ꤚꤥꤗꤢꤩ꤬ 5:14 - Eastern Kayah Shadaw Dialect

¹⁴ ꤡꤢꤓꤢꤧ꤬ ꤙꤣꤧ ꤖꤢꤩ꤭ꤢ꤬ꤘꤢ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬ ꤢ꤬ꤓꤢꤦ꤭ꤋꤢꤩ꤭ꤔꤣꤧ꤬, ꤚꤣꤧ꤬ ꤢ꤬ ꤒ꤫ꤥ꤬ꤟꤢꤧ꤭ ꤘꤣ ꤋꤢꤨ꤭ꤗꤢꤪꤎꤢꤧ ꤢ꤬ꤓꤢꤦ꤭ꤋꤢꤩ꤭ ꤔꤣꤧ꤬, ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤙꤢꤩ꤬ꤞꤣꤧ꤭ꤜꤢꤪ꤭꤯ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬, ꤢ꤬ ꤗꤢꤩ꤬ꤞꤢꤦꤊꤣꤧ꤭ ꤟꤢꤨ ꤖꤢꤩ꤭ꤢ꤬ꤘꤢ꤬ ꤗꤢꤩ꤬ꤞꤢꤦ ꤔꤣꤧ꤬ ꤗ꤫ꤢ꤬ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤙꤢꤩ꤬ꤞꤣꤧ꤭ ꤊꤣꤧ꤭ꤜꤢꤪ꤭ ꤖꤢꤧ꤯ ꤖꤢꤩ꤭ꤢ꤬ꤘꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤋꤚꤤ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤕꤢ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁴ เป๊อแถ่ เบ๊อะเพอาดัม หนิดา จอแปแหร่ อาโหง่ โต่ อาทือเคเนอ, เร๊อ อา โต่แฮ เด๊อ คูโมเสส อาทือเค เนอ, แกแย ล๋อ ปลี เบ่เซอลอ. แกแย เนอเต๊เห่ หม่า, อา เมซื๊อเกอ ฮู๊ เพอาดัม เมซื๊อ เนอ หม่าโต่ หม่าแน๊เรอ เหย่ซี เบ่เซอ เกอลอ แพ๊. เพอาดัม หม่า อาแซ่เน๊อ ครี๊ เด๊อ อา เตเร แฮปา เนอเตเพร เฮ๊อ.

ꤚꤥꤗꤢꤩ꤬ 5:14 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:45

“ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤖꤚꤢꤩ꤬ ꤘꤣ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤖꤢꤩ꤭ꤢ꤬ꤘꤢ꤬ ꤣꤧ꤭ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬,” ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤖꤢꤩ꤭ꤢ꤬ꤘꤢ꤬ ꤘꤣ ꤋꤛꤢ꤭ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤟꤣꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤣꤧ꤯

ꤟꤤꤙꤚꤢꤨ 9:27

ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ ꤞꤣꤧ꤭ ꤖꤢꤧ ꤒꤣ꤬ꤖꤥꤖꤢꤧ꤯ ꤚꤣꤧ꤬ ꤢ꤬ ꤞꤣꤧ꤭ꤓꤥ꤭ ꤕꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭꤯

ꤚꤥꤗꤢꤩ꤬ 5:17

ꤘꤣ ꤖꤚꤢꤩ꤬ꤋꤢꤨ꤭ ꤖꤢꤩ꤭ꤢ꤬ꤘꤢ꤬ ꤗꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤢ꤬ꤋꤝꤢ꤬ꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤙꤢꤩ꤬ꤞꤣꤧ꤭ ꤔꤣꤧ꤬ꤗꤢ꤬ ꤢ꤬ꤒꤥ꤭ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤕꤜꤢꤪ꤬ꤥ꤬ ꤖꤛꤢꤏꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤔꤢꤧ ꤢ꤬ꤙꤝꤤꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤘꤣꤧꤋꤚꤢ꤭ ꤜꤢꤨ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤏꤢ꤭ꤛ꤫ꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤊꤣꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤕꤣ ꤒ꤫ꤣ꤬ꤊꤣꤧ꤭ ꤒꤢꤩ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤕꤢ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗꤢ꤬ ꤋꤚꤤ ꤣꤧ꤭ꤔꤣꤧ꤬, ꤢ꤬ ꤗꤢꤩ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤒꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤟꤣꤧ꤯

ꤚꤥꤗꤢꤩ꤬ 8:22

ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤜꤢꤪ꤭ ꤒꤢꤩ꤬ꤙꤢꤩ꤬ꤙꤢꤧ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤕꤣꤧ꤬ꤥ꤭ꤕꤣꤧ꤬ꤏꤢꤩ꤭ ꤚꤣꤧꤘꤢꤦ꤬ ꤜꤢꤪ꤭ ꤢ꤬ꤒꤢꤩ꤬ꤏꤢꤩ꤭ ꤘꤣ ꤢ꤬ꤞꤢꤧꤔꤢꤧ ꤖꤚꤢꤩ꤬ꤗꤢꤪ꤬ ꤖꤢꤨꤥ꤬ ꤟꤢꤪꤏꤢꤩ꤭ ꤚꤣꤧ꤬ ꤢ꤬ ꤢꤩꤓꤥ꤭ ꤔꤣꤧ꤬ ꤕꤢ꤭꤯ ꤢ꤬ ꤕꤣꤧ꤬ꤥ꤭ꤕꤣꤧ꤬ꤏꤢꤩ꤭ ꤒ꤫ꤥ꤬ ꤜꤢ꤭ꤋꤢꤧ꤭ ꤕꤢ꤬ ꤡꤣꤧ ꤊꤢꤨꤔ꤫ꤢꤧ꤬꤯

ꤚꤥꤗꤢꤩ꤬ 5:21

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤟꤢꤨ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤕꤣꤒꤣꤧ꤬ꤚꤤ꤬ꤚꤣꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤚꤣꤧ꤬ ꤢ꤬ ꤔꤢꤪ꤭ꤥ꤬ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤞꤣꤧ꤭ ꤢ꤬ꤋꤥ꤭ꤔꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤘꤤ꤭ꤒ꤫ꤢꤦ꤬ꤊꤣꤧ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤥ꤬ ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤕꤣꤒꤣꤧ꤬ꤚꤤ꤬ ꤚꤣꤧꤘꤢꤦ꤬ ꤊꤣꤧ꤭ ꤟꤣꤧ ꤕꤢꤩ꤬ ꤔꤢꤧ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤟꤣꤧ꤯

ꤚꤥꤗꤢꤩ꤬ 8:20

ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤙꤢꤩ꤬ ꤕꤛꤢꤊꤢꤧ꤭ ꤜꤢꤪ꤭ ꤕꤢ꤭꤯ ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤒ꤫ꤥ꤬ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤟꤢꤨꤔꤣꤧ꤬ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤝꤢ꤭ꤜꤢꤪ꤭ ꤛꤢꤩ꤬ꤞꤤ꤭ ꤟꤢꤨ ꤢ꤬ꤒꤢꤩ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤔꤣꤧ꤬ꤟꤣꤧ꤯

ꤚꤥꤗꤢꤩ꤬ 5:12

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤩ꤬ꤜꤢꤪ꤭ ꤟꤣꤧ ꤒꤢꤩ꤬ꤞꤢꤦ ꤟꤣꤧ꤯ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤣꤧ꤭ ꤢ꤬ ꤘꤣꤧꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤞꤣꤧ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤘꤣ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤜꤢꤪ꤭ ꤔꤢꤧ ꤒꤢꤩ꤬ꤞꤣꤧ꤭ ꤟꤣꤧ꤯

โครินธ์ อาเหร่อเล๊อ ต๊าบ่า 15:22

ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤢ꤭ ꤊꤣꤧ꤬ꤜꤢꤧ꤬ ꤘꤤ꤭ꤒ꤫ꤢꤦ꤬ ꤘꤣ ꤕꤢꤩ꤬ ꤖꤢꤩ꤭ꤢ꤬ꤘꤢ꤬ ꤢ꤬ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ ꤞꤣꤧ꤭ ꤜꤢꤪ꤭ ꤖꤢꤧ꤯ ꤟꤢꤨꤔꤣꤧ꤬ꤟꤣꤧ, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤒꤣꤧ꤬ꤟꤢꤩ꤬ꤔꤣꤧ꤬, ꤋꤚꤤ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤜꤢꤨ꤭ ꤕꤢ꤭꤯