤢꤩ꤬ꤓꤢꤩ꤬ꤙꤢꤩ ꤢꤩ ꤜꤣ ꤡꤣꤧ ꤢ꤬ꤖꤥ ꤞꤥ꤭ꤏꤣꤧ꤭ ꤒꤣꤧ꤬ꤟꤢꤩ꤬ ꤢ꤬ꤖꤥ ꤏꤣꤧ꤭ꤞꤥ꤭ꤞꤝꤢ ꤒꤣꤧ꤬ꤟꤢꤩ꤬, ꤢ꤬ꤖꤥ ꤒꤣ꤬ꤛꤢꤩ꤬ ꤒꤣꤧ꤬ꤟꤢꤩ꤬ ꤟꤢꤨꤔꤣꤧ꤬ ꤡꤣꤧ꤯”

ꤚꤥꤗꤢꤩ꤬ 6:11

ꤞꤢꤧꤔꤢꤧꤔꤣꤧ꤬ꤟꤣꤧ, ꤞꤤ꤭ ꤒꤥ꤭ꤙꤢꤩ꤬ ꤟꤢꤩꤜꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤞꤤꤔ꤫ꤢꤩ꤬ ꤔꤢꤧ, ꤒꤢꤩ꤬ꤞꤢꤦ ꤢ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤙꤢꤩ꤬ꤘꤢꤧ꤬ꤊꤢꤧ꤭ ꤢ꤬ ꤟꤢꤨ ꤊꤣꤧ꤬ꤛꤢꤧ꤭ꤞꤣꤧ꤭ ꤘꤣ ꤢ꤬ ꤗꤢꤩ꤬ꤡ꤫ꤢꤧ꤬ꤕꤢ꤬ ꤒꤢꤩ꤬ꤞꤢꤦ ꤒꤥ꤬ ꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤗꤢ꤬ ꤞꤤ꤭ ꤓꤝꤢ꤭ꤓꤢꤧ꤬ꤟꤣꤧ ꤜꤢꤨ꤭ ꤒꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤤ꤭ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤗꤢꤩ꤬ꤜꤤ꤭ ꤗꤢꤩ꤬ꤒꤣꤧ꤬ꤋꤢꤩ꤭ꤓꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬꤯

ꤚꤥꤗꤢꤩ꤬ 7:3

ꤟꤢꤨꤔꤣꤧ꤬ꤚꤣꤧ꤬, ꤙꤣꤧ ꤢ꤬ꤠꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊꤢꤩ꤬ ꤡꤝꤢ ꤋꤥ꤭ꤗꤢꤩ꤭ꤋꤥ ꤔꤢꤧ ꤖꤚꤢꤩ꤬ꤋꤢꤨ꤭ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ ꤟꤢꤩꤚꤣꤧ꤬ ꤢꤨ꤭ ꤊ꤫ꤢꤦ꤬ ꤟꤢꤩ ꤜꤢꤨ꤭ ꤔꤢꤧ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤡꤝꤢꤞꤢꤦ ꤖꤚꤢꤩ꤬ꤋꤢꤨ꤭꤯ ꤗꤢ꤬ꤔꤢꤧꤚꤣꤧ꤬, ꤊꤢꤩ꤬ ꤢ꤬ꤠꤢꤩ꤬ ꤞꤣꤧ꤭ꤓꤥ꤭ꤟꤣꤧ ꤚꤣꤧ꤬ ꤢ꤬ ꤜꤣꤧ꤬ꤕꤜꤢꤩꤊꤢꤧ꤭ ꤟꤣꤧ ꤔꤢꤧ ꤒꤢꤩ꤬ꤋꤥ꤭ꤗꤢꤩ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤣꤧ꤯ ꤢ꤬ ꤊꤢꤩ꤬ ꤡꤝꤢꤖꤛꤢ ꤒꤣꤧ꤬ꤕꤜꤢꤩ꤬ ꤡꤣꤧ ꤢ꤬ꤠꤢꤩ꤬ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤢꤨ꤭ ꤟꤢꤩ ꤕꤢ꤬ ꤜꤢꤨ꤭ ꤟꤢꤨꤔꤣꤧ꤬ꤒꤥ꤬ ꤟꤣꤧ꤯