ꤚꤥꤗꤢꤩ꤬ 5:6 - Eastern Kayah Shadaw Dialect

⁶ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤕꤢꤩ꤬ ꤗꤢꤩ꤬ꤡꤝ꤫ꤢ꤬ ꤜꤢꤧ꤬ꤙꤢꤩ ꤡ꤫ꤢꤧ꤬ ꤚꤣꤧꤘꤢꤦ꤬ ꤕꤢ꤬ ꤕꤢꤩ꤬ꤔ꤫ꤢꤩ꤬ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ꤋꤢꤧꤞꤣꤧ꤭ ꤒꤥ꤭ꤏꤣꤧꤒꤥ꤭ꤋꤢꤩ꤭ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯

ลีเทส่อพ๊าอาเซ เร๊อ เห่ขุทวาลู๊

⁶ เมเตเฮ๊เรอ, เบ๊อะเป เมจว่า แลเบ๊ แจ่ เกอเร๊อ ปา เปเหน่ โต่ เบ๊อะเนอ, เหย่ซู่ครี๊ แฮข่าเซอ ม๊อเนอม๊อเซ โตเป่ แกแยจา แกแยจือ เต๊เห่ อาเง.

ꤚꤥꤗꤢꤩ꤬ 5:6 ပူးပေါင်းရင်းမြစ်များ

ꤚꤥꤗꤢꤩ꤬ 5:8

ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ ꤡꤣꤧ ꤕꤢꤩ꤬ ꤙꤢ꤮ ꤒꤢꤩ꤭ ꤟꤢꤩꤚꤣꤧ꤬, ꤙꤣꤧ ꤕꤢꤩ꤬ ꤓꤝꤢ꤭ꤕꤢ꤬ ꤡꤣꤧ ꤖꤚꤢꤩ꤬ꤗꤢꤩ꤬ꤒꤢꤩ꤬ꤞꤢꤦ ꤒꤢꤩ꤬ꤥ꤬ꤚꤢ꤬ꤖꤢꤨ ꤢ꤬ꤋꤢꤩ꤭ ꤕꤢ꤬ ꤡꤣꤧ ꤔꤣꤧ꤬ꤚꤣꤧ꤬, ꤋꤚꤤ ꤟꤢꤧ꤭ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭꤯ ꤣꤧ꤭ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ꤟꤣꤧ ꤕ꤫ꤢꤩ꤬ ꤔꤢꤧ ꤢ꤬ꤒꤢꤩ꤬ꤗꤥ꤬ ꤕꤢꤩ꤬ ꤟꤣꤧ꤯

โคโลสี 2:13

ꤙꤣꤧ ꤞꤤ꤭ ꤛ꤫ꤢꤦ꤬ꤢꤩ꤬ ꤒꤢꤧ꤬ꤜꤢ꤭ꤟꤤ ꤛꤢꤩ꤬ꤏꤛꤢꤨꤋꤚꤤ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤘꤣ ꤞꤤ꤭ ꤒꤢꤩ꤬ꤞꤢꤦ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤞꤤ꤭ ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤓꤥ꤭ꤒꤥ꤬ ꤞꤤ꤭ ꤜꤣꤧ꤬ꤕꤜꤢꤩꤓꤢꤩ꤬ꤙꤢꤩ ꤔꤢꤧ ꤞꤤ꤭ ꤜ꤫ꤢꤩ꤬ꤊꤜꤥ꤭ ꤗꤢꤩ꤬ꤒꤢꤩ꤬ꤞꤢꤦ ꤢ꤬ ꤖꤚꤥ꤬ꤖꤚꤢꤧ꤬ꤏꤝꤢ꤬ꤏꤢꤪ꤭ ꤣꤧ꤭ꤔꤣꤧ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤒ꤫ꤣ꤬ꤊꤣꤧ꤭ ꤟꤣꤧ ꤞꤤ꤭ ꤔꤢꤧ ꤋꤚꤤ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤕꤜꤝꤢ꤭ꤊꤢꤧ꤭ ꤜꤢꤪ꤭ꤟꤣꤧ ꤕꤢꤩ꤬ ꤒꤢꤩ꤬ꤞꤢꤦ ꤜꤢꤪ꤭꤮ ꤕꤜꤤ꤭ ꤟꤣꤧ꤯

ꤚꤥꤗꤢꤩ꤬ 5:10

ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤗꤢ꤬, ꤕꤢꤩ꤬ ꤓꤝꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬꤯ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ ꤋꤚꤥ꤭ꤊꤜꤢꤩ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤟꤣꤧ ꤕꤢꤩ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤓꤝꤢ꤭ꤟꤣꤧ ꤢ꤬ꤋꤥ꤭ ꤙꤢꤧꤞꤝꤢ ꤟꤣꤧ꤯ ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤡꤣꤧꤟꤣꤧ ꤔꤢꤧ ꤕꤢꤩ꤬ ꤜꤣꤧ꤬ꤕꤜꤢꤩꤙꤢꤩ ꤖꤢꤧ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤋꤛꤢ꤭ ꤖꤢꤧ꤯

ꤚꤥꤗꤢꤩ꤬ 4:25

ꤘꤣ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤗꤢꤦ꤭ꤞꤣꤧ꤭ ꤢꤨ꤭ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤕꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤟꤣꤧ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤟꤣꤧ꤯

ꤒꤤꤒꤢꤨ 2:12

ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ꤣꤧ꤭, ꤢ꤬ ꤤ꤬ꤞꤝꤢ ꤕꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤠꤤ꤭ꤊꤢꤧ꤭ ꤊꤜꤢꤧ ꤘꤣ ꤢ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤣꤧ꤬ꤟꤢꤩ꤬꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤤ꤬ꤞꤝꤢ ꤕꤢꤩ꤬ ꤔꤢꤧ ꤕꤢꤩ꤬ ꤒꤥ꤭ꤙꤢꤩ꤬ ꤋꤢꤪ꤭ ꤒꤥ꤭ꤙꤢꤩ꤬ ꤋꤢꤧꤙꤢꤩ ꤡ꤫ꤢꤧ꤬ ꤚꤣꤧꤘꤢꤦ꤬ ꤕꤢꤩ꤬ ꤞꤤꤕꤜꤢꤪ꤬ ꤚꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬, ꤓꤥ꤭ꤒꤥ꤬ ꤕꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤢ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤔꤣꤧ꤬꤯

ꤚꤥꤗꤢꤩ꤬ 4:5

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤚꤣꤧꤘꤢꤦ꤬ ꤊꤣꤧ꤭ ꤢ꤬ ꤒꤢꤩ꤬ꤗꤢꤩ꤬ꤚꤢꤧ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬, ꤚꤣꤧ꤬ ꤢ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ꤚꤣꤧ ꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤡꤢꤪꤗꤢꤩ꤬ꤒꤢꤩ꤬ ꤊꤢ꤬ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤣꤧ꤭ ꤒꤣ꤬ꤖꤚꤢꤩ꤬ ꤖꤢꤧ ꤊꤢꤩ꤬ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤧꤓ꤫ꤣꤧ꤬ ꤜꤢꤨ꤭ ꤒꤢꤩ꤬ꤛ꤫ꤢꤦ꤬ꤣꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢꤨ꤭ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧꤘꤢꤦ꤬ ꤕꤢ꤭꤯

ꤟꤤꤙꤚꤢꤨ 9:26

ꤊꤢꤩ꤬ ꤋꤚꤤ ꤜ꤫ꤥ꤬ꤔꤥ꤭ ꤒꤣꤧ꤬ꤗꤥ꤭ꤗꤥ꤭ ꤊꤣꤧ꤭ ꤟꤢꤨꤔꤣꤧ꤬ ꤊꤢꤩ꤬ꤟꤢꤩꤚꤣꤧ꤬, ꤢ꤬ ꤒꤥ꤭ꤙꤢꤩ꤬ ꤋꤢꤧꤞꤣꤧ꤭ ꤒꤣꤧ꤬ꤗꤥ꤭ꤗꤥ꤭ ꤊꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤓꤝꤢ꤭ꤓꤢꤧ꤬ꤜꤢꤨ ꤢ꤬ꤋꤢꤩ꤭ ꤕꤢ꤬ ꤡꤣꤧ ꤊꤢꤪ꤭ꤊꤢꤪ꤭꤯ ꤢ꤬ ꤜ꤫ꤥ꤬ ꤋꤢꤧꤞꤣꤧ꤭ ꤟꤢꤨꤔꤣꤧ꤬ꤒꤥ꤬꤯ ꤊꤢꤨꤔ꤫ꤢꤧ꤬ꤣꤧ꤭ ꤙꤣꤧ ꤟꤢꤩ꤬ꤋꤢꤨ꤬ ꤊ꤫ꤢꤦ꤬ꤚꤢꤩ꤭ ꤖꤢꤦ꤬ ꤒꤣꤧ꤬ꤘꤢꤦ꤬ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤧ꤭ ꤋꤢꤧꤞꤣꤧ꤭ ꤖꤢꤧ ꤒꤣ꤬ꤖꤥ ꤚꤣꤧ꤬ ꤢ꤬ ꤓꤥ꤭ꤕꤜꤢꤦ ꤜꤢ꤭ꤟꤣꤧ꤯ ꤘꤣ ꤢ꤬ ꤜꤢꤨ꤭ꤓꤢꤧ꤬ꤚꤣꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤔꤢꤧ ꤢ꤬ꤔ꤫ꤢꤩ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤖꤛꤢꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 4:4

ꤗꤢ꤬ꤔꤢꤧꤚꤣꤧ꤬ ꤙꤣꤧ ꤏꤣꤧꤋꤢꤩ꤭ꤒꤥ꤭ ꤏꤣꤧꤋꤢꤩ꤭ꤙꤢꤩ꤬ ꤟꤢꤧ꤭ꤒ꤫ꤥ꤬ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤘꤣ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤢ꤬ ꤥ꤬, ꤚꤣꤧ꤬ ꤢ꤬ ꤟꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤛꤢꤨꤘꤢ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤜꤢꤩ꤭꤯

ทิโมธี อาเหร่อเล๊อ ต๊าบ่า 1:9

ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤘꤣꤧꤥ꤬ꤓꤢꤧ꤬ ꤢ꤬ ꤘꤣ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤢꤨ꤭ ꤘꤣꤧꤥ꤬ꤓꤢꤧ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤡꤢꤪꤙꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤒꤣꤧ꤬ꤔꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤗꤢꤩ꤬ꤞꤣꤧ꤭ ꤢ꤬ꤖꤢꤩ꤭ ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ꤗ꤫ꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬,

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤕꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤋꤢꤧꤙꤢꤩ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤢ꤬ ꤒꤢꤩ꤬ꤘꤣꤧꤡꤢ꤭ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤋꤝꤢ꤬ꤋꤛꤢ꤭ꤚꤣꤧ꤬, ꤢ꤬ ꤔꤝꤢꤓꤢꤧ꤬ ꤕꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤥ꤬ꤟꤣꤧ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤣꤧ꤭ꤔꤣꤧ꤬ꤖꤢꤧ꤯

เปโตร อาเหร่อเล๊อ ต๊าบ่า 1:20

ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ꤒꤢꤩ꤭ꤜꤢꤧ꤬ ꤒꤢꤧ꤬ꤜꤢ꤭ꤟꤤ ꤟꤢꤩ꤬ꤋꤢꤨ꤬ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤔꤝꤢꤓꤢꤧ꤬ ꤥ꤬ꤔꤢꤩ꤬ꤓꤥ꤭ꤟꤣꤧ ꤋꤚꤤ ꤣꤧ꤭ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤘꤣ ꤋꤛꤢ꤭ ꤒꤣꤧ꤬ꤘꤢꤦ꤬ ꤢ꤬ ꤗ꤫ꤢ꤬ꤟꤣꤧ ꤊꤢꤨꤔ꤫ꤢꤧ꤬ꤋꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤔꤢꤧ ꤋꤚꤤ ꤟꤣꤧ꤯

ꤛꤢꤨꤘꤢ꤬ 1:4

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤧ꤭ꤔꤥ꤭ꤟꤥ꤬ ꤟꤣꤧ ꤘꤣ ꤞꤤ꤭ꤊꤜꤢꤩ꤭ ꤟꤣꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤜꤣꤧ꤬ꤕꤜꤢꤩꤚꤣꤧ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤜꤣꤧ꤬ꤖꤚꤥꤜꤣꤧ꤬ꤖꤚꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ ꤕꤛꤢꤊꤢꤧ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤕꤢꤩ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤒꤥ꤬꤯ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤟꤢꤩꤏꤥ꤬ ꤥ꤬ꤔꤢꤩ꤬ ꤟꤣꤧ ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤕꤢ꤭꤯

ꤛꤢꤨꤘꤢ꤬ 1:15

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤘꤣꤧꤡꤢ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ ꤒꤥ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤜꤢꤧꤢ꤬ꤊꤜꤥ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤛꤢꤩ꤬ꤞꤤ꤭ ꤜꤢ꤭ ꤓꤢꤩꤒꤣꤧ꤬ꤢꤧ꤭ꤏꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭꤯”

เปโตร เนอบ่า ต๊าบ่า 3:7

ꤗꤢ꤬ꤔꤢꤧꤚꤣꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤒꤢ꤭ ꤞꤢꤧꤊꤣꤧ꤭ꤋꤛꤢ꤭ ꤢ꤬ꤍ꤫ꤥ꤬ ꤟꤢꤨ ꤢ꤬ ꤙꤢꤧꤜꤢꤧ꤬ꤜꤢꤨ ꤗꤢꤪꤜꤢꤩ꤭ ꤔꤢꤧ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ ꤔꤣꤧ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤗꤢꤪꤜꤢꤩ꤭ ꤔꤢꤧ ꤟꤢꤩ꤬ꤋꤢꤨ꤬ ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ ꤢ꤬ ꤊꤢꤨꤔ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤕ꤫ꤢꤦ꤬ꤗꤢ꤬ ꤥ꤬ꤊꤥ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤗꤤ꤬ ꤕꤢ꤭꤯ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕ꤫ꤢꤦ꤬ꤗꤢ꤬ꤥ꤬ꤊꤥ ꤒ꤫ꤥ꤬ ꤛꤢꤩ꤬ꤞꤤ꤭ ꤘꤣ ꤗ꤫ꤢꤪ꤬ꤔꤣꤧ꤭ ꤙꤣꤧ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤗꤢꤩ꤬ꤕꤛꤢꤊꤢꤧ꤭ ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤔ꤫ꤢꤧ꤬ꤊꤣꤧ꤭ ꤜꤢꤨ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ꤚꤥꤗꤢꤩ꤬ 11:26

ꤓꤥ꤭ꤕꤢ꤭ꤚꤣꤧ꤬, ꤜꤢꤪ꤭ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤟꤢꤨ ꤖꤚꤢꤩ꤬ꤖꤚꤥ꤬ ꤛꤢ꤬ꤏꤛꤢꤛꤢ꤬ ꤚꤢ꤭ꤥ꤬ꤔꤢꤩ꤬ ꤔꤣꤧ꤬ ꤕꤢ꤭꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤖꤚꤢꤩ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤥ꤬ ꤘꤣ ꤠꤤ꤭ꤞꤤꤥ꤬ ꤚꤣꤧ꤬ ꤢ꤬ ꤟꤢꤧ꤭ ꤕꤢ꤭꤯ ꤢ꤬ ꤊ꤫ꤢꤦ꤬ ꤖꤛꤢ ꤒꤣꤧ꤬ꤖꤢ꤭ꤊꤢꤧ꤭ ꤜꤢꤪ꤭ ꤜꤢꤪ꤭ ꤖꤢꤩ꤭ꤛꤢ꤬ꤊꤥ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ꤛꤢꤨꤘꤢ꤬ 1:18

ꤛꤢꤩ꤬ꤞꤤ꤭ ꤟꤢꤩ ꤕ꤫ꤢꤩ꤬ ꤞꤤ꤭ ꤔꤢꤧ, “ꤏꤢ꤮ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤘꤣ ꤋꤛꤢ꤭ ꤒꤣꤧ꤬ꤘꤢꤦ꤬ ꤕꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤑꤢ꤭ꤋꤚꤥ꤭ ꤞꤤ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤓꤢꤧ꤬ ꤕꤢ꤭꤯ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤋꤚꤝꤢ꤭ꤗꤢꤩ꤬ ꤏꤥ꤭ꤏꤢꤦ ꤖꤢꤧ ꤟꤢꤨ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤒꤥ꤭ꤊꤣꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯”

ꤚꤥꤗꤢꤩ꤬ 5:7

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤋꤢꤧꤞꤣꤧ꤭ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤢ꤬ꤑꤢꤩ꤭ ꤒꤣ꤬ꤖꤚꤢꤩ꤬ ꤟꤢꤩꤔꤣꤧ꤬ꤗꤢ꤬, ꤢ꤬ꤊꤢꤧ꤬ ꤔꤢꤧ꤬ꤡꤣꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ꤚꤢꤧ ꤗ꤫ꤢ꤬ꤔꤤꤔꤢꤧ꤬ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤟꤢꤩꤔꤣꤧ꤬, ꤒꤣꤧ꤬ꤚꤢꤧ꤮ ꤗꤢ꤬ ꤖꤚꤢꤩ꤬ ꤋꤢꤧꤞꤣꤧ꤭ꤙꤢꤦ꤬ ꤘꤣ ꤢ꤬ꤑꤢꤩ꤭ ꤔꤣꤧ꤬ꤗꤢ꤬ ꤢ꤬ ꤥ꤬ ꤖꤢꤧ ꤊꤣꤧ꤭ꤔꤢꤧꤊ꤫ꤢꤩ꤬꤯

ꤚꤥꤗꤢꤩ꤬ 8:32

ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ꤖꤢꤨ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧꤘꤢꤦ꤬ ꤡꤣꤧ ꤚꤣꤧ꤬ ꤢ꤬ ꤞꤤꤜꤥ꤭ ꤚꤣꤧꤘꤢꤦ꤬ ꤒꤥ꤬ ꤚꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤡꤣꤧ ꤢ꤬ꤖꤢꤨ ꤘꤣ ꤕꤢꤩ꤬ ꤜꤢꤪ꤭꤮ ꤕꤜꤤ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤡꤣꤧ꤯ ꤊꤢꤩ꤬ ꤢ꤬ ꤘꤣꤧꤒꤢ꤭ꤋꤚꤢ꤭ ꤡꤣꤧ ꤕꤢꤩ꤬ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨꤋꤚꤤ ꤡꤣꤧ ꤊꤢꤩ꤬ꤟꤢꤩꤚꤣꤧ꤬, ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤥ꤬ꤊꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧ ꤒꤢ꤭ꤋꤚꤢ꤭ꤕ꤫ꤥ꤬ ꤕꤢꤩ꤬ ꤕꤢ꤭ ꤗ꤫ꤢ꤬ꤒꤥ꤬ ꤟꤢꤧ꤭?

ꤚꤥꤗꤢꤩ꤬ 8:34

ꤟꤢꤨꤔꤣꤧ꤬ꤚꤣꤧ꤬, ꤗꤢ꤬ꤢꤨ꤭ꤕꤢꤩ꤭ ꤊ꤫ꤢꤦ꤬ꤚꤢꤩ꤭ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢꤩ꤭? ꤒꤣ꤬ꤖꤚꤢꤩ꤬꤮ ꤗꤢ꤬ ꤢꤨ꤭ ꤘꤣꤧꤡꤢ꤭ ꤡ꤫ꤢꤧ꤬ꤚꤣꤧ ꤛꤢꤩ꤬ꤞꤤ꤭ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤛꤢꤩ꤬ꤏꤛꤢꤨꤋꤚꤤ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤣꤧ꤭ ꤘꤣ ꤕꤢꤩ꤬ ꤒꤢꤩ꤬ꤞꤢꤦ ꤢ꤬ꤑꤢꤩ꤭ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤒꤣ꤬ꤖꤚꤢꤩ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤜ꤫ꤢꤩ꤬ꤥ꤬ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕꤢꤩ꤬ ꤔꤣꤧ꤬ ꤛꤢꤩ꤬ꤏꤛꤢꤨ ꤔꤥ꤭ ꤊꤝꤤ꤭ꤞꤤꤛꤢꤪ꤬ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤜ꤫ꤢꤩ꤬ꤊꤜꤥ꤭ ꤟꤣꤧ꤯

ꤊꤢ꤬ꤜꤢ꤬ꤒꤤ 2:20

ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧ ꤔꤢꤧ ꤠꤢꤧ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤋꤚꤤ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬ ꤟꤣꤧ꤯ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤗ꤫ꤢ꤬ꤕꤢ꤬ꤒꤥ꤬ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤠꤢꤧ꤭ꤊꤢꤨ꤭ ꤟꤣꤧ꤯ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤖꤢꤧ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ꤚꤣꤧ ꤠꤢꤧ꤭ ꤚꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ꤑꤢꤩ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤋꤛꤢ꤭ ꤖꤢꤧ꤯

เอเฟซัส 5:2

ꤞꤤ꤭ ꤒꤥ꤭ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨꤒꤢꤩ꤭ ꤟꤢꤩꤔꤣꤧ꤬ꤗꤢ꤬, ꤗꤥ꤬ꤚꤣꤧ ꤜꤢ꤭ꤋꤢꤧ꤭ ꤢꤨ꤭ꤚꤥ꤬ ꤕꤝꤢ꤭꤮ ꤒꤣ꤬ꤔꤣꤧ꤭ ꤞꤢꤧꤔꤢꤧ ꤋꤚꤤ ꤗꤥ꤬ ꤚꤣꤧꤘꤢꤦ꤬ ꤕꤢꤩ꤬ ꤚꤣꤧ꤬ ꤢ꤬ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤔꤣꤧ꤬ ꤔꤤ꤮꤯ ꤓꤥ꤭ꤒꤥ꤬ ꤋꤚꤤ ꤜꤢꤨ꤭ꤓꤢꤧ꤬ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤞꤢꤧꤔꤢꤧ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭ ꤘꤣ ꤢ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤣꤧ꤭ꤔꤣꤧ꤬ ꤟꤣꤧ꤯

ꤟꤤꤙꤚꤢꤨ 8:3

ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢꤨ꤭ ꤘꤢꤧ꤬ꤓꤢꤧ꤬ ꤢ꤬ ꤔꤢꤧ ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤒꤢꤩ꤬ ꤓꤥ꤭ꤚꤣꤧ꤬ ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬꤯ ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤘꤣ ꤢ꤬ꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤊꤣꤧ꤭ ꤒꤢꤩ꤬ ꤒꤣ꤬ꤡꤣ꤬ꤡꤣ꤬꤯